ബിഗ് ബോസ്; പ്രണയത്തീയില് സുജോയും സാന്ദ്രയും, തല്ലിക്കെടുത്താന് രജിത്തും പവനും
First Published Feb 6, 2020, 1:15 PM ISTപ്രണയിക്കുന്ന മനസുകളുടെ ശക്തിയും വേദനയും രജിത്തിന് നന്നായറിയാം. രജിത്ത് അത് ആവശ്യത്തിനും അനാവശ്യത്തിനും ഇടയ്ക്കിടയ്ക്ക് പറയാറുമുണ്ട്. അതുകൊണ്ട് തന്നെ പവന് എന്ന പവര് ബിഗ് ബോസിലെത്തിയപ്പോള് മുതല് രജിത്ത്, സുജോയെ അവഗണിച്ച് തുടങ്ങി. അവഗണന മാത്രമല്ല, സുജോയ്ക്കെതിരെ ചില തന്ത്രങ്ങളും പയറ്റിത്തുടങ്ങി.
' ഒരിടത്ത് ഒര് മസിലന് മതി'യെന്നാണ് രജിത്ത് ലൈന്. ഇതിനിടെ സുജോ സാന്ദ്രയുമായി അടുത്തത് രജിത്ത് അത്ര പിടിച്ചിട്ടില്ല. മാത്രമല്ല. ടീം തെരഞ്ഞെടുപ്പില് സുജോ സ്ത്രീകളുടെ ഗ്രൂപ്പാണ് തെരഞ്ഞെടുത്തത്. ഇതോടെ സുജോ തന്റെ കൈയില് നിന്ന് പോയെന്ന് കണക്കുകൂട്ടിയ രജിത്ത് സ്വാഭാവികമായും സുജോയുടെ ബന്ധുവായ പവനെ തന്റെ 'കൈക്കാര'നാക്കുന്നു. പവന് വഴി സുജോയെ ഒറ്റതിരിഞ്ഞും കൂട്ടമായും അക്രമിക്കുക എന്നതാണ് രജിത്തിന്റെ ഇപ്പോഴത്തെ സ്ട്രാറ്റജി. അതിനായി അയാള് പവനെ പരുവപ്പെടുത്തുന്നത് കാണാം.