ക്ലാസും മാസും നിറഞ്ഞ വില്യംസണ്‍ ബ്രില്യന്‍സ്; ഇരട്ട സെഞ്ചുറിക്ക് പ്രശംസാപ്രവാഹം
First Published Dec 4, 2020, 12:24 PM ISTസമകാലിക ക്രിക്കറ്റിലെ 'ഫാബ്-4'ല്‍ കെയ്‌ന്‍ വില്യംസണിന്‍റെ പേരുള്‍പ്പെട്ടത് വെറുതെയല്ല, ഫോര്‍മാറ്റുകളുടെ ദൗര്‍ബല്യമില്ലാതെ ക്ലാസും മാസും കിടപിടിക്കുന്ന ബാറ്റ്സ്മാനാണ് അയാള്‍. വീണ്ടുമൊരിക്കല്‍ കൂടി കെയ്‌ന്‍ വില്യംസണിന്‍റെ ക്ലാസ് ആരാധകര്‍ കണ്ടു. വെസ്റ്റ് ഇന്‍ഡീസിനെതിരായ ഹാമില്‍ട്ടണ്‍ ടെസ്റ്റില്‍ പുല്ല് നിറഞ്ഞ പിച്ചില്‍ തകര്‍പ്പന്‍ ഇരട്ട സെഞ്ചുറിയാണ് കെയ്‌ന്‍ നേടിയത്. ടെസ്റ്റ് കരിയറിലെ 22-ാം സെഞ്ചുറിക്ക് പിന്നാലെയെത്തിയ ഇരട്ട ശതകത്തിന് ഈ മുപ്പതുകാരനെ തേടി മുന്‍താരങ്ങളുടെ ഉള്‍പ്പടെ പ്രശംസയെത്തി. എല്ലാവര്‍ക്കും പറയാനുണ്ടായിരുന്നത് 'ക്ലാസ്' എന്നൊരു വാക്ക് മാത്രം. ഐപിഎല്ലിലെ മികവിന് തൊട്ടുപിന്നാലെ ക്രിക്കറ്റിന്‍റെ വലിയ ഫോര്‍മാറ്റില്‍ യാതൊരു സങ്കോചവുമില്ലാതെയാണ് വില്യംസണ്‍ കളിച്ചത്.