ആമസോൺ ഗ്രേറ്റ് സമ്മർ സെയിൽ; 30000 രൂപയ്ക്കുള്ളിലെ മികച്ച സ്‌മാർട്ട്ഫോൺ ഓഫറുകൾ

ആമസോൺ ഗ്രേറ്റ് സമ്മർ സെയിൽ 2026-ൽ 30,000 രൂപയിൽ താഴെയുള്ള മിഡ്-റേഞ്ച് സ്മാർട്ട്ഫോണുകൾക്ക് വൻ വിലക്കിഴിവുകൾ പ്രഖ്യാപിച്ചു. മോട്ടോറോള, നത്തിംഗ്, വൺപ്ലസ് തുടങ്ങിയ ബ്രാൻഡുകളുടെ ഫോണുകൾക്ക് നേരിട്ടുള്ള വിലക്കിഴിവിന് പുറമെ ബാങ്ക് ഓഫറുകളും എക്സ്ചേഞ്ച് ബോണസുകളും ലഭ്യമാണ്.

തിരുവനന്തപുരം: ഇ-കൊമേഴ‌്‌സ് രംഗത്തെ ജനപ്രിയ പ്ലാറ്റ്‌ഫോമായ ആമസോൺ അവതരിപ്പിക്കുന്ന ഗ്രേറ്റ് സമ്മർ സെയിൽ 2026 ഉപഭോക്താക്കൾക്കായി വൻ വിലക്കിഴിവുകളുമായി ആരംഭിച്ചു. പ്രത്യേകിച്ച് 30,000 രൂപയ്ക്കുള്ളിലെ മിഡ്-റേഞ്ച് സ്മാർട്ട്ഫോണുകൾക്ക് ലഭ്യമായ ഓഫറുകൾ വലിയ ശ്രദ്ധ നേടുകയാണ്. ഗെയിമിംഗിനായി ശക്തമായ ഫോൺ തേടുന്നവർക്കും മികച്ച ക്യാമറയും പ്രകടനവും ഒരുമിച്ചുള്ള ഓൾറൗണ്ടർ ഫോണുകൾ അന്വേഷിക്കുന്നവർക്കും ഈ സെയിൽ മികച്ച അവസരം ഒരുക്കുന്നു.

30000 രൂപയില്‍ താഴെ വിലയുള്ള മികച്ച ഫോണുകള്‍

സ്മാർട്ട്ഫോണുകൾക്ക് നേരിട്ടുള്ള വിലക്കിഴിവുകൾക്ക് പുറമേ ബാങ്ക് ഓഫറുകൾ, എക്‌സ്‌ചേഞ്ച് ബോണസ്, നോ-കോസ്റ്റ് ഇഎംഐ, ക്യാഷ്ബാക്ക് എന്നിവയും ഉപഭോക്താക്കൾക്ക് ലഭ്യമാണ്. എച്ച‍ഡിഎഫ്‍സി ബാങ്ക് ക്രെഡിറ്റ് കാർഡും ഇഎംഐ ഇടപാടുകളും ഉപയോഗിക്കുന്നവർക്ക് 10 ശതമാനം വരെ ഇൻസ്റ്റന്റ് ഡിസ്കൗണ്ട് ലഭിക്കും. കൂടാതെ ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിക്കുന്നവർക്ക് അഞ്ച് ശതമാനം വരെ അൺലിമിറ്റഡ് ക്യാഷ്ബാക്കും ലഭ്യമാണ്.

സെയിലിൽ ഏറെ ശ്രദ്ധ നേടുന്ന മോഡലുകളിൽ ഒന്നാണ് മോട്ടോറോള എഡ്‍ജ് 70 ഫ്യൂഷൻ. 42,499 രൂപ വിലയുള്ള ഈ ഫോൺ ഓഫർ വിലയായ 26,999 രൂപയ്ക്ക് സ്വന്തമാക്കാം. ചില ബാങ്ക് ഓഫറുകൾ കൂടി ചേർത്താൽ ഇത് 26,329 രൂപ വരെ കുറഞ്ഞ നിരക്കിൽ ലഭ്യമാകുമെന്ന് ആമസോൺ അറിയിച്ചു. അതുപോലെ നത്തിംഗ് ഫോൺ 3 എ വെറും 24,999 രൂപയ്ക്ക് ലഭ്യമാണ്. ആകർഷകമായ ഡിസൈനും മികച്ച പ്രകടനവും കൊണ്ടു ശ്രദ്ധ നേടിയ ഈ മോഡൽ യുവാക്കൾക്കിടയിൽ വലിയ ഡിമാൻഡിലാണ്.

ഇതാ ഓഫറുകള്‍

മറ്റു പ്രധാന ഓഫറുകളിൽ വൺപ്ലസ് നോർഡ് സിഇ 6 5ജി 27,999 രൂപയ്ക്കും, സാംസങ് ഗ്യാലക്സി എം56 5ജി 24,999 രൂപയ്ക്കും ലഭ്യമാണ്. കൂടാതെ റെഡ്‍മി നോട്ട് 15 5ജി, ഐക്യു Z11x 5ജി, റിയൽമി നാർസോ പവർ 5ജി എന്നിവയ്ക്കും ആകർഷകമായ വിലക്കിഴിവുകളുണ്ട്. ഇന്ത്യൻ ബ്രാൻഡായ ലാവ ഇന്‍റർനാഷണൽ അവതരിപ്പിച്ച ലാവ അഗ്‍നി 4 22,749 രൂപയ്ക്ക് ലഭ്യമാകുമ്പോൾ, വിവോ ടി5 പ്രോ 29,990 രൂപ നിരക്കിൽ വാങ്ങാൻ സാധിക്കും. മൊത്തത്തിൽ, പുതിയ സ്‌മാർട്ട്ഫോൺ വാങ്ങാൻ ആലോചിക്കുന്നവർക്ക് ആമസോൺ ഗ്രേറ്റ് സമ്മർ സെയിൽ 2026 മികച്ച അവസരമാണ് എന്നാണ് വിപണി നിരീക്ഷകരുടെ വിലയിരുത്തൽ.