ഉറങ്ങുന്നതിന് മുമ്പ് ഈ ഭക്ഷണങ്ങൾ കഴിക്കുന്നത് നല്ല ഉറക്കത്തിന് തടസമാകുന്നു

രാത്രി നന്നായി ഉറങ്ങിയാൽ മാത്രമേ നിങ്ങൾക്ക് നല്ല ആരോഗ്യം ലഭിക്കുകയുള്ളു. സമ്മർദ്ദം, തിരക്കുപിടിച്ച ജീവിത രീതി എന്നിവ നിങ്ങളുടെ നല്ല ഉറക്കത്തിന് തടസമാകും. എന്നാൽ ഇത് മാത്രമല്ല രാത്രി കഴിക്കുന്ന ഭക്ഷണങ്ങളും ഉറക്കം കിട്ടുന്നതിന് തടസമാകാറുണ്ട്.  

ചോക്ലേറ്റ്

രാത്രി ഉറങ്ങുന്നതിന് മുമ്പ് ചോക്ലേറ്റ് കഴിക്കുന്നത് ഒഴിവാക്കാം. ഇത് നല്ല ഉറക്കം ലഭിക്കുന്നതിന് തടസമാകും. കാരണം ഇതിൽ കഫീനും മധുരവും അടങ്ങിയിട്ടുണ്ട്.

എരിവുള്ള ഭക്ഷണങ്ങൾ

രാത്രിയിൽ ഭക്ഷണം കഴിക്കുമ്പോൾ കൂടുതൽ എരിവുള്ള ഭക്ഷണങ്ങൾ ഒഴിവാക്കണം. ഇത് ദഹനം ഇല്ലാതാവാനും ഉറക്കത്തിന് തടസം ഉണ്ടാവാനും കാരണമാകുന്നു.

ചീസ്

ചീസ് അടങ്ങിയ ഭക്ഷണങ്ങൾ കഴിക്കുന്നത് ഒഴിവാക്കണം. ഇത് നല്ല ദഹനം ലഭിക്കുന്നതിന് തടസമാവുകയും നല്ല ഉറക്കം ലഭിക്കാതിരിക്കാനും കാരണമാകുന്നു.

കോഫി

കോഫിയിലും കഫീൻ അടങ്ങിയിട്ടുണ്ട്. ഉറങ്ങുന്നതിന് മുമ്പ് കോഫി കുടിക്കുന്നത് പൂർണമായും ഒഴിവാക്കാം. ഇത് ഉറക്കത്തിന് തടസമാകും.

സിട്രസ് പഴങ്ങൾ

ഉറക്കത്തിന് തടസമാകുന്ന മറ്റൊരു ഭക്ഷണമാണ് സിട്രസ് പഴങ്ങൾ. കാരണം ഇതിൽ ആസിഡ് സംയുക്തങ്ങൾ അടങ്ങിയിട്ടുണ്ട്. കൂടാതെ ജലാംശവും കൂടുതലായതിനാൽ ഇടയ്ക്കിടെ മൂത്രമൊഴിക്കാൻ പോകേണ്ടിയും വരുന്നു.

ഐസ് ക്രീം

ഉറങ്ങുന്നതിന് മുമ്പ് ഐസ് ക്രീം കുടിക്കുന്നത് പൂർണമായും ഒഴിവാക്കണം. ഇത് രാത്രിയിൽ നല്ല ഉറക്കം കിട്ടുന്നതിന് തടസമാകുന്നു.