വൺപ്ലസ് സ്‍മാർട്ട് ഫോണുകൾക്ക് ഉൾപ്പെടെ വമ്പൻ വിലക്കുറവ്! കമ്മ്യൂണിറ്റി സെയിൽ തുടങ്ങി

പ്രമുഖ സ്മാർട്ട്ഫോൺ നിർമ്മാതാക്കളായ വൺപ്ലസ്, ഇന്ത്യയിൽ 'കമ്മ്യൂണിറ്റി സെയിൽ 2026' പ്രഖ്യാപിച്ചു. ജൂൺ 10 വരെ നീളുന്ന ഈ വിൽപ്പന മേളയിൽ വൺപ്ലസ് 15, 13, നോർഡ് സീരീസ് ഫോണുകൾക്കും ടാബ്‌ലെറ്റുകൾക്കും ഓഡിയോ ഉപകരണങ്ങൾക്കും ആകർഷകമായ വിലക്കിഴിവുകളും ബാങ്ക് ഓഫറുകളും ലഭ്യമാണ്. 

പ്രമുഖ സ്‍മാർട്ട്ഫോൺ നിർമ്മാതാക്കളായ വൺപ്ലസ് ഇന്ത്യയിൽ ‘കമ്മ്യൂണിറ്റി സെയിൽ 2026’ പ്രഖ്യാപിച്ചു. ജൂൺ 10 വരെ നീളുന്ന ഈ പ്രത്യേക വിൽപ്പന മേളയിൽ കമ്പനിയുടെ വിവിധ സ്‍മാർട്ട്ഫോണുകൾ, ടാബ്‌ലെറ്റുകൾ, ഓഡിയോ ഉപകരണങ്ങൾ എന്നിവയ്ക്ക് ആകർഷകമായ വിലക്കിഴിവുകളും ബാങ്ക് ഓഫറുകളും നോ-കോസ്റ്റ് ഇഎംഐ സൗകര്യങ്ങളും ലഭ്യമാകും. വൺപ്ലസ് ഇന്ത്യയുടെ ഔദ്യോഗിക വെബ്‌സൈറ്റ്, ആമസോൺ, ഫ്ലിപ്കാർട്ട്, മിൻത്ര, ബ്ലിങ്കിറ്റ് എന്നിവയുൾപ്പെടെയുള്ള ഓൺലൈൻ പ്ലാറ്റ്‌ഫോമുകളിലും തിരഞ്ഞെടുത്ത ഓഫ്‌ലൈൻ റീട്ടെയിൽ സ്റ്റോറുകളിലുമാണ് ഓഫറുകൾ ലഭ്യമാകുന്നത്.

കിഴിവുകൾ ഇങ്ങനെ

കമ്പനിയുടെ ഏറ്റവും പുതിയ ഫ്ലാഗ്ഷിപ്പ് മോഡലായ വൺപ്ലസ് 15-ന് 3,000 രൂപയുടെ ബാങ്ക് ഡിസ്കൗണ്ട് പ്രഖ്യാപിച്ചിട്ടുണ്ട്. ഇതോടെ ഫോണിന്റെ വില 77,999 രൂപയിൽ നിന്ന് 74,999 രൂപയായി കുറയും. വൺപ്ലസ് 15R മോഡലിനും സമാനമായ ബാങ്ക് ഓഫർ ലഭ്യമാകുന്നതിനാൽ ഉപഭോക്താക്കൾക്ക് ഇത് 51,999 രൂപയ്ക്ക് സ്വന്തമാക്കാം.

മുൻനിര ഫ്ലാഗ്ഷിപ്പ് മോഡലായ വൺപ്ലസ് 13-ന് ഏറ്റവും വലിയ വിലക്കുറവാണ് കമ്പനി പ്രഖ്യാപിച്ചിരിക്കുന്നത്. 69,999 രൂപ വിലയുള്ള ഈ സ്മാർട്ട്ഫോണിന് 12,000 രൂപയുടെ നേരിട്ടുള്ള വിലക്കിഴിവിനൊപ്പം 5,000 രൂപയുടെ ബാങ്ക് ഓഫറും ലഭിക്കും. ഇതോടെ ഫോണിന്റെ ഫലപ്രദമായ വില 52,999 രൂപയായി കുറയും. അതേസമയം, വൺപ്ലസ് 13 എസ് മോഡലിന് 5,000 രൂപയുടെ ആകെ ഇളവ് ലഭിക്കുന്നതോടെ വില 49,999 രൂപയാകും.

നോർഡ് സീരീസിലും ഓഫറുകൾ നൽകിയിട്ടുണ്ട്. വൺപ്ലസ് നോർഡ് 6-ന് 2,000 രൂപ ബാങ്ക് ഡിസ്കൗണ്ടോടെ 40,999 രൂപ വില വരും. നോർഡ് CE6 29,999 രൂപയ്ക്കും നോർഡ് CE6 ലൈറ്റ് 21,499 രൂപയ്ക്കും ലഭ്യമാകും. ടാബ്‌ലെറ്റ് വിഭാഗത്തിൽ, വൺപ്ലസ് പാഡ് 4-ന് 3,000 രൂപ ബാങ്ക് ഓഫർ ലഭിക്കുന്നതോടെ വില 56,999 രൂപയായി കുറയും. കൂടാതെ പരിമിതകാലത്തേക്ക് സൗജന്യമായി സ്റ്റൈലോ പ്രോയും നൽകും. പാഡ് ഗോ 2 മോഡലിന് സ്റ്റൈലോ ഗോ 2 സൗജന്യമായി ലഭിക്കും. പാഡ് ലൈറ്റ് 16,999 രൂപയ്ക്ക് സ്വന്തമാക്കാൻ സാധിക്കും.

ഓഡിയോ ഉൽപ്പന്നങ്ങളായ വൺപ്ലസ് ബഡ്‍സ് 4, ബഡ്സ് പ്രോ 3, നോർഡ് ബഡ്സ് സീരീസ്, ബുള്ളറ്റ്സ് വയർലെസ് ഹെഡ്‌സെറ്റുകൾ എന്നിവയ്ക്കും പ്രത്യേക ഓഫറുകൾ പ്രഖ്യാപിച്ചിട്ടുണ്ട്. തിരഞ്ഞെടുത്ത ക്രെഡിറ്റ് കാർഡ് ഇടപാടുകൾക്ക് ആറുമാസം വരെ നോ-കോസ്റ്റ് ഇഎംഐ സൗകര്യവും ലഭ്യമാണെന്ന് കമ്പനി അറിയിച്ചു. എന്നാൽ ചില ബണ്ടിൽ ഓഫറുകളും സൗജന്യ ആനുകൂല്യങ്ങളും ജൂൺ 7 വരെ മാത്രമേ ലഭ്യമാകൂ. അതിനാൽ ഓഫറുകൾ പ്രയോജനപ്പെടുത്താൻ ആഗ്രഹിക്കുന്ന ഉപഭോക്താക്കൾ വേഗത്തിൽ വാങ്ങൽ തീരുമാനം എടുക്കണമെന്ന് കമ്പനി നിർദേശിച്ചു.