ഫാറ്റി ലിവറാണോ പ്രശ്നം? ഈ പച്ചക്കറികൾ ഡയറ്റില് ഉൾപ്പെടുത്തൂ
Synopsis
ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, പഞ്ചസാര ധാരാളം അടങ്ങിയ ഭക്ഷണങ്ങളും പാനീയങ്ങളും തുടങ്ങിയവ പരമാവധി ഒഴിവാക്കുക.
കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥ ആണ് ഫാറ്റി ലിവര് രോഗം. ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, പഞ്ചസാര ധാരാളം അടങ്ങിയ ഭക്ഷണങ്ങളും പാനീയങ്ങളും തുടങ്ങിയവ പരമാവധി ഒഴിവാക്കുക. ഫാറ്റി ലിവര് രോഗമുള്ളവരും, ഫാറ്റി ലിവര് രോഗം ഇനി വരാതിരിക്കാനും ഡയറ്റില് ഉള്പ്പെടുത്തേണ്ട ചില പച്ചക്കറികളെ പരിചയപ്പെടാം.
1. ബീറ്റ്റൂട്ട്
ആന്റി ഓക്സിഡന്റുകളും നൈട്രേറ്റുകളും അടങ്ങിയ ബീറ്റ്റൂട്ട് ഡയറ്റില് ഉള്പ്പെടുത്തുന്നത് കരളിലെ കൊഴുപ്പിനെ പുറംതള്ളാന് സഹായിക്കും.
2. ചീര
വിറ്റാമിനുകളും ധാതുക്കളും ആന്റി ഓക്സിഡന്റുകളും അടങ്ങിയ ചീര ഡയറ്റില് ഉള്പ്പെടുത്തുന്നതും ഫാറ്റി ലിവര് രോഗ സാധ്യത കുറയ്ക്കാനും കരളിന്റെ ആരോഗ്യം സംരക്ഷിക്കാനും സഹായിക്കും.
3. ക്രൂസിഫറസ് പച്ചക്കറികൾ
ബ്രൊക്കോളി, കാബേജ് തുടങ്ങിയ പച്ചക്കറികൾ അവശ്യ പോഷകങ്ങളുടെ പവർഹൗസുകളാണ്. വിറ്റാമിന് എ, സി, കെ, അതുപോലെ ഫോളേറ്റ്, ആന്റിഓക്സിഡന്റുകൾ എന്നിവ അടങ്ങിയ ഈ പച്ചക്കറികള് കരളിന്റെ ആരോഗ്യത്തിന് ഏറെ ഗുണം ചെയ്യും. അതിനാല് ഫാറ്റി ലിവര് രോഗ സാധ്യത കുറയ്ക്കാനും ഫാറ്റി ലിവര് രോഗമുള്ളവരും ഇത്തരം പച്ചക്കറികള് തെരഞ്ഞെടുത്ത് കഴിക്കുന്നത് ഗുണം ചെയ്യും.
4. വെളുത്തുള്ളി
സള്ഫര് ധാരാളം അടങ്ങിയ വെളുത്തുള്ളി ഡയറ്റില് ഉള്പ്പെടുത്തുന്നത് ഫാറ്റി ലിവര് രോഗത്തെ തടയാനും കരളിന്റെ ആരോഗ്യം സംരക്ഷിക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.