ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം കടല് വിഭവങ്ങള് അഥവാ സീഫുഡ് റെസിപ്പികള്. ഇന്ന് അമൃത അഭിജിത് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
കിടിലന് രുചിയില് കൊഞ്ച് തീയല് തയ്യാറാക്കിയാലോ?
വേണ്ട ചേരുവകൾ
കൊഞ്ച് - 500 ഗ്രാം
ഇഞ്ചി - വെളുത്തുള്ളി ചതച്ചത്- 1 ടേബിൾസ്പൂൺ
സവാള - 2 എണ്ണം
തേങ്ങ ചിരകിയത് - 1 കപ്പ്
മഞ്ഞൾ പൊടി - 1 ടീസ്പൂൺ
മുളകുപൊടി - 2 ടേബിൾസ്പൂൺ
മല്ലി പൊടി - 1 ടേബിൾസ്പൂൺ
വെളിച്ചെണ്ണ - ആവിശ്യത്തിന്
ഉപ്പ് - ആവിശ്യത്തിന്
കറിവേപ്പില - ആവിശ്യത്തിന്
തയ്യാറാക്കുന്ന വിധം
കൊഞ്ചിൽ മഞ്ഞൾ പൊടി, മുളക് പൊടി, മല്ലി പൊടി, ഇഞ്ചി - വെളുത്തുള്ളി ചതച്ചത്, ഉപ്പ് എന്നിവയൊക്കെ ചേർത്ത് നല്ലതുപോലെ മിക്സ് ചെയ്തു ഇരുപത് മിനിറ്റോളം മാറ്റി വയ്ക്കുക. ശേഷം ഒരു പാനിൽ വെളിച്ചെണ്ണയൊഴിച്ചു കൊഞ്ച് നല്ലതു പോലെ മൊരിച്ചെടുത്ത് മാറ്റി വയ്ക്കുക. പിന്നീട് ഇതേ പാനിൽ സവാള ചെറുതായിട്ട് മൂപ്പിച്ചെടുക്കുക. ശേഷം കറിവേപ്പിലയും ചിരകിയ തേങ്ങയും മാറ്റി വച്ച കൊഞ്ചും ചേർത്ത് ചെറുത്തീയിലിട്ടു അഞ്ച് മിനിറ്റോളം വഴറ്റുക. ഇതോടെ രുചിയൂറും കൊഞ്ച് തീയൽ റെഡി.
