Health Tips: തലച്ചോറിന്റെ ആരോഗ്യത്തിനായി പിന്തുടരാം ഈ ശീലങ്ങള്
Synopsis
നമ്മുടെ ചില ശീലങ്ങൾ തലച്ചോറിന്റെ ആരോഗ്യത്തിനും ഓർമ്മശക്തിക്കും ബുദ്ധിവികാസത്തിനും ഗുണം ചെയ്യും. അത്തരത്തില് തലച്ചോറിന്റെ ആരോഗ്യത്തിന് വേണ്ടി ചെയ്യേണ്ട കാര്യങ്ങള് എന്തൊക്കെയാണെന്ന് നോക്കാം:
തലച്ചോറ് എന്നത് മനുഷ്യ ശരീരത്തിലെ ഏറ്റവും പ്രധാനപ്പെട്ട അവയവമാണ്. അതിനാല് തന്നെ തലച്ചോറിന്റെ ആരോഗ്യം സംരക്ഷിക്കേണ്ടത് ഏറെ പ്രധാനപ്പെട്ട കാര്യമാണ്. നമ്മുടെ ചില ശീലങ്ങൾ തലച്ചോറിന്റെ ആരോഗ്യത്തിനും ഓർമ്മശക്തിക്കും ബുദ്ധിവികാസത്തിനും ഗുണം ചെയ്യും. അത്തരത്തില് തലച്ചോറിന്റെ ആരോഗ്യത്തിന് വേണ്ടി ചെയ്യേണ്ട കാര്യങ്ങള് എന്തൊക്കെയാണെന്ന് നോക്കാം:
1. ആരോഗ്യകരമായ ഭക്ഷണക്രമം
തലച്ചോറിന്റെ ആരോഗ്യത്തിനായി ആരോഗ്യകരമായ ഭക്ഷണക്രമം പ്രധാനമാണ്. ഇതിനായി പോഷകാഹാരം തന്നെ ഡയറ്റില് ഉള്പ്പെടുത്തുക. ഒമേഗ 3 ഫാറ്റി ആസിഡുകൾ, ആന്റിഓക്സിഡന്റുകള്, ഇരുമ്പ്, പ്രോട്ടീന്, വിറ്റാമിനുകള്, ധാതുക്കള് തുടങ്ങിയവ അടങ്ങിയ ഭക്ഷണങ്ങള് കഴിക്കുക. ഇതിനായി പഴങ്ങള്, പച്ചക്കറികള്, മുഴുധാന്യങ്ങള് തുടങ്ങിയവ തെരഞ്ഞെടുക്കുക. അതുപോലെ സംസ്കരിച്ച ഭക്ഷണങ്ങൾ, മധുരപലഹാരങ്ങൾ, എണ്ണയില് പൊരിച്ച ഭക്ഷണങ്ങള്, അനാരോഗ്യകരമായ കൊഴുപ്പ് അടങ്ങിയ ഭക്ഷണങ്ങള് തുടങ്ങിയവ ഡയറ്റില് നിന്നും ഒഴിവാക്കുക.
2. ഉറക്കം
തലച്ചോറിന്റെ ആരോഗ്യത്തിന് ഉറക്കം ഏറെ പ്രധാനമാണ്. കാരണം ഉറക്കം ശരിയായില്ലെങ്കില് അത് തലച്ചോറിനെ ബാധിക്കാം. ഉറക്കക്കുറവ് ഓര്മ്മശക്തി കുറയാനും, പഠനത്തില് ശ്രദ്ധ കൊടുക്കാതിരിക്കാനും കാരണമാകും. മാനസികാരോഗ്യത്തെയും ഇത് ബാധിക്കാം. അതിനാല് രാത്രി ഏഴ്- എട്ട് മണിക്കൂര് ഉറങ്ങുക.
3. വ്യായാമം
പതിവായി വ്യായാമം ചെയ്യുന്നത് തലച്ചോറിലേയ്ക്കുള്ള രക്തയോട്ടം കൂട്ടാനും തലച്ചോറിന്റെ പ്രവർത്തനം മെച്ചപ്പെടുത്താനും ഓര്മ്മശക്തി കൂടാനും സഹായിക്കും.
4. പസിലുകള്
തലച്ചോറ് എപ്പോഴും പ്രവര്ത്തിച്ചുകൊണ്ടിരിക്കാന് പസിലുകളും ബ്രെയിന് ഗെയിമുകളും കളിക്കുന്നത് ഏറെ നല്ലതാണ്.
5. വായന
തലച്ചോറിന്റെ പ്രവർത്തനം മെച്ചപ്പെടുത്താനും ഏകാഗ്രത ലഭിക്കാനും വായന സഹായിക്കും. ഇതിനായി വായന ജീവിതത്തിന്റെ ഭാഗമാക്കുക.
6. നല്ല സൗഹൃദം
നല്ല സൗഹൃദങ്ങള്, എല്ലാവരുമായി നല്ലൊരു സ്നേഹബന്ധം തുടങ്ങിയവയൊക്കെ തലച്ചോറിനെ പോസിറ്റീവായിരിക്കാന് സഹായിക്കും.
7. യോഗ
യോഗ പോലെയുള്ള കാര്യങ്ങള് ചെയ്യുന്നതും തലച്ചോറിന്റെ ആരോഗ്യത്തിന് നല്ലതാണ്.
Also read: പ്രോട്ടീന് ലഭിക്കാന് ഡയറ്റില് ഉള്പ്പെടുത്തേണ്ട എട്ട് പഴങ്ങള്