ആമസോൺ സെയിലിലെ മികച്ച 5ജി സ്‍മാർട്ട് ഫോൺ ഡീലുകൾ

ആമസോൺ ഗ്രേറ്റ് ഫ്രീഡം സെയിൽ 2026-ൽ 70,000 രൂപയിൽ താഴെയുള്ള 5ജി സ്മാർട്ട്ഫോണുകൾക്ക് വൻ വിലക്കുറവ്. വൺപ്ലസ്, സാംസങ്, ഗൂഗിൾ പിക്സൽ തുടങ്ങിയ ബ്രാൻഡുകളുടെ ജനപ്രിയ മോഡലുകൾ ആകർഷകമായ ഡീലുകളിൽ ലഭ്യമാണ്. ബാങ്ക് ഓഫറുകളും എക്സ്ചേഞ്ച് ഡിസ്കൗണ്ടുകളും ഉപയോഗിച്ച് കൂടുതൽ ലാഭം നേടാം.

ആമസോൺ ഗ്രേറ്റ് ഫ്രീഡം സെയിൽ 2026: പുതിയ 5ജി സ്‍മാർട്ട്ഫോൺ വാങ്ങാൻ പ്ലാൻ ചെയ്യുന്നവർക്ക് മികച്ച അവസരം. 70,000 രൂപയിൽ താഴെ നിരവധി ജനപ്രിയ 5ജി ഫോണുകൾക്ക് ആകർഷകമായ വിലക്കുറവാണ് ആമസോൺ സെയിലിൽ ലഭിക്കുന്നത്. വൺപ്ലസ്, ഐക്യൂ, ഷവോമി, ഗൂഗിൾ, ഓപ്പോ, സാംസങ്, മോട്ടറോള, വിവോ തുടങ്ങിയ ബ്രാൻഡുകളുടെ മോഡലുകൾ പട്ടികയിലുണ്ട്.

70,000 രൂപയിൽ താഴെ നിരവധി മോഡലുകൾ

വൺപ്ലസ് 15ആർ, ഐക്യൂ 15ആർ, ഷവോമി 17ടി, ഗൂഗിൾ പിക്സൽ 10, ഓപ്പോ റെനോ 16 5ജി, സാംസങ് ഗാലക്സി എസ്25 5ജി, മോട്ടറോള എഡ്ജ് 70 മാക്സ് 5ജി, വിവോ വി70 5ജി എന്നിവയാണ് നിലവിൽ ശ്രദ്ധേയമായ ഡീലുകൾ. 61,999 രൂപയുടെ വൺപ്ലസ് 15ആർ 56,999 രൂപയ്ക്ക് വാങ്ങാം. 56,999 രൂപ വിലയുണ്ടായിരുന്ന ഐക്യൂ 15ആർ-ന് ഇപ്പോൾ 49,999 രൂപയാണ് വില.

പിക്സൽ 10-നും വിലക്കുറവ്

ഗൂഗിൾ പിക്സൽ 10 ആണ് പട്ടികയിലെ മറ്റൊരു പ്രധാന ആകർഷണം. 79,999 രൂപയുടെ എംആർപിയുള്ള ഫോണിന് 66,800 രൂപയാണ് സെയിൽ വില. പഴയ ഫോൺ എക്സ്ചേഞ്ച് ചെയ്യുമ്പോൾ 38,050 രൂപ വരെ അധിക ഇളവ് ലഭിക്കാനും സാധ്യതയുണ്ട്. 84,990 രൂപയുടെ ഷവോമി 17ടി 64,999 രൂപയ്ക്കാണ് ലിസ്റ്റ് ചെയ്തിരിക്കുന്നത്. ഓപ്പോ റെനോ 16 5ജി-യുടെ വില 89,999 രൂപയിൽ നിന്ന് 60,999 രൂപയായി കുറഞ്ഞു.

ഗാലക്സി എസ്25 5ജി 60,000 രൂപയിൽ താഴെ

സാംസങ് ആരാധകർക്കും സെയിലിൽ ശ്രദ്ധേയമായ ഡീലുണ്ട്. 80,999 രൂപയുടെ സാംസങ് ഗാലക്സി എസ്25 5ജി ഇപ്പോൾ 59,999 രൂപയ്ക്ക് ലഭിക്കും. 94,999 രൂപയുടെ മോട്ടറോള എഡ്ജ് 70 മാക്സ് 5ജി-ക്ക് 58,996 രൂപയാണ് സെയിൽ വില. വിവോ വി70 5ജി 65,999 രൂപയിൽ നിന്ന് 59,999 രൂപയ്ക്കും ലഭ്യമാണ്.

ബാങ്ക് ഓഫറുകളും എക്സ്ചേഞ്ച് ഡിസ്കൗണ്ടും

സ്‍മാർട്ട്ഫോണുകളുടെ സെയിൽ വിലയ്ക്ക് പുറമെ ബാങ്ക് ഓഫറുകളും എക്സ്ചേഞ്ച് ഡിസ്കൗണ്ടുകളും ഉപയോഗിച്ച് കൂടുതൽ ലാഭം നേടാം. എച്ച്ഡിഎഫ്സി ബാങ്ക് കാർഡുകൾ, ഈസി ഇഎംഐ ഇടപാടുകൾ എന്നിവയ്ക്ക് 10 ശതമാനം വരെ ഇൻസ്റ്റന്റ് ഡിസ്കൗണ്ട് ലഭിക്കാമെന്നാണ് ഓഫർ വിവരങ്ങൾ വ്യക്തമാക്കുന്നത്. ആമസോൺ പേ ഓഫറുകൾ, കൂപ്പൺ ഡിസ്കൗണ്ടുകൾ, എക്സ്ചേഞ്ച് ബോണസുകൾ, നോ-കോസ്റ്റ് ഇഎംഐ തുടങ്ങിയ ആനുകൂല്യങ്ങളും തിരഞ്ഞെടുത്ത ഉൽപ്പന്നങ്ങൾക്ക് ലഭ്യമാണ്.

വാങ്ങും മുമ്പ് വില പരിശോധിക്കാം

എക്സ്ചേഞ്ച് ഓഫറിലൂടെ ലഭിക്കുന്ന തുക പഴയ ഫോണിന്റെ മോഡൽ, അവസ്ഥ തുടങ്ങിയവ അനുസരിച്ച് മാറാം. അതിനാൽ ഓർഡർ ചെയ്യുന്നതിന് മുമ്പ് ആമസോണിലെ നിലവിലെ വിലയും ബാങ്ക് ഓഫറും എക്സ്ചേഞ്ച് ആനുകൂല്യങ്ങളും പ്രത്യേകം പരിശോധിക്കുന്നത് നല്ലതാണ്. ഫ്ലിപ്‍കാർട്ടിലെ സമാന സെയിൽ ഓഫറുകളുമായി വില താരതമ്യം ചെയ്ത ശേഷമാകാം പുതിയ 5ജി ഫോൺ തിരഞ്ഞെടുക്കുന്നത്.