ലോകകപ്പ് നിരാശ കാറ്റിൽപ്പറത്തി വീണ്ടും 'മെസി മാജിക്'; ഇരട്ടഗോളും അസിസ്റ്റുമായി മിന്നി, മയാമിക്ക് തകർപ്പൻ ജയം
Synopsis
44-ാം മിനിറ്റിൽ നോഹ അല്ലന്റെ അസിസ്റ്റിൽ തന്നെ മെസി തന്റെ രണ്ടാം ഗോളും നേടി. ആദ്യ പകുതിയുടെ ഇഞ്ചുറി ടൈമിൽ മെസിയുടെ അസിസ്റ്റിൽ ഡിഫൻഡർ മികായേൽ ഹെഡ്ഡറിലൂടെ മയാമിയുടെ നാലാം ഗോളും പൂർത്തിയാക്കി.
മയാമി: ലോകകപ്പിന് ശേഷം ഫസ്റ്റ് ഇലവനില് ഇറങ്ങിയ തന്റെ ആദ്യ മത്സരത്തിൽ തന്നെ ഇരട്ടഗോളും അസിസ്റ്റുമായി കളം നിറഞ്ഞ് അർജന്റീന നായകൻ ലയണൽ മെസി. ലീഗ്സ് കപ്പിലെ ആദ്യ പോരാട്ടത്തിൽ മെക്സിക്കൻ ക്ലബ്ബായ അറ്റ്ലറ്റികോ സാൻ ലൂയിസിനെ രണ്ടിനെതിരെ നാല് ഗോളുകൾ ഇന്റർ മയാമി തോല്പിച്ച മത്സരത്തില് രണ്ട് ഗോളടിച്ച മെസി ഒരു അസിസ്റ്റും നല്കി. ഇതോടെ ലീഗ്സ് കപ്പ് ചരിത്രത്തിൽ ഏറ്റവും കൂടുതൽ ഗോളുകൾ നേടുന്ന താരമെന്ന റെക്കോർഡും (14 ഗോളുകൾ) മെസി സ്വന്തമാക്കി. മയാമിയിലെ നു സ്റ്റേഡിയത്തിൽ മഴയിൽ കുതിർന്ന മത്സരത്തിൽ, ശക്തമായ ഇടിമിന്നൽ കാരണം രണ്ടാം പകുതി അരമണിക്കൂറോളം നിർത്തിവെക്കേണ്ടി വന്നിരുന്നു. കളിയുടെ നാലാം മിനിറ്റിൽ ഡേവിഡ് റോഡ്രിഗസിന്റെ ഹെഡ്ഡറിലൂടെ സാൻ ലൂയിസാണ് ആദ്യം അക്കൗണ്ട് തുറന്നത്. എന്നാൽ 11-ാം മിനിറ്റിൽ നോഹ അല്ലന്റെ പാസിൽ നിന്ന് പന്ത് വലയിലാക്കി മെസി മയാമിയെ ഒപ്പമെത്തിച്ചു. 26-ാം മിനിറ്റിൽ ടലാസ്കോ സെഗോവിയയിലൂടെ മയാമി ലീഡെടുത്തു.
44-ാം മിനിറ്റിൽ നോഹ അല്ലന്റെ അസിസ്റ്റിൽ തന്നെ മെസി തന്റെ രണ്ടാം ഗോളും നേടി. ആദ്യ പകുതിയുടെ ഇഞ്ചുറി ടൈമിൽ മെസിയുടെ അസിസ്റ്റിൽ ഡിഫൻഡർ മികായേൽ ഹെഡ്ഡറിലൂടെ മയാമിയുടെ നാലാം ഗോളും പൂർത്തിയാക്കി. രണ്ടാം പകുതിയിൽ റാഫ ലോറെന്റെ സാൻ ലൂയിസിനായി ഒരു ഗോൾ കൂടി മടക്കിയെങ്കിലും ഫലമുണ്ടായില്ല. ലെഫ്റ്റ് ബാക്ക് നോഹ അല്ലൻ മത്സരത്തിൽ മൂന്ന് അസിസ്റ്റുകളാണ് നൽകിയത്. 12 ലീഗ്സ് കപ്പ് മത്സരങ്ങളിൽ നിന്ന് 14 ഗോളുകളാണ് 39-കാരനായ മെസി ഇതുവരെ അടിച്ചുകൂട്ടിയത്. ലോസ് ഏഞ്ചൽസ് എഫ്.സിയുടെ ഡെനിസ് ബൊവാംഗയെ (13 ഗോളുകൾ) മറികടന്നാണ് മെസ്സി സർവകാല റെക്കോർഡ് നേടിയത്.
SI CAPITÁN! Messi x2 😎💪 pic.twitter.com/ssqChmttZL
— Inter Miami CF (@InterMiamiCF) August 6, 2026
ലോകകപ്പ് ഫൈനലിൽ സ്പെയിനോട് പരാജയപ്പെട്ട അർജന്റീന സംഘത്തെ നയിച്ച ശേഷം ടീമിൽ തിരിച്ചെത്തിയ മെസി കഴിഞ്ഞ മത്സരത്തിൽ പകരക്കാരനായാണ് ഇറങ്ങിയിരുന്നത്. വിജയം തുടരുന്ന മയാമി ഇതോടെ എല്ലാ ടൂർണമെന്റുകളിലുമായി തോൽവിയറിയാത്ത എട്ട് മത്സരങ്ങളുടെ കുതിപ്പ് പൂർത്തിയാക്കി. കഴിഞ്ഞ സീസണിലെ ലീഗ്സ് കപ്പ് ഫൈനലിന് ശേഷമുണ്ടായ തർക്കങ്ങളെ തുടർന്ന് ഇന്റർ മയാമി സ്ട്രൈക്കർ ലൂയിസ് സുവാരസിന് ആറ് മത്സരങ്ങളുടെ വിലക്ക് ലഭിച്ചിരുന്നു. അതിനാൽ ഈ സീസണിലെ ലീഗ്സ് കപ്പിൽ സുവാരസ് കളിക്കില്ല.
Messi delivers once again. ⚽
Miami's 10 opens his #LeaguesCup2026 account with his 13th goal in Leagues Cup history! 🐐
Watch now @InterMiamiCF vs. @AtletideSanLuis on Apple TV 📺https://t.co/tms3b61AW0 pic.twitter.com/3lSQGXCMKv— Leagues Cup (@LeaguesCup) August 5, 2026
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!