Health Tips: കൊഴുപ്പകറ്റി, ഒതുങ്ങിയ വയർ വേണോ? ഇവ കഴിക്കാം
Synopsis
അടിവയറ്റിലെ കൊഴുപ്പ് കുറയ്ക്കാന് ആരോഗ്യകരമായ ഭക്ഷണശീലം പിന്തുടരേണ്ടത് ഏറെ പ്രധാനമാണ്. അത്തരത്തില് വയറിലെ കൊഴുപ്പിനെ പുറംതള്ളാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
അടിവയറ്റിലെ കൊഴുപ്പ് കുറയ്ക്കാന് ആരോഗ്യകരമായ ഭക്ഷണശീലം പിന്തുടരേണ്ടത് ഏറെ പ്രധാനമാണ്. അത്തരത്തില് വയറിലെ കൊഴുപ്പിനെ പുറംതള്ളാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
1. ബെറി പഴങ്ങള്
ഫൈബറും ആന്റി ഓക്സിഡന്റുകളും വിറ്റാമിന് സിയും ധാരാളം അടങ്ങിയ ബെറി പഴങ്ങള് കഴിക്കുന്നത് വിശപ്പ് കുറയ്ക്കാനും വണ്ണം കുറയ്ക്കാനും സഹായിക്കും. പ്രത്യേകിച്ച്, ബ്ലൂബെറി, ഫാറ്റ് പുറംതള്ളാന് സഹായിക്കും.
2. നട്സ്
ഫൈബര്, ആരോഗ്യകരമായ കൊഴുപ്പ് തുടങ്ങിയവ അടങ്ങിയ ബദാം, വാള്നട്സ് തുടങ്ങിയ നട്സുകള് ഡയറ്റില് ഉള്പ്പെടുത്തുന്നത് വയറു കുറയ്ക്കാനും ശരീരഭാരം നിയന്ത്രിക്കാനും സഹായിക്കും.
3. മുട്ട
മുട്ടയിൽ ഉയർന്ന പ്രോട്ടീൻ അടങ്ങിയിട്ടുണ്ട്, മാത്രമല്ല അവശ്യ അമിനോ ആസിഡ് ല്യൂസിൻ പോലും അടങ്ങിയിട്ടുണ്ട്. ഇത് കൊഴുപ്പ് കത്തുന്ന സംവിധാനത്തെ ഉത്തേജിപ്പിക്കുന്നു. മുട്ടയുടെ മഞ്ഞക്കരുവിലെ കോളിൻ സാന്നിദ്ധ്യം കൊഴുപ്പ് അടിയുന്നതിനെ തടയും.
4. ആപ്പിൾ
ഫൈബര് ധാരാളം അടങ്ങിയ ആപ്പിൾ അമിത വിശപ്പിനെയും അകറ്റാന് സഹായിക്കും. അതുവഴി ശരീരഭാരവും നിയന്ത്രിക്കാം. കൂടാതെ പെക്ടിൻ ധാരാളം അടങ്ങിയ ആപ്പിള് ഫാറ്റ് അടിയുന്നത് തടയുകയും ചെയ്യും.
5. ചീര
പ്രോട്ടീന് ധാരാളം അടങ്ങിയ പച്ചക്കറികളിലൊന്നാണ് ചീര. അര കപ്പ് ചീരയില് ഒരു ഗ്രാം പ്രോട്ടീന് അടങ്ങിയിട്ടുണ്ട്. കൂടാതെ ഫൈബർ ധാരാളമായി അടങ്ങിയിട്ടുള്ള ചീര ഫാറ്റ് കുറയ്ക്കാനും അതുവഴി ശരീരഭാരം നിയന്ത്രിക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.