ചെമ്മീൻ കൊണ്ട് കിടിലന്‍ പക്കോഡ തയ്യാറാക്കിയാലോ? റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കടല്‍ വിഭവങ്ങള്‍ അഥവാ സീഫുഡ് റെസിപ്പികള്‍. ഇന്ന് അഞ്ജലി രമേശൻ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ചെമ്മീൻ കൊണ്ട് വെറൈറ്റി പക്കോഡ തയ്യാറാക്കിയാലോ?

വേണ്ട ചേരുവകൾ

ചെമ്മീൻ - 1 കിലോ 
കടലമാവ് - 1 കപ്പ് 
ഇഞ്ചി - 1 സ്പൂൺ 
വെളുത്തുള്ളി -1 സ്പൂൺ 
മഞ്ഞൾ പൊടി -1/2 സ്പൂൺ 
മുളകുപൊടി -2 സ്പൂൺ 
കായപൊടി -1/2 സ്പൂൺ 
ഉപ്പ് -1 സ്പൂൺ 
ഗരം മസാല -1 സ്പൂൺ 
കറിവേപ്പില -2 തണ്ട് 
വെള്ളം -1 ഗ്ലാസ്‌ 
എണ്ണ -1/2 ഗ്ലാസ്‌ 

തയ്യാറാക്കുന്ന വിധം

ചെമ്മീൻ നല്ലതുപോലെ കഴുകി വൃത്തിയാക്കി എടുത്തതിനുശേഷം അതിലേയ്ക്ക് മഞ്ഞൾപ്പൊടി, മുളകുപൊടി, ഗരം മസാല, ഉപ്പ്, ആവശ്യത്തിന് വെള്ളം എന്നിവ ചേര്‍ത്തതിന് ശേഷം അതിലേയ്ക്ക് കറിവേപ്പിലയും കൂടി ചേർത്തു നല്ലതുപോലെ കുഴച്ചെടുക്കുക. ഇനി അതിലേയ്ക്ക് ഇഞ്ചി- വെളുത്തുള്ളി പേസ്റ്റ് കൂടി ചേർത്ത് നല്ലതുപോലെ ഇളക്കി യോജിപ്പിച്ച് മാറ്റി വയ്ക്കുക. അതിനുശേഷം പാന്‍ ചൂടാകുമ്പോള്‍ ആവശ്യത്തിന് എണ്ണ ഒഴിച്ചതിന് ശേഷം ചെമ്മീൻ മാവില്‍ മുക്കി എണ്ണയിലേയ്ക്കിട്ട്  വറുത്തെടുക്കുക.