ദിവസവും ഒരു മുട്ട കഴിച്ചാൽ ലഭിക്കും ഈ ഗുണങ്ങൾ

മുട്ടയിൽ കോളിൻ, വിറ്റാമിൻ ബി 12, ഫോളേറ്റ്, ഒമേഗ 3 കൊഴുപ്പുകൾ എന്നിവ അടങ്ങിയിട്ടുണ്ട്. ഇവയെല്ലാം മെച്ചപ്പെട്ട പ്രത്യുൽപാദന ആരോഗ്യവുമായി ബന്ധപ്പെട്ടിരിക്കുന്നു.

ദിവസവും ഒരു മുട്ട കഴിക്കുന്നത് ആരോ​ഗ്യത്തിന് നല്ലതാണ്. പ്രാതലിൽ ഒരു മുട്ട ഉൾപ്പെടുത്തുന്നത് ആ ദിവസത്തെ ഊർജത്തോടെ നിലനിർത്തുന്നു. മിതമായ അളവിൽ മുട്ട കഴിക്കുന്നത് ആരോഗ്യകരമാണ് എന്നാണ് വിദഗ്ധർ പറയുന്നത്. ദിവസവും രണ്ടു മുട്ട വീതം കഴിച്ചാൽ ലഭിക്കുന്ന ഗുണങ്ങളെക്കുറിച്ചറിയാം.

ഒന്ന്

മുട്ട ഏറ്റവും പോഷകസമൃദ്ധവും വൈവിധ്യമാർന്നതുമായ ഭക്ഷണങ്ങളിൽ ഒന്നാണ്. മുട്ട കണ്ണിന്റെ ആരോഗ്യത്തിന് ഉത്തമമാണ്, കാരണം അവയിൽ ല്യൂട്ടിൻ, സിയാക്സാന്തിൻ എന്നിവ അടങ്ങിയിട്ടുണ്ട്. പ്രായവുമായി ബന്ധപ്പെട്ട മാക്കുലാർ ഡീജനറേഷൻ (AMD), തിമിരം എന്നിവയിൽ നിന്ന് സംരക്ഷിക്കുന്ന ആന്റിഓക്‌സിഡന്റുകളാണ് അവ.

രണ്ട്

മുട്ടയിൽ കോളിൻ, വിറ്റാമിൻ ബി 12, ഫോളേറ്റ്, ഒമേഗ 3 കൊഴുപ്പുകൾ എന്നിവ അടങ്ങിയിട്ടുണ്ട്. ഇവയെല്ലാം മെച്ചപ്പെട്ട പ്രത്യുൽപാദന ആരോഗ്യവുമായി ബന്ധപ്പെട്ടിരിക്കുന്നു. മഞ്ഞക്കരുവിലെ ആരോഗ്യകരമായ കൊഴുപ്പുകൾ ആരോഗ്യകരമായ ആർത്തവചക്രത്തിന് അത്യാവശ്യമായ ഹോർമോൺ ഉൽപാദനത്തെ പിന്തുണയ്ക്കുന്നു.

മൂന്ന്

ദിവസവും ഒരു മുട്ട കഴിക്കുന്നത് പേശികളുടെ അളവ് നിലനിർത്താൻ സഹായിക്കുന്നു. വിറ്റാമിൻ ഡിയും മുട്ടയിലെ പ്രധാന ധാതുക്കളും മികച്ച പേശികളുടെ പ്രവർത്തനത്തിനും സഹായിക്കുന്നു. ഫോസ്ഫറസ്, സെലിനിയം, കാൽസ്യം തുടങ്ങിയവ അടങ്ങിയിട്ടുള്ളതിനാൽ എല്ലുകളെ ശക്തിപ്പെടുത്താനും അസ്ഥി രോ​ഗങ്ങൾ ത‍ടയാനും സഹായിക്കും.

നാല്

പതിവായി മുട്ട കഴിക്കുന്നത് പ്രായമാകുമ്പോൾ മെച്ചപ്പെട്ട വൈജ്ഞാനിക പ്രകടനവുമായി ബന്ധപ്പെട്ടിരിക്കുന്നു. ഉതകണ്ഠ, സ്ട്രെസ് എന്നിവ കുറയ്ക്കാൻ മുട്ട സഹായിക്കുന്നു.

അഞ്ച്

രോഗപ്രതിരോധ കോശങ്ങൾക്കും അണുബാധകൾക്കെതിരെ പോരാടുന്നതിനും ആവശ്യമായ പ്രോട്ടീൻ, വിറ്റാമിനുകൾ (എ, ഡി, ബി 12), ധാതുക്കൾ (സെലിനിയം, സിങ്ക്) എന്നിവ മുട്ടയിൽ അടങ്ങിയിരിക്കുന്നതിനാൽ രോഗപ്രതിരോധ ശേഷിക്ക് വളരെ നല്ലതാണ്.

ആറ്

​ദിവസവും മുട്ട കഴിക്കുന്നത് ശരീരഭാരം കുറയ്ക്കാനും അമിതമായി ഭക്ഷണം കഴിക്കാനുള്ള സാധ്യതയും കുറയ്ക്കും. മുട്ട ബ്രേക്ക്ഫാസ്റ്റിൽ ഉൾപ്പെടുത്തുന്നതാണ് ഏറെ നല്ലത്.