ആമസോൺ ഗ്രേറ്റ് ഫ്രീഡം സെയിൽ തുടങ്ങി! സാംസങ്ങ് മുതൽ ഷവോമി വരെ വമ്പൻ ഓഫറുകൾ

ആമസോണിന്റെ ഗ്രേറ്റ് ഫ്രീഡം സെയിൽ 2026-ൽ പ്രീമിയം സ്മാർട്ട്ഫോണുകൾക്ക് ആകർഷകമായ വിലക്കിഴിവുകൾ പ്രഖ്യാപിച്ചു. സാംസങ് ഗാലക്‌സി എസ്25 അൾട്രാ, ഐക്യൂ 15, സാംസങ് ഗാലക്‌സി ഇസഡ് ഫോൾഡ് 8 അൾട്രാ, ഷവോമി 17ടി തുടങ്ങിയ മോഡലുകൾക്ക് വൻ ഓഫറുകളാണ് ലഭിക്കുന്നത്.

ആമസോണിന്റെ ഗ്രേറ്റ് ഫ്രീഡം സെയിൽ 2026 ആരംഭിച്ചു. സ്‍മാർട്ട്ഫോണുകൾ, ഇലക്ട്രോണിക് ഉപകരണങ്ങൾ, ഗൃഹോപകരണങ്ങൾ, ഫാഷൻ ഉൽപ്പന്നങ്ങൾ തുടങ്ങി വിവിധ വിഭാഗങ്ങളിലെ ഉൽപ്പന്നങ്ങൾക്ക് ആകർഷകമായ ഓഫറുകളാണ് സെയിലിലുള്ളത്. പ്രത്യേകിച്ച് പ്രീമിയം സ്‍മാർട്ട്ഫോൺ വാങ്ങാൻ പദ്ധതിയിടുന്നവർക്ക് മികച്ച വിലക്കിഴിവുകളാണ് ലഭിക്കുന്നത്.

സാംസങ് ഗാലക്‌സി എസ്25 അൾട്രാ 5ജി – 89,999 രൂപ

6.9 ഇഞ്ച് അമോലെഡ് ഡിസ്പ്ലേ, 120Hz റിഫ്രഷ് റേറ്റ്, ക്വാൽകോം സ്നാപ്ഡ്രാഗൺ 8 എലൈറ്റ് പ്രോസസർ എന്നിവയുമായാണ് സാംസങ് ഗാലക്‌സി എസ്25 അൾട്രാ 5ജി എത്തുന്നത്. 5,000mAh ബാറ്ററിയും 45W ഫാസ്റ്റ് ചാർജിങ് പിന്തുണയും ഫോണിലുണ്ട്. 200 മെഗാപിക്സൽ പ്രധാന ക്യാമറ, 50 മെഗാപിക്സൽ അൾട്രാവൈഡ്, 50 മെഗാപിക്സൽ പെരിസ്‌കോപ്പ് ലെൻസ്, 10 മെഗാപിക്സൽ ടെലിഫോട്ടോ ക്യാമറ എന്നിവയാണ് പിൻവശത്ത് നൽകിയിരിക്കുന്നത്. മുൻവശത്ത് 12 മെഗാപിക്സൽ സെൽഫി ക്യാമറയും ലഭിക്കും. ആമസോൺ ഗ്രേറ്റ് ഫ്രീഡം സെയിലിൽ ഈ ഫോൺ 89,999 രൂപ വിലയിൽ സ്വന്തമാക്കാം.

ഐക്യൂ 15 – 68,999 രൂപ

6.85 ഇഞ്ച് എൽടിപിഒ ഒഎൽഇഡി ഡിസ്പ്ലേ, 144Hz റിഫ്രഷ് റേറ്റ്, ഡോൾബി വിഷൻ പിന്തുണ എന്നിവയാണ് ഐക്യൂഒഒ 15ന്‍റെ പ്രധാന സവിശേഷതകൾ. സ്‍നാപ്ഡ്രാഗൺ 8 എലൈറ്റ് ജനറേഷൻ 5 പ്രോസസറും 7,000mAh ബാറ്ററിയും 100W ഫാസ്റ്റ് ചാർജിങ് പിന്തുണയും ഫോണിലുണ്ട്. 50 മെഗാപിക്സൽ വീതമുള്ള മൂന്ന് പിൻ ക്യാമറകളാണ് നൽകിയിരിക്കുന്നത്. ഇതിൽ സോണി ഐഎംഎക്‌സ്921 പ്രധാന സെൻസർ, 3 മടങ്ങ് പെരിസ്‌കോപ്പ് ടെലിഫോട്ടോ ലെൻസ്, അൾട്രാവൈഡ് ക്യാമറ എന്നിവ ഉൾപ്പെടുന്നു. മുൻവശത്ത് 32 മെഗാപിക്സൽ ക്യാമറയും ലഭിക്കും. സെയിൽ ഓഫറിൽ 68,999 രൂപയ്ക്കാണ് ഐക്യൂഒഒ 15 ലഭിക്കുന്നത്.

സാംസങ് ഗാലക്‌സി ഇസഡ് ഫോൾഡ് 8 അൾട്രാ – 1,90,999 രൂപ

8 ഇഞ്ച് പ്രധാന ഫോൾഡബിൾ ഡിസ്പ്ലേയും 6.5 ഇഞ്ച് പുറം സ്‌ക്രീനും ഉൾക്കൊള്ളുന്ന സാംസങ് ഗാലക്‌സി ഇസഡ് ഫോൾഡ് 8 അൾട്രായിൽ സ്നാപ്ഡ്രാഗൺ 8 എലൈറ്റ് ജനറേഷൻ 5 പ്രോസസറാണ് ഉപയോഗിച്ചിരിക്കുന്നത്. 5,000mAh ഡ്യുവൽ ബാറ്ററിയും 45W ഫാസ്റ്റ് ചാർജിങ് പിന്തുണയും ഫോണിലുണ്ട്. 200 മെഗാപിക്സൽ പ്രധാന ക്യാമറ, 50 മെഗാപിക്സൽ അൾട്രാവൈഡ് ക്യാമറ, 10 മെഗാപിക്സൽ ടെലിഫോട്ടോ ക്യാമറ എന്നിവയാണ് പിൻവശത്ത്. പുറം സ്‌ക്രീനിലും അകത്തെ പ്രധാന സ്‌ക്രീനിലും 10 മെഗാപിക്സൽ സെൽഫി ക്യാമറകൾ നൽകിയിട്ടുണ്ട്. സെയിലിൽ ഈ ഫോൺ 1,90,999 രൂപയ്ക്ക് ലഭ്യമാണ്.

ഷവോമി 17ടി – 59,999 രൂപ

6.59 ഇഞ്ച് അമോലെഡ് ഡിസ്പ്ലേ, 120Hz റിഫ്രഷ് റേറ്റ്, 3,500 നിറ്റ്സ് വരെ പീക്ക് ബ്രൈറ്റ്നസ് എന്നിവയുമായാണ് ഷവോമി 17ടി എത്തുന്നത്. മീഡിയടെക് ഡൈമെൻസിറ്റി 8500 അൾട്രാ പ്രോസസറും 6,500mAh ബാറ്ററിയും 67W ഫാസ്റ്റ് ചാർജിങ് പിന്തുണയും ഫോണിന്റെ സവിശേഷതകളാണ്. ലൈക്കയുടെ ട്യൂണിങ്ങോടെയുള്ള ട്രിപ്പിൾ ക്യാമറ സംവിധാനമാണ് ഫോണിലുള്ളത്. 50 മെഗാപിക്സൽ പ്രധാന ക്യാമറ, 50 മെഗാപിക്സൽ പെരിസ്‌കോപ്പ് ടെലിഫോട്ടോ ക്യാമറ, 12 മെഗാപിക്സൽ അൾട്രാവൈഡ് ക്യാമറ എന്നിവയ്‌ക്കൊപ്പം മുൻവശത്ത് 32 മെഗാപിക്സൽ സെൽഫി ക്യാമറയും നൽകിയിട്ടുണ്ട്. ആമസോൺ ഗ്രേറ്റ് ഫ്രീഡം സെയിലിൽ ഷവോമി 17ടി 59,999 രൂപയുടെ പ്രാബല്യത്തിലുള്ള വിലയിൽ വാങ്ങാൻ സാധിക്കും.