സാഫില്‍ ഇന്ത്യക്ക്‌ പത്താം കിരീടം, ആദ്യ പകുതിയില്‍ മുന്നിലെത്തിയ പാക്കിസ്ഥാനെ രണ്ടാം പകുതിയില്‍ വരുതിയിലാക്കി, കന്നിക്കിരീടം കൈവിട്ട്‌ പാക്കിസ്ഥാന്‍

Published : Nov 17, 2026, 09:53 PM IST
india win ssff campionship title

Synopsis

2026 സാഫ്‌ ചാമ്പ്യന്‍ഷിപ്പില്‍ ഇന്ത്യ ജേതാക്കള്‍. ഫൈനലില്‍ പാക്കിസ്ഥാനെ ഒന്നിനെതിരെ രണ്ട്‌ ഗോളുകള്‍ക്ക്‌ കീഴടക്കിയാണ്‌ ഇന്ത്യന്‍ ഫുട്‌ബോള്‍ ടീം പത്താം കിരീടം ഉയര്‍ത്തി ചരിത്രം സൃഷ്ടിച്ചത്‌.ആദ്യമായി ഫൈനല്‍ കളിച്ച പാക്കിസ്ഥാന്റെ കന്നിക്കിരീടം സ്വപ്‌നമായി മാറി.

ധാക്ക: 2026 സാഫ്‌ ചാമ്പ്യന്‍ഷിപ്പില്‍ ഇന്ത്യ ജേതാക്കള്‍. ഫൈനലില്‍ പാക്കിസ്ഥാനെ ഒന്നിനെതിരെ രണ്ട്‌ ഗോളുകള്‍ക്ക്‌ കീഴടക്കിയാണ്‌ ഇന്ത്യന്‍ ഫുട്‌ബോള്‍ ടീം പത്താം കിരീടം ഉയര്‍ത്തി ചരിത്രം സൃഷ്ടിച്ചത്‌. ആദ്യമായി ഫൈനല്‍ കളിച്ച പാക്കിസ്ഥാന്റെ കന്നിക്കിരീടം സ്വപ്‌നമായി മാറി. ഗ്രൂപ്പ്‌ റൗണ്ടിലും ഇന്ത്യ പാക്കിസ്ഥാനെ തോല്‍പ്പിച്ചിരുന്നു. ഫൈനലില്‍ പാക്കിസ്ഥാനാണ്‌ ആദ്യം ഗോള്‍ നേടിയത്‌. അലംഗീര്‍ ഗാസിയാണ്‌ ഇന്ത്യയെ ഞെട്ടിച്ചത്‌. ഒരു ഗോളിന്‌ പിറകില്‍ നിന്നു കൊണ്ട്‌ രണ്ടാം പകുതി ആരംഭിച്ച ഇന്ത്യക്ക്‌ തിരിച്ചുവരവൊരുക്കിയത്‌ ഇന്‍ഫോം സ്‌ട്രൈക്കര്‍ സുഹൈല്‍ ഭട്ടാണ്‌. അറുപത്തൊന്നാം മിനുട്ടിലാണ്‌ ഇന്ത്യക്കായി സുഹൈല്‍ സമനില ഗോളടിച്ചത്‌. 88 താം മിനുട്ടില്‍ ഡിഫന്‍ഡര്‍ സന്ദീപ്‌ മന്ദി വിജയഗോളടിച്ചു.

ചാമ്പ്യന്‍മാരെ ഞെട്ടിക്കുന്ന പ്രകടനമാണ്‌ പാക്കിസ്ഥാന്‍ ആദ്യ പകുതിയില്‍ കാഴ്‌ചവെച്ചത്‌. ഗ്രൂപ്പ്‌ റൗണ്ടില്‍ ഇന്ത്യന്‍ ഗോള്‍മുഖം വിറപ്പിച്ച പാക്‌ മുന്നേറ്റനിര ഫൈനലിലും ഗോള്‍മുഖം തുടരെ റെയ്‌ഡ്‌ ചെയ്‌തു. രണ്ടാം പകുതി, ഇന്ത്യ വരുതിയിലാക്കിയെങ്കിലും ഇഞ്ചുറി ടൈമിലെ, അഞ്ച്‌ മിനുട്ട്‌ നേരം പാക്കിസ്ഥാന്‍ ഗോളന്വേഷിച്ചു കൊണ്ടേയിരുന്നു.

കോച്ച്‌ നൗഷാദ്‌ മൂസയുടെ കീഴിലിറങ്ങിയ ഇന്ത്യയുടെ യുവനിര ടൂര്‍ണമെന്റിലെ എല്ലാ മത്സരവും ജയിച്ചാണ്‌ കിരീടം നിലനിര്‍ത്തിയത്‌.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

PREV

ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ.  Football News തുടങ്ങി എല്ലാ കായിക ഇനങ്ങളുടെയും അപ്‌ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!

Read more Articles on
click me!

Recommended Stories

വാള്‍ട്ടര്‍ സാമുവല്‍ അര്‍ജന്റീന ടീം വിടുന്നു, 2030 ലോകകപ്പില്‍ മെസി അര്‍ജന്റീനയുടെ കോച്ചിംഗ്‌ സ്‌റ്റാഫ്‌? മറുപടി നല്‍കി ലയണല്‍ സ്‌കലോണി
മാഞ്ചസ്റ്റര്‍ യുനൈറ്റഡിനെ പ്രതിസന്ധിയിലാക്കി ബ്രൂണോ ഫെര്‍നാണ്ടസ്‌ വിലപേശുന്നു, ഇറ്റാലിയന്‍ ക്ലബ്ബുമായി ചര്‍ച്ച നടക്കുന്നു, വിമര്‍ശിച്ച്‌ മാഞ്ചസ്റ്റര്‍ ആരാധകര്‍