അബദ്ധത്തില് പോലും പന്ത് 'ലെവന്' പാസ് ചെയ്യരുത്, മുള്ളര്ക്ക് മുന്നറിയിപ്പുമായി മാനെ
Synopsis
എട്ടു വര്ഷം ബയേണിന്റെ ഗോളടി യന്ത്രമായിരുന്ന ലെവന്ഡോവ്സ്കി ഈ സീസണിലാണ് ബാഴ്സ കുപ്പായത്തിലെത്തിയത്. ബയേണ് കുപ്പായത്തില് 344 ഗോളുകളാണ് ലെവന്ഡോവ്സ്കി നേടിയിട്ടുള്ളത്. കഴിഞ്ഞ സീസണ്വരെ ലിവര്പൂളിന്റെ താരമായിരുന്ന സാദിയോ മാനെ ലെവന്ഡോവ്സ്കിക്ക് പകരക്കാരനാായണ് ഇത്തവണ ബയേണ് മ്യൂണിക്കിലെത്തിയത്.
പാരീസ്: ചാമ്പ്യന്സ് ലീഗില് ഇന്ന് നടക്കുന്ന ബാഴ്സലോണ-ബയേണ് മ്യൂണിക് പോരാട്ടത്തിനായുള്ള കാത്തിരിപ്പിലാണ് ഫുട്ബോള് ആരാധകര്. എന്നാല് ബയേണ് മ്യൂണിക്കിലെ സഹതാരം തോമസ് മുള്ളര്ക്ക് മുന്നറിയിപ്പുമായി എത്തിയിരിക്കുകയാണ് സ്ട്രൈക്കര് സാദിയോ മാനെ. മത്സരത്തിനിടെ പഴയ ഓര്മവെച്ച് അറിയാതെ പോലും ബാഴ്സലോണ സ്ട്രൈക്കര് റോബര്ട് ലെവന്ഡോവ്സ്കിക്ക് പന്ത് പാസ് ചെയ്യരുതെന്നാണ് മുളളര്ക്ക് മാനെയുടെ മുന്നറിയിപ്പ്.
എട്ടു വര്ഷം ബയേണിന്റെ ഗോളടി യന്ത്രമായിരുന്ന ലെവന്ഡോവ്സ്കി ഈ സീസണിലാണ് ബാഴ്സ കുപ്പായത്തിലെത്തിയത്. ബയേണ് കുപ്പായത്തില് 344 ഗോളുകളാണ് ലെവന്ഡോവ്സ്കി നേടിയിട്ടുള്ളത്. കഴിഞ്ഞ സീസണ്വരെ ലിവര്പൂളിന്റെ താരമായിരുന്ന സാദിയോ മാനെ ലെവന്ഡോവ്സ്കിക്ക് പകരക്കാരനാായണ് ഇത്തവണ ബയേണ് മ്യൂണിക്കിലെത്തിയത്.
8-2ന്റെ കണക്കുതീര്ക്കണം, കടം വേറെയും ബാക്കി! യുവേഫ ചാംപ്യന്സ് ലീഗില് ബാഴ്സലോണ ഇന്ന് ബയേണിനെതിരെ
സമീപകാലത്ത് ബാഴ്സക്കെതിരെ ബയേണിന് മികച്ച റെക്കോര്ഡാണുള്ളത്. കഴിഞ്ഞ ചാമ്പ്യന്സ് ലീഗ് സീസണില് ബയേണിനോട് 8-2നാണ് ബാഴ്സ തകര്ന്നടിഞ്ഞത്. ബാഴ്സയുടെ ചരിത്രത്തിലെ തന്നെ ഏറ്റവും വലിയ തോല്വികളിലൊന്നായിരുന്നു ഇത്. 1950നുശേഷം ആദ്യമായിട്ടായിരുന്നു ബാഴ്സ എട്ടു ഗോള് വാങ്ങി തോല്ക്കുന്നത്.
കഴിഞ്ഞ പത്തു ദിവസമായി പരിശീലകനത്തിനിടെ സാദിയോ മാനെ തന്നോട് പറയുന്ന കാര്യം ബാഴ്ലക്കെതിരായ മത്സരത്തില് പഴയ ഓര്മവെച്ച് അബദ്ധത്തില് പന്ത് ലെവന്ഡോവ്സ്കിക്ക് പാസ് ചെയ്യരുതെന്നാണെന്ന് മുള്ളര് വാര്ത്താ സമ്മേളനത്തില് പറഞ്ഞു. കഴിഞ്ഞ സീസണില് ബാഴ്സയെ തരിപ്പണമാക്കിയെങ്കിലും ഇത്തവണ വ്യത്യസ്തമായ ബാഴ്സയെ ആണ് തങ്ങള് പ്രതീക്ഷിക്കുന്നതെന്നും മുള്ളര് വ്യക്തമാക്കി.
ലെവന്ഡോവ്സ്കിയുടെ ഹാട്രിക്കില് ബാഴ്സയുടെ ഗോള്വര്ഷം; ലിവര്പൂളിന് നാപ്പോളിയുടെ ഓണത്തല്ല്
ഇത്തവണ ബാഴ്സ ഒരുപാട് ഗോളുകള് അടിച്ചു കൂട്ടിയിട്ടുണ്ട്. ലാ ലിഗയില് ഇത്തവണത്തെ അവരുടെ പ്രകടനം എനിക്ക് ഒരുപാട് ഇഷ്ടപ്പെട്ടു. കളിയോടുള്ള സമീപനത്തിലും ആവേശത്തിലും വലിയ മാറ്റം വന്നിട്ടുണ്ട്. അതുകൊണ്ടുതന്നെ ഇന്നത്തെ മത്സരം ആവേശകരമാകുമെന്നുറപ്പാണെന്നും ബാഴ്സ ഉയര്ത്തുന്ന വെല്ലുവിളി നേരിടാന് ബയേണ് സജ്ജമാണെന്നും മുള്ളര് വ്യക്തമാക്കി.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!