ഫൈബറിന്റെ അളവ് വർധിപ്പിക്കുന്നതിന് കഴിക്കേണ്ട ഭക്ഷണങ്ങൾ

ആരോഗ്യകരമായ ഭക്ഷണക്രമത്തിൽ ഫൈബർ അടങ്ങിയ ഭക്ഷണങ്ങളും ധാരാളം കഴിക്കേണ്ടതുണ്ട്. ദിവസവും 30 ഗ്രാം ഫൈബർ എങ്കിലും കഴിച്ചിരിക്കണം. പച്ചക്കറികളിൽ മാത്രമല്ല, ഫൈബർ മറ്റ് ഭക്ഷണ സാധനങ്ങളിലും അടങ്ങിയിട്ടുണ്ട്. ഫൈബറിന്റെ അളവ് കൂട്ടാൻ ഈ ഭക്ഷണങ്ങൾ കഴിച്ചാൽ മതി. 

ഫ്ലാക്സ് സീഡ്

രണ്ട് ടേബിൾസ്പൂൺ ഫ്ലാക്സ് സീഡിൽ 6 ഗ്രാം ഫൈബർ അടങ്ങിയിട്ടുണ്ട്. ഇത് വെള്ളത്തിൽ കുതിർത്തും നന്നായി പൊടിച്ചും കഴിക്കാവുന്നതാണ്.

ചിയ സീഡ്

രണ്ട് ടേബിൾസ്പൂൺ ചിയ സീഡിൽ 10 ഗ്രാം ഫൈബർ അടങ്ങിയിട്ടുണ്ട്. രാത്രി മുഴുവൻ വെള്ളത്തിലിട്ട് കുതിർത്തതിന് ശേഷം രാവിലെ കഴിക്കാവുന്നതാണ്.

പയർവർഗ്ഗങ്ങൾ

വേവിച്ച പയർവർഗ്ഗങ്ങളിലും ധാരാളം ഫൈബർ അടങ്ങിയിട്ടുണ്ട്. കൂടാതെ ഇതിൽ ധാരാളം പ്രോട്ടീനും ഉണ്ട്.

ഓട്സ്

ഓട്സിൽ ധാരാളം ബീറ്റ ഗ്ലൂക്കൻ ഫൈബർ അടങ്ങിയിട്ടുണ്ട്. ഇത് കൊളസ്‌ട്രോൾ കുറയ്ക്കാനും ഹൃദയാരോഗ്യവും രോഗ പ്രതിരോധശേഷിയും മെച്ചപ്പെടുത്താനും സഹായിക്കുന്നു.

വെള്ളക്കടല

വെള്ളക്കടലയിലും ധാരാളം ഫൈബർ അടങ്ങിയിട്ടുണ്ട്. പകുതി കപ്പ് വെള്ളക്കടലയിൽ 6 ഗ്രാം വരെ ഫൈബർ ഉണ്ട്.