തട്ടുകട സ്റ്റൈൽ ഉരുളക്കിഴങ്ങ് ബജ്ജി വീട്ടില്‍ തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സ്ട്രീറ്റ് ഫുഡ് റെസിപ്പികൾ. ഇന്ന് വിനോദ് രാമകൃഷ്ണൻ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

തട്ടുകട സ്റ്റൈൽ ഉരുളക്കിഴങ്ങ് ബജ്ജി വീട്ടില്‍ തയ്യാറാക്കിയാലോ?

വേണ്ട ചേരുവകൾ

ഉരുളക്കിഴങ്ങ് - അരക്കിലോ

കടലമാവ് - രണ്ട് കപ്പ്

മുളകുപൊടി - ഒരു സ്പൂൺ

കായപ്പൊടി - അര സ്പൂൺ

മഞ്ഞൾ പൊടി - അര സ്പൂൺ

ഉപ്പ് - ഒരു സ്പൂൺ

വെള്ളം -2 കപ്പ്

എണ്ണ -1/2 ലിറ്റർ

തയ്യാറാക്കുന്ന വിധം

ഉരുളക്കിഴങ്ങ് തൊലി കളഞ്ഞ് വട്ടത്തിൽ കട്ട് ചെയ്ത് എടുക്കുക. അതിനുശേഷം ഒരു പാത്രത്തിലേക്ക് കടലമാവ് ഇട്ടുകൊടുക്കുക. അതിലേക്ക് ആവശ്യത്തിന് മഞ്ഞൾപ്പൊടി, മുളകുപൊടി, കായപ്പൊടി, ഉപ്പ് എന്നിവ ചേർത്ത് നന്നായി ഇളക്കി യോജിപ്പിക്കുക. ശേഷം കട്ട് ചെയ്തു വച്ചിട്ടുള്ള ഉരുളക്കിഴങ്ങ് ഇതില്‍ മുക്കി എണ്ണയിലേയ്ക്കിട്ട് വറുത്തെടുക്കാവുന്നതാണ്.