6500 എംഎഎച്ച് ബാറ്ററിയും 50 എംപി ട്രിപ്പിൾ ക്യാമറയുമായി വിവോ വി60 ഇന്ത്യയിൽ; വിലവിവരം വിശദമായി
Synopsis
വിവോ വി60 സ്മാര്ട്ട്ഫോണ് ഇന്ത്യന് വിപണിയിലെത്തി, സവിശേഷതകള് വിശദമായി
ദില്ലി: വിവോ പുതിയ സ്മാർട്ട്ഫോണായ വിവോ വി60 ഇന്ത്യൻ വിപണിയിൽ പുറത്തിറക്കി. ശക്തമായ സവിശേഷതകളോടെയാണ് ഈ ഫോൺ വരുന്നത്. 8 ജിബി+128 ജിബി, 8 ജിബി+256 ജിബി, 12 ജിബി+256 ജിബി, 16 ജിബി+512 ജിബി എന്നിങ്ങനെ നാല് വേരിയന്റുകളിലാണ് വിവോ വി60 എത്തുന്നത്. യഥാക്രമം 36999 രൂപ, 38999 രൂപ, 40999 രൂപ, 45999 രൂപ എന്നിങ്ങനെയാണ് ഈ വേരിയന്റുകളുടെ വില. ഓസ്പിഷ്യസ് ഗോൾഡ്, മൂൺലൈറ്റ് ബ്ലൂ, മിസ്റ്റ് ഗ്രേ എന്നീ കളർ ഓപ്ഷനുകളിൽ വിവോ വി60 സ്മാർട്ട്ഫോൺ വാങ്ങാം.
വിവോ വി60-ന് 6.77 ഇഞ്ച് ഫുള്എച്ച്ഡി+ ക്വാഡ് കർവ്ഡ് അമോലെഡ് ഡിസ്പ്ലേ ലഭിക്കുന്നു. ഇത് 120 ഹെര്ട്സ് റിഫ്രഷ് റേറ്റ് സപ്പോർട്ടും 5000 നിറ്റ്സ് പീക്ക് ബ്രൈറ്റ്നസും നൽകുന്നു. സ്ക്രീൻ സംരക്ഷണത്തിനായി ഡയമണ്ട് ഷീൽഡ് ഗ്ലാസ് നൽകിയിട്ടുണ്ട്. ക്വാൽകോം സ്നാപ്ഡ്രാഗൺ 7 ജെൻ 4 പ്രോസസറാണ് ഹാൻഡ്സെറ്റിൽ ഉള്ളത്. സ്നാപ്ഡ്രാഗൺ 7 ജെൻ 4 പ്രോസസറിലാണ് ഈ സ്മാർട്ട്ഫോൺ പ്രവർത്തിക്കുന്നത്. 16 ജിബി വരെ റാമും 512 ജിബി വരെ സ്റ്റോറേജുമായാണ് ഈ ഹാൻഡ്സെറ്റ് വരുന്നത്.
ആൻഡ്രോയ്ഡ് 15 അടിസ്ഥാനമാക്കിയുള്ള ഫൺടച്ച് ഒഎസ് 15-ലാണ് ഈ ഡിവൈസ് പ്രവർത്തിക്കുന്നത്. സർക്കിൾ ടു സെർച്ച്, ലൈവ് കോൾ ട്രാൻസിലേഷൻ, ട്രാൻസ്ക്രിപ്റ്റ് അസിസ്റ്റ്, ഇറേസ് 2.0 എന്നിവയുൾപ്പെടെ നിരവധി എഐ സവിശേഷതകളും ഈ സ്മാർട്ട്ഫോണിൽ ഉൾപ്പെടുത്തിയിട്ടുണ്ട്. ഈ ഫോൺ നിങ്ങൾക്ക് 8 ജിബി, 12 ജിബി, 16 ജിബി റാം എന്നീ ഓപ്ഷനുകളിൽ ലഭ്യമാണ്.
ഡ്യുവൽ സിം പിന്തുണയോടെയാണ് ഈ സ്മാർട്ട്ഫോൺ വരുന്നത്. 50 എംപി + 8 എംപി + 50 എംപി എന്ന ട്രിപ്പിൾ റിയർ ക്യാമറ സജ്ജീകരണമാണ് ഫോണിനുള്ളത്. കമ്പനി മുൻവശത്ത് 50 എംപി സെൽഫി ക്യാമറയും നൽകിയിട്ടുണ്ട്. ഫോണിൽ ഇൻ-ഡിസ്പ്ലേ ഫിംഗർപ്രിന്റ് സെൻസർ ലഭിക്കുന്നു. യുഎസ്ബി ടൈപ്പ്-സി പോർട്ടും ഈ ഡിവൈസിൽ ഉണ്ട്. 90 വാട്സ് ചാർജിംഗിനെ പിന്തുണയ്ക്കുന്ന 6500 എംഎഎച്ച് ബാറ്ററിയാണ് ഇതിനുള്ളത്. ഐപി68 + ഐപി69 റേറ്റിംഗോടെയാണ് ഹാൻഡ്സെറ്റ് വരുന്നത്.
നാല് ആൻഡ്രോയിഡ് അപ്ഡേറ്റുകളും ആറ് വർഷത്തെ സുരക്ഷാ അപ്ഡേറ്റുകളും വിവോ വി60 ഫോണിന് ലഭിക്കും. കമ്പനി ആറ് വർഷത്തെ സുരക്ഷാ അപ്ഡേറ്റുകൾ നൽകുന്ന വി-സീരീസിലെ ആദ്യ ഉപകരണമാണിത്. ഓഗസ്റ്റ് 19 മുതൽ ആമസോൺ.ഇൻ, ഫ്ലിപ്കാർട്ട്, ഓഫ്ലൈൻ സ്റ്റോറുകൾ എന്നിവയിൽ വിവോ വി60 ഓൺലൈനായി ലഭ്യമാകും.