പാലും കറ്റാർവാഴ ജെല്ലും: മുഖത്തെ ചുളിവുകള്‍ എളുപ്പം നീക്കാനുള്ള വഴിയാണ് കറ്റാര്‍ വാഴ ജെല്ലും, പാല്‍ മിശ്രിതവും. തിളപ്പിയ്ക്കാത്ത രണ്ട് ടീസ്പൂൺ പാലും രണ്ട് ടീസ്പൂൺ കറ്റാർവാഴ ജെല്ലും ചേർത്ത് മിശ്രിതമാക്കുക. ശേഷം ഈ മിശ്രിതം 15 മിനിറ്റ് മുഖത്തിടുക. ഉണങ്ങിയ ശേഷം തണുത്ത വെള്ളത്തിൽ കഴുകുക. പാല്‍ നല്ലൊരു മോയ്സ്ചറൈസറാണ്. ഇത് ചര്‍മ കോശങ്ങള്‍ക്കടിയിലേയ്ക്ക് ആഴ്ന്നിറങ്ങി ചര്‍മത്തിന് തിളക്കവും മൃദുത്വവും നല്‍കുന്നു.
undefined
തേനും കറ്റാർവാഴ ജെല്ലും: തേൻ, പാല്‍, കറ്റാര്‍വാഴ ജെൽ, മഞ്ഞള്‍പ്പൊടി, എന്നിവയടങ്ങിയ മിശ്രിതം മുഖത്തെ ചുളിവുകൾ മാറാൻ മികച്ച പ്രതിവിധിയാണ്. ഈ മിശ്രിതം മുഖത്ത് പുരട്ടി 15 മിനിറ്റ് കഴിഞ്ഞ് ചെറുചൂടുവെള്ളത്തിൽ കഴുകി കളയുക.
undefined
മഞ്ഞളും കറ്റാർവാഴ ജെല്ലും: മഞ്ഞള്‍പ്പൊടിയ്ക്ക് മുഖത്തെ ചുളിവുകള്‍ മാറ്റാനുള്ള കഴിവുണ്ട്. മഞ്ഞൾ നല്ലൊരു അണുനാശിനി കൂടിയാണിത്. ഒരു ടീസ്പൂൺ കറ്റാർവാഴ ജെല്ലും മഞ്ഞളും ചേർത്ത് മുഖത്തിടുന്നത് ചുളിവുകൾ അകറ്റാൻ ഏറെ ഗുണം ചെയ്യും.
undefined
വെള്ളരിക്ക നീരും കറ്റാർവാഴ ജെല്ലും: ആഴ്ചയിൽ രണ്ടോ മൂന്നോ ദിവസം രണ്ട് ടീസ്പൂൺ വെള്ളരിക്ക നീരും കറ്റാർവാഴ ജെല്ലും ചേർത്ത മിശ്രിതം മുഖത്ത് പുരട്ടുന്നത് ചർമ്മം കൂടുതൽ തിളക്കമുള്ളതാക്കാൻ സഹായിക്കുന്നു.
undefined
റോസ് വാട്ടറും കറ്റാർവാഴ ജെല്ലും: റോസ് വാട്ടറും കറ്റാർവാഴ ജെല്ലും ചേർത്ത മിശ്രിതം മുഖത്തിടുന്നത് മുഖത്തെ കറുപ്പകറ്റാൻ സഹായിക്കുന്നു. ഈ മിശ്രിതം മുഖത്തിട്ട ശേഷം മസാജ് ചെയ്യുക. ശേഷം 10 മിനിറ്റ് കഴിഞ്ഞ് കഴുകി കളയുക. ആഴ്ചയില്‍ രണ്ടോ മൂന്നോ തവണ ഇത് പുരട്ടാവുന്നതാണ്.
undefined