കെസിഎല്ലിൽ വയനാടൻ കരുത്ത് കാട്ടി അഖിൻ സത്താർ; വീഴ്ത്തിയത് മൂന്ന് വിക്കറ്റുകൾ

കേരള ക്രിക്കറ്റ് ലീഗിൽ (കെ.സി.എൽ) ട്രിവാൻഡ്രം റോയൽസിനെതിരെ നടന്ന ആവേശകരമായ മത്സരത്തിൽ അഖിൻ സത്താറിന്‍റെ തകർപ്പൻ ബോളിംഗ് പ്രകടനം ശ്രദ്ധേയമായി.

വരവറിയിച്ച് അഖിന്‍ സത്താര്‍

കേരള ക്രിക്കറ്റ് ലീഗിൽ (കെ.സി.എൽ) ട്രിവാൻഡ്രം റോയൽസിനെതിരെ നടന്ന ആവേശകരമായ മത്സരത്തിൽ അഖിൻ സത്താറിന്‍റെ തകർപ്പൻ ബോളിംഗ് പ്രകടനം ശ്രദ്ധേയമായി.

വയനാടന്‍ കരുത്ത്

വയനാട് കരിയമ്പാടിയിൽ, ചുണ്ടക്കര വീട്ടിൽ സത്താറിന്‍റെയും റഹ്മത്തിന്‍റെയും മകനാണ് 23-കാരനായ അഖിൻ സത്താർ.

തകര്‍പ്പന്‍ ബൗളിംഗ്

തിരുവനന്തപുരത്തെ ഗ്രീൻഫീൽഡ് സ്റ്റേഡിയത്തിൽ നടന്ന മത്സരത്തിൽ ട്രിവാൻഡ്രം റോയൽസിന്‍റെ മുൻനിര ബാറ്റ്‌സ്മാൻമാരെ പുറത്താക്കി സത്താർ റോയൽസിന്‍റെ മുന്നേറ്റത്തിന് തടയിടുകയായിരുന്നു.

എറിഞ്ഞിട്ട് അഖിന്‍

നാല് ഓവർ എറിഞ്ഞ സത്താർ, ഒരു മെയ്ഡൻ ഉൾപ്പെടെ വെറും 13 റൺസ് മാത്രം വിട്ടുകൊടുത്ത് മൂന്ന് നിർണ്ണായക വിക്കറ്റുകൾ നേടി.

നേരിടാനാകാതെ റോയല്‍സ്

കൃത്യമായ ലൈനിലും ലെംഗ്ത്തിലുമുള്ള സത്താറിന്‍റെ പന്തുകൾ നേരിടാൻ റോയൽസ് ബാറ്റ്‌സ്മാൻമാർ ഏറെ ബുദ്ധിമുട്ടി.

മുന്‍നിരയെ തകര്‍ത്തു

റോയൽസിന്‍റെ പ്രമുഖ ബാറ്റർമാരായ റിയ ബഷീർ, നിഖിൽ എം, അഭിജിത്ത് പ്രവീൺ എന്നിവരെയാണ് സത്താർ പവലിയനിലേക്ക് മടക്കിയത്.

മുന്നേറ്റത്തില്‍ നിര്‍ണായകം

ജുനിയർ തലങ്ങളിലെ മികവ് കെ.സി.എല്ലിലെ പ്രവേശനത്തെ എളുപ്പമാക്കി. കെ.സി.എല്ലിലെ ആദ്യ മത്സരത്തിലെ മികച്ച ബൗളിം​ഗ് പ്രകടനം ടീമിന് കൂടുതൽ ​​ഗുണകരമായേക്കുമെന്നാണ് വിദ​ഗ്ധർ പറയുന്നത്.

കഴിഞ്ഞ സീസണിലും തിളങ്ങി

കഴിഞ്ഞ സീസണിൽ ട്രിവാൻഡ്രം റോയൽസ് ടീമിൽ അംഗമായിരുന്ന സത്താർ, 8 മത്സരങ്ങളിൽ നിന്ന് 5 വിക്കറ്റുകൾ നേടിയിരുന്നു. വരും മത്സരങ്ങളിലും സത്താറിന്‍റെ നിർണ്ണായക മുന്നേറ്റം ആവേശം പകരും.