മലാഗയെ തകർത്തു, മൗറീഞ്ഞോയ്ക്ക് കീഴിൽ വിജയക്കുതിപ്പ് തുടര്ന്ന് റയല്, ബെല്ലിങ്ഹാമിനും എംബാപ്പെയ്ക്കും ഗോൾ
Synopsis
സീസണിൽ കളിച്ച മൂന്ന് മത്സരങ്ങളിലും ജയിച്ച് റയൽ മാഡ്രിഡ് പോയിന്റ് പട്ടികയിൽ ആധിപത്യം ഉറപ്പിച്ചു. ആദ്യ പകുതിയിൽ വെറും 10 മിനിറ്റിന്റെ ഇടവേളയിലാണ് റയൽ മലാഗയുടെ വലയിൽ മൂന്ന് ഗോളുകൾ അടിച്ചുകൂട്ടിയത്.
മാഡ്രിഡ്: ഹോസെ മൗറീഞ്ഞോ പരിശീലകനായെത്തിയ പുതിയ സീസണിൽ വിജയത്തുടർച്ച നിലനിർത്തി റയൽ മാഡ്രിഡ്. ലാ ലിഗയിൽ മലാഗയെ എതിരില്ലാത്ത നാല് ഗോളുകൾക്കാണ് റയൽ മാഡ്രിഡ് തകർത്തത്. സാന്തിയാഗോ ബർണബ്യൂവിൽ നടന്ന മത്സരത്തിൽ ജൂഡ് ബെല്ലിങ്ഹാം, കിലിയൻ എംബാപ്പെ, അർദ ഗുലർ എന്നിവർ റയലിനായി ലക്ഷ്യം കണ്ടപ്പോൾ ഒരു ഗോൾ മലാഗ ഗോൾകീപ്പർ അൽഫോൺസോ ഹെരേറോയുടെ വക ഓൺ ഗോളായിരുന്നു.
സീസണിൽ കളിച്ച മൂന്ന് മത്സരങ്ങളിലും ജയിച്ച് റയൽ മാഡ്രിഡ് പോയിന്റ് പട്ടികയിൽ ആധിപത്യം ഉറപ്പിച്ചു. ആദ്യ പകുതിയിൽ വെറും 10 മിനിറ്റിന്റെ ഇടവേളയിലാണ് റയൽ മലാഗയുടെ വലയിൽ മൂന്ന് ഗോളുകൾ അടിച്ചുകൂട്ടിയത്. 19-ാം മിനിറ്റിൽ രണ്ടു പ്രതിരോധ താരങ്ങളെ വെട്ടിച്ച് മികച്ചൊരു സോളോ റണ്ണിലൂടെ ബെല്ലിങ്ഹാമാണ് റയലിന്റെ ഗോൾവേട്ടയ്ക്ക് തുടക്കമിട്ടത്.
Jude Bellingham 1st goal in Real Madrid vs Malaga game. pic.twitter.com/r6kr40IVgu
— Daily Foot Vibes (@dailyfootvibes) August 30, 2026
26-ാം മിനിറ്റിൽ ബെല്ലിങ്ഹാമിന്റെ ഹെഡ്ഡർ ക്ലിയർ ചെയ്യാനുള്ള ശ്രമത്തിനിടെ മലാഗ ഗോൾകീപ്പർ ഹെരേറോയുടെ ശരീരത്തിൽ തട്ടി പന്ത് സ്വന്തം വലയിൽ കയറി. 30-ാം മിനിറ്റിൽ ട്രെന്റ് അലക്സാണ്ടർ അർനോൾഡിന്റെ ക്രോസിൽ നിന്ന് തകർപ്പൻ വോളിയിലൂടെ എംബാപ്പെ മൂന്നാം ഗോളും നേടി. സീസണിൽ എംബാപ്പെയുടെ നാലാം ഗോളാണിത്. മത്സരത്തിന്റെ അവസാന ഘട്ടത്തിൽ വിനീഷ്യസ് ജൂനിയറിന്റെ അസിസ്റ്റിൽ നിന്ന് പകരക്കാരൻ താരം അർദ ഗുലറാണ് റയലിന്റെ ഗോൾപട്ടിക തികച്ചത്.
🚨🇪🇸 ARDA GULER MAKES IT FOUR FOR REAL MADRID! VINICIUS JR ASSIST!
Real Madrid 4-0 Malaga.https://t.co/2J9gS6FrURpic.twitter.com/c4pckhdmIQ— Tekkers Foot (@tekkersfoot) August 30, 2026
മൗറീഞ്ഞോയ്ക്ക് കീഴിൽ കൂടുതൽ സ്വാതന്ത്ര്യത്തോടെ കളിക്കാൻ കഴിയുന്നുണ്ടെന്ന് മത്സരശേഷം ബെല്ലിങ്ഹാം പ്രതികരിച്ചു. ആദ്യ ഇലവനിൽ അഞ്ച് മാറ്റങ്ങളുമായാണ് മൗറീഞ്ഞോ റയലിനെ കളത്തിലിറക്കിയത്. ട്രെന്റ് അലക്സാണ്ടർ അർനോൾഡ്, മാർക്ക് കുക്കുറെ എന്നിവർ ആദ്യമായി റയലിന്റെ ആദ്യ ഇലവനിൽ ഇടംനേടി. ഈ സീസണിൽ ആദ്യമായി റയൽ മാഡ്രിഡ് ക്ലീൻ ഷീറ്റ് സ്വന്തമാക്കിയെന്ന പ്രത്യേകതയും ഈ മത്സരത്തിനുണ്ട്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!