കിടിലൻ രുചിയിൽ വാഴക്ക ബജി തയ്യാറാക്കാം

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സ്ട്രീറ്റ് ഫുഡ് റെസിപ്പികൾ. ഇന്ന് ഷിബി സാറ സക്കറിയ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

വേണ്ട ചേരുവകൾ

പച്ചക്കായ                                                          അഞ്ചണ്ണം

മുളകുപൊടി                                                 ഒരു സ്പൂൺ

ഉപ്പ്                                                                       അര സ്പൂൺ

കടലമാവ്                                                          2 കപ്പ്

കാശ്മീരി മുളകുപൊടി                           അര സ്പൂൺ 

കായപ്പൊടി                                                കാൽ സ്പൂൺ

വെള്ളം                                                           ഒരു ഗ്ലാസ്

എണ്ണ                                                                  1/2 ലിറ്റർ

തയ്യാറാക്കുന്ന വിധം

കടലമാവ് ഒരു പാത്രത്തിലേക്ക് ഇട്ടു കൊടുത്തതിനുശേഷം അതിലേക്ക് മുളകുപൊടി, കായപ്പൊടി, കാശ്മീരി മുളകുപൊടി, ആവശ്യത്തിന് ഉപ്പ്, കുറച്ചു വെള്ളം എന്നിവ നല്ലപോലെ ഇളക്കി യോജിപ്പിച്ച് എടുക്കുക. അതിനു ശേഷം അടുത്തതായിട്ട് പച്ചക്കായയുടെ തോല് കളഞ്ഞ് നീളത്തിൽ അരിഞ്ഞെടുത്തതിനു ശേഷം മാവിലേക്ക് മുക്കി എണ്ണയിലേക്ക് ഇട്ട് വറുത്ത് എടുക്കാവുന്നതാണ്.