'ദൃശ്യം 2'ന് ചെലവ് കൂടും'; കാരണം വിശദീകരിച്ച് ആന്‍റണി പെരുമ്പാവൂര്‍
First Published Sep 27, 2020, 4:33 PM ISTവന്‍ ജനപ്രീതി നേടിയ ഒരു സിനിമയുടെ, റിലീസിന്‍റെ ഏഴാം വര്‍ഷത്തില്‍ ഒരുങ്ങുന്ന രണ്ടാംഭാഗം. ആറ് മാസത്തോളം നീളുന്ന കൊവിഡ്‍കാല ഇടവേളയ്ക്കു ശേഷം മലയാളത്തില്‍ ചിത്രീകരണം ആരംഭിക്കുന്ന സൂപ്പര്‍താര ചിത്രം ഇങ്ങനെ പല പ്രത്യേകതകളുമായാണ് ദൃശ്യം 2 ഈയാഴ്ച ചിത്രീകരണം ആരംഭിച്ചത്. സിനിമാപ്രേമികളില്‍ ഒട്ടുമിക്കവരും കണ്ടിട്ടുള്ള ചിത്രമാണ് ദൃശ്യം എന്നതുകൊണ്ടുതന്നെ രണ്ടാംഭാഗം എത്തുമ്പോഴുള്ള പ്രതീക്ഷകളും വലുതാണ്. ആ ആസ്വാദക പ്രതീക്ഷളെ തൃപ്തിപ്പെടുത്തുക എന്ന വലിയ വെല്ലുവിളിയാണ് ജീത്തു ജോസഫ് എന്ന സംവിധായകന് ഉള്ളത്. എന്നാല്‍ നിര്‍മ്മാതാവ് എന്ന നിലയില്‍ താന്‍ നേരിടുന്ന ഒരു വെല്ലുവിളിയെക്കുറിച്ച് പറയുകയാണ് ചിത്രത്തിന്‍റെ നിര്‍മ്മാതാവായ ആന്‍റണി പെരുമ്പാവൂര്‍. സിനിമയുടെ ചെലവ് കൂടുമെന്ന് പറയുന്നു ആന്‍റണി, അതിന്‍റെ കാരണവും അദ്ദേഹം വിശദീകരിക്കുന്നുണ്ട്, മനോരമയ്ക്കു നല്‍കിയ അഭിമുഖത്തില്‍.