നോമ്പ് എടുക്കുമ്പോൾ നിർബന്ധമായും ശ്രദ്ധിക്കേണ്ട കാര്യങ്ങൾ

റമദാനിൽ നോമ്പ് എടുക്കുന്നതിന് നിരവധി ഗുണങ്ങളുണ്ടെങ്കിലും ആരോഗ്യകരമായ രീതിയിൽ നോമ്പെടുക്കുക എന്നതാണ് പ്രധാനം. ശരീരത്തെ വിഷവിമുക്തമാക്കൽ, മെറ്റബോളിസം നിയന്ത്രിക്കൽ, ഭാരം നിയന്ത്രിക്കൽ എന്നിവയ്ക്ക് ഇത് സഹായിക്കും. ശ്രദ്ധിക്കേണ്ട കാര്യങ്ങൾ ഇതാണ്. 

വെള്ളം കുടിക്കാം

നോമ്പ് തുടങ്ങുന്നതിന് മുമ്പും ശേഷവും ധാരാളം വെള്ളം കുടിക്കാൻ ശ്രദ്ധിക്കണം. അതേസമയം ഇടവിട്ട് വെള്ളം കുടിക്കുന്നതാണ് നല്ലത്.

ഫൈബർ അടങ്ങിയ ഭക്ഷണങ്ങൾ

പച്ചക്കറികൾ, പഴവർഗ്ഗങ്ങൾ, തവിട് കളയാത്ത ധാന്യങ്ങൾ എന്നിവയിൽ ധാരാളം ഫൈബർ അടങ്ങിയിട്ടുണ്ട്. ഇത് ദഹനം മെച്ചപ്പെടുത്താൻ സഹായിക്കുന്നു.

കൃത്യമായ ഭക്ഷണക്രമം വേണം

അമിതമായി ഭക്ഷണം കഴിച്ചതുകൊണ്ട് കാര്യമില്ല. ധാരാളം പോഷകങ്ങൾ അടങ്ങിയ ഭക്ഷണങ്ങൾ കഴിക്കാൻ ശ്രദ്ധിക്കണം. ഇത് നിങ്ങൾക്ക് കൂടുതൽ ഊർജ്ജം നൽകുന്നു.

സാവധാനത്തിൽ ദഹിക്കുന്ന ഭക്ഷണങ്ങൾ

നോമ്പ് എടുക്കുന്ന സമയം ഓട്സ്, തവിട് കളയാത്ത ധാന്യങ്ങൾ, മുട്ട, തൈര്, പഴങ്ങൾ തുടങ്ങിയ സാവധാനത്തിൽ ദഹിക്കുന്ന ഭക്ഷണങ്ങൾ കഴിക്കാം. ഇത് ദിവസം മുഴുവൻ നിങ്ങൾക്ക് ഊർജ്ജം നൽകുന്നു.

ഇവ ഒഴിവാക്കാം

സോഡ, കഫീൻ, കുപ്പികളിൽ ലഭിക്കുന്ന ജ്യൂസ് എന്നിവ അമിതമായി ഉപയോഗിക്കുന്നത് ഒഴിവാക്കാം. ഇത് ആരോഗ്യത്തിന് നല്ലതല്ല.