ലാ ലിഗയില്‍ അപരാജിത കുതിപ്പ് തുടര്‍ന്ന് ബാഴ്‌സലോണ, റയലിനും ജയം; പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡിന് സമനില
Synopsis
ലാ ലിഗയിൽ ഗെറ്റാഫയെ തോൽപ്പിച്ച് ബാഴ്‌സലോണ ഒന്നാം സ്ഥാനത്ത് തുടരുമ്പോൾ, വിയാറയലിനെതിരെ റയൽ മാഡ്രിഡും അലാവസിനെതിരെ അത്‌ലറ്റിക്കോ മഡ്രിഡും വിജയം നേടി. പ്രീമിയർ ലീഗിൽ ആഴ്‌സണലും ചെൽസിയും മികച്ച വിജയങ്ങൾ സ്വന്തമാക്കിയപ്പോൾ മാഞ്ചസ്റ്റർ യുണൈറ്റഡ് ടോട്ടനവുമായി സമനിലയിൽ പിരിഞ്ഞു.
ബാഴ്‌സലോണ: ലാലിഗയില്‍ വിജയക്കുതിപ്പ് തുടര്‍ന്ന് ബാഴ്‌സലോന. എതിരില്ലാത്ത മൂന്ന് ഗോളിന് ഗെറ്റാഫയെ തോല്‍പിച്ചു. രണ്ടാം മിനിറ്റില്‍ ആന്തണി ഗോര്‍ഡനാണ് ആദ്യ ഗോള്‍ നേടിയത്. പിന്നാലെ 30- മിനിറ്റില്‍ ഗബ്രിയേല്‍ ജിസ്യൂസ് ബാഴ്‌സയുടെ ലീഡ് ഇരട്ടിയാക്കി ഒടുവില്‍ 73- മിനിറ്റില്‍ ഫ്രഞ്ച് താരം ജൂലെസ് കൂന്‍ഡേ മൂന്നാം ഗോളും മിന്നും ജയവും സ്വന്തമാക്കി. പോയിന്റ് പട്ടികയില്‍ ഒന്നാം സ്ഥാനത്ത് തുടരുകയാണ് ബാഴ്‌സ. അപരാജിത കുതിപ്പ് തുടരുന്ന ബാഴ്‌സയ്ക്ക് എട്ട് മത്സരങ്ങളില്‍ 24 പോയിന്റുണ്ട്.
മറ്റൊരു മത്സരത്തില്‍ റയല്‍ മാഡ്രിഡ് നിര്‍ണായക വിജയം നേടി. വിയാറയലിനെ എതിരില്ലാത്ത ഒരു ഗോളിന് തോല്‍പ്പിച്ചു. സാന്റിയാഗോ ബെര്‍ണബ്യൂ സ്റ്റേഡിയത്തില്‍ നടന്ന മത്സരത്തില്‍ അറുപത്തിനാലാം മിനിറ്റിലാണ് യാന്‍ ഡിയോമാണ്ടെ വിജയഗോള്‍ നേടിയത്. ഫെഡെറിക്കോ വാല്‍വെര്‍ഡെയുടെ മനോഹരമായ പാസില്‍നിന്ന് പിറന്ന ഗോള്‍ ഓഫ്സൈഡ് സംശയത്തെത്തുടര്‍ന്ന് ആദ്യം അസാധുവാക്കിയെങ്കിലും, വാര്‍ പരിശോധനയ്ക്കുശേഷം റഫറി ഗോള്‍ അനുവദിക്കുകയായിരുന്നു. എഴുപത്തിമൂന്നാം മിനിറ്റില്‍ വിനീഷ്യസ് ജൂനിയര്‍ റയലിനായി വലകുലുക്കിയെങ്കിലും, നേഥന്‍ സാലിബിന്റെ മുടിയില്‍ പിടിച്ചുവലിച്ചതിനെത്തുടര്‍ന്നുള്ള ഫൗള്‍ കാരണം ഗോള്‍ അനുവദിച്ചില്ല.
പിന്നാലെ വിനീഷ്യസിന് ചുവപ്പുകാര്‍ഡും ലഭിച്ചു. ഇതോടെ ശേഷിച്ച സമയം പത്ത് പേരുമായാണ് റയല്‍ മാഡ്രിഡ് മത്സരം പൂര്‍ത്തിയാക്കിയത്. ഈ വിജയത്തോടെ പതിനെട്ട് പോയിന്റുമായി റയല്‍ മാഡ്രിഡ് പോയിന്റ് പട്ടികയില്‍ മൂന്നാം സ്ഥാനത്തെത്തി. എട്ട് പോയിന്റുള്ള വിയാറയല്‍ പത്താം സ്ഥാനത്ത് തുടരുന്നു. അത്‌ലറ്റിക്കോ മഡ്രിഡും ജയം നേടി. അലാവസിനെ ഒന്നിനെതിരെ രണ്ട് ഗോളിനാണ് അത്‌ലറ്റിക്കോ വീഴ്ത്തിയത്. 87- മിനിറ്റില്‍ ക്രിസ്റ്റ്യന്‍ റൊമേറോയാണ് വിജയ ഗോള്‍ നേടിയത്.
പ്രീമിയര്‍ ലീഗില്‍ ആഴ്‌സണലിന് ജയം
ഇംഗ്ലീഷ് പ്രീമിയര്‍ ലീഗില്‍ ലീഡ്‌സ് യുണൈറ്റഡിനെതിരെ തിരിച്ചടിച്ച് മിന്നും ജയവുമായി ആഴ്‌സനല്‍. ഒന്നിനെതിരെ രണ്ട് ഗോളിനായിരുന്നു ആഴ്‌സനലിന്റെ ജയം. മത്സരത്തില്‍ ലീഡ്‌സാണ് ആദ്യം ഗോളടിച്ചത്. 55- മിനിറ്റില്‍ ജെയിംസ് ജസ്റ്റിനിലൂടെ ലീഡ്. പിന്നാലെ ഉണര്‍ന്നുകളിച്ച ആഴ്‌സനല്‍ 62- മിനിറ്റില്‍ റിക്കാര്‍ഡോയുടെ ഗോളിലൂടെ ഒപ്പമെത്തി. 70- മിനിറ്റില്‍ ഗിമറെയ്സ് ആഴ്‌സനലിന്റെ വിജയഗോള്‍ നേടി. മറ്റൊരു മത്സരത്തില്‍ മാഞ്ചസ്റ്റര്‍ യുണൈറ്റഡ്, ടോട്ടനവുമായി സമനിലയില്‍ പിരിഞ്ഞു. ഇരു ടീമുകളും ഓരോ ഗോള്‍ വീതം നേടി. രണ്ടാം പകുതിയിലായിരുന്നു
ബോണ്‍മൗത്തിനെ ഒന്നിനെതിരെ 5 ഗോളിന് തകര്‍ത്ത് ചെല്‍സി. ജോര്‍ദാന്‍ ഹെന്‍ഡേഴ്‌സന്റേയും ജാവോ പെഡ്രോയിടേയും ഇരട്ട ഗോളുകളാണ് ചെല്‍സിക്ക് കരുത്തായത്. മത്സരത്തിന്റെ രണ്ടാം മിനിറ്റിലും മൂന്നാം മിനിറ്റിലും ചെല്‍സി ഗോള്‍ നേടിയിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്‌ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!