ശരീരത്തിലെ ഒരു പ്രധാനപ്പെട്ട അവയവമാണ് വൃക്ക. ഇതിന് തകരാറുണ്ടായാൽ ശരീരം മുഴുവൻ ബാധിക്കും. രോഗം മൂർച്ഛിക്കുമ്പോഴാണ് ലക്ഷണങ്ങൾ കാണുന്നത്. വൃക്ക തകരാറിന്റെ ചില ലക്ഷണങ്ങള് എന്തൊക്കെയാണെന്ന് നോക്കാം.
വൃക്ക തകരാറിന്റെ ചില ലക്ഷണങ്ങള് എന്തൊക്കെയാണെന്ന് നോക്കാം.
29
മുഖത്ത് നീര്
നീര് കാണുന്നത് വൃക്കരോഗത്തിന്റെ പ്രധാന ലക്ഷണമാണ്. വൃക്കകൾ ശരിയായി പ്രവർത്തിക്കാത്തപ്പോൾ ശരീരത്തിൽ സോഡിയവും വെള്ളവും കെട്ടിനിൽക്കും. ഇത് മുഖത്ത്, പ്രത്യേകിച്ച് കവിളുകളിൽ നീർക്കെട്ടുണ്ടാക്കും. മുഖത്ത് നീര് പതിവാണെങ്കിൽ ഉടൻ ഡോക്ടറെ കാണുക.
39
കൈ- കാലുകളിലെ നീര്
വൃക്കയുടെ പ്രവര്ത്തനം മന്ദഗതിയിലാകുന്നതിലൂടെ ചിലപ്പോൾ കൈ- കാലുകളില് നീര് വരാനും സാധ്യതയുണ്ട്.
49
ഓക്കാനവും ഛർദ്ദിയും
വൃക്കകൾക്ക് തകരാറുണ്ടാകുമ്പോൾ ശരീരത്തിൽ യൂറിയയുടെ അളവ് കൂടും. ഇത് ദഹനവ്യവസ്ഥയെ ബാധിക്കുകയും രാവിലെ ഓക്കാനവും ഛർദ്ദിയും ഉണ്ടാക്കുകയും ചെയ്യും. ഈ ലക്ഷണങ്ങൾ പതിവാണെങ്കിൽ അവഗണിക്കരുത്.
59
മൂത്രമൊഴിക്കുന്നതിലെ മാറ്റങ്ങൾ
പതയുള്ള മൂത്രം വൃക്കരോഗത്തിന്റെ ലക്ഷണമാണ്. കടുത്ത മഞ്ഞയോ തവിട്ടുനിറമോ ഉള്ള മൂത്രവും രോഗത്തെ സൂചിപ്പിക്കുന്നു. മൂത്രത്തിൽ രക്തം കാണുന്നത് ഗുരുതരമായ അവസ്ഥയാണ്. ഈ ലക്ഷണങ്ങൾ കണ്ടാല് ഉടൻ ഡോക്ടറെ കണ്ട് ചികിത്സ തേടുക.
69
നടുവേദന
പുറത്തും അടിവയറിന് വശങ്ങളിലുമുള്ള വേദനയും ചിലപ്പോള് വൃക്ക തകരാറിലായതിന്റെ ലക്ഷണമാകാം.
79
വരണ്ട ചര്മ്മം, ചര്മ്മം ചൊറിയുക
വൃക്കകള് തകരാറിലാകുന്നതോടെ ശരീരത്തിലെ മാലിന്യങ്ങളും ലവണങ്ങളും രക്തത്തില് അടിയുന്നു. ഇതുകാരണം വരണ്ട ചര്മ്മം, ചര്മ്മം ചൊറിയുക എന്നിവ ഉണ്ടാകാം.
89
ക്ഷീണവും തളര്ച്ചയും
ക്ഷീണവും തളര്ച്ചയും പല കാരണങ്ങള് കൊണ്ടും ഉണ്ടാകാം. എന്നാല് വൃക്കയുമായി ബന്ധപ്പെട്ട പ്രശ്നങ്ങള്ക്കും ക്ഷീണം, തളര്ച്ച എന്നിവ ഉണ്ടാകാം. അതുപോലെ പെട്ടെന്ന് ശരീരഭാരം കൂടുന്നതും അവഗണിക്കേണ്ട.
99
ശ്രദ്ധിക്കുക:
മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
