തൈറോയ്ഡ് അലട്ടുന്നുണ്ടോ? എങ്കിൽ ഈ ഭക്ഷണങ്ങൾ ദിവസവും കഴിക്കുന്നത് ഒഴിവാക്കുക

ലക്ഷക്കണക്കിന് ആളുകളെ ബാധിക്കുന്ന തൈറോയ്ഡ് പ്രശ്‌നത്തിൽ നിന്ന് രക്ഷനേടാൻ ശ്രമിക്കുകയാണെങ്കിൽ, ഈ ഭക്ഷണങ്ങൾ പരമാവധി ഒഴിവാക്കുക. അല്ലെങ്കിൽ തൈറോയ്ഡ് പ്രശ്നം കൂടുതൽ വഷളാകാൻ സാധ്യതയുണ്ട്. 

തൈറോയ്ഡ്

തൈറോയ്ഡ് പ്രശ്നങ്ങൾ ലക്ഷക്കണക്കിന് ആളുകളെ ബാധിക്കുന്നു. ഭക്ഷണത്തിലെ ചില കാര്യങ്ങൾ ശ്രദ്ധിച്ചാൽ ഈ അവസ്ഥ നിയന്ത്രിക്കാം. ചില ഭക്ഷണങ്ങൾ ഒഴിവാക്കുന്നത് മരുന്നുകളുടെ ഫലം മെച്ചപ്പെടുത്തും.

ബ്രെഡ്

വൈറ്റ് ബ്രെഡ് തൈറോയ്ഡ് രോഗികൾക്ക് നല്ലതല്ല. ഇതിലെ സംസ്കരിച്ച മാവിൽ നാരുകളും പോഷകങ്ങളും കുറവാണ്. ഇത് രക്തത്തിലെ പഞ്ചസാര വർദ്ധിപ്പിക്കുകയും മെറ്റബോളിസത്തെ ദോഷകരമായി ബാധിക്കുകയും ചെയ്യും.

ചില പച്ചക്കറികൾ

കാബേജ്, ബ്രൊക്കോളി, കോളിഫ്‌ളവർ തുടങ്ങിയ പച്ചക്കറികൾ അമിതമായി കഴിക്കുന്നത് തൈറോയ്ഡ് രോഗികൾക്ക് ദോഷകരമാണ്. ഇവയിലെ തയോസയനേറ്റുകൾ ഹോർമോൺ അസന്തുലിതാവസ്ഥയ്ക്ക് കാരണമാകും.

ഉരുളക്കിഴങ്ങ് ചിപ്‌സ്

ഉരുളക്കിഴങ്ങ് ചിപ്‌സ് പോലെയുള്ള ഫാസ്റ്റ് ഫുഡുകൾ തൈറോയ്ഡ് പ്രശ്നം കൂട്ടും. ഇതിലെ ട്രാൻസ് ഫാറ്റുകളും സംസ്കരിച്ച എണ്ണകളും അയഡിൻ ആഗിരണം ചെയ്യാനുള്ള ശരീരത്തിന്റെ കഴിവിനെ തടസ്സപ്പെടുത്തും.

നിലക്കടല

നിലക്കടലയിൽ ഗോയിട്രോജനുകൾ അടങ്ങിയിട്ടുണ്ട്. ഇത് തൈറോയ്ഡ് ഹോർമോൺ ഉത്പാദനത്തെ തടസ്സപ്പെടുത്തും. മരുന്ന് കഴിക്കുന്നവർ പീനട്ട് ബട്ടർ, വറുത്ത നിലക്കടല എന്നിവയുടെ ഉപയോഗം കുറയ്ക്കുക.

കാപ്പി

തൈറോയ്ഡ് മരുന്ന് കഴിച്ച ഉടൻ കാപ്പി കുടിക്കുന്നത് അതിന്റെ ഫലം കുറയ്ക്കും. കാപ്പി കുടിക്കുന്നതിന് മുൻപ് മരുന്ന് കഴിച്ച് 30-45 മിനിറ്റ് ഇടവേള നൽകുന്നത് നല്ലതാണ്.

സോയ ഉൽപ്പന്നങ്ങൾ

സോയ ഉൽപ്പന്നങ്ങൾ തൈറോയ്ഡ് രോഗികൾക്ക് നല്ലതല്ല. ഇതിലെ ഐസോഫ്ലേവോണുകൾ ഹോർമോൺ ഉത്പാദനത്തെയും മരുന്നുകളുടെ ആഗിരണത്തെയും തടസ്സപ്പെടുത്തും. സോയയുടെ ഉപയോഗം കുറയ്ക്കുക.