തിളക്കമുള്ളതും അതോടൊപ്പം ആരോഗ്യമുള്ളതുമായ ഒരു ചർമ്മം സ്വന്തമാക്കാൻ ആഗ്രഹിക്കുന്നവരാണ് നമ്മൾ ഏവരും. മുഖത്തെ ചുളിവുകൾ, കറുത്ത പാടുകൾ, വരണ്ട ചർമ്മം എന്നിവ പലരേയും അലട്ടുന്ന പ്രശ്നങ്ങളാണ്. ചർമ്മം തിളക്കമുള്ളതാക്കാൻ വീട്ടിൽ തന്നെ പരീക്ഷിക്കാവുന്ന ചില ഫേസ് പാക്കുകൾ പരിചയപ്പെടാം...
മുട്ടയുടെ വെള്ളയും മൂന്ന് ടീ സ്പൂൺ വെള്ളരിക്ക ജ്യൂസും രണ്ട് ടീ സ്പൂൺ പാലും മിക്സ് ചെയ്യുക. മുഖത്ത് ഈ ഫേസ് പാക്ക് ഉപയോഗിക്കുന്നതിന് മുൻപ് പഞ്ഞി ഉപയോഗിച്ച് മുഖം ക്ലീൻ ചെയ്യുക. ശേഷം പാക്ക് മുഖത്തിടുക. 15 മിനിട്ടിന് ശേഷം തണുത്ത വെള്ളത്തിൽ മുഖം കഴുകുക.
ഒന്നോ രണ്ടോ ടീസ്പൂൺ ഒലീവ് ഓയിലും ഒരു ടേബിൾ സ്പൂൺ കാപ്പി പൊടിയും ചേർക്കുക. ഇത് നന്നായി മിക്സ് ചെയ്യുക. ഈ ഫേസ് പാക്ക് മുഖത്തും ചർമ്മത്തിലും പുരട്ടുക. ഇത് 15 മിനിറ്റ് വിടുക. ഉണങ്ങി കഴിഞ്ഞാൽ ചെറുചൂടുള്ള വെള്ളത്തിൽ മുഖം വൃത്തിയാക്കുക. തിളക്കമുള്ള ചർമ്മം സ്വന്തമാക്കാൻ മികച്ചൊരു ഫേസ് പാക്കാണിത്.
ഒരു ടീസ്പൂൺ ചന്ദനപ്പൊടിയും ഒരു ടീസ്പൂൺ തേനും ചേർക്കുക. ഇതിലേക്ക് 2 ടീസ്പൂൺ കറ്റാ വാഴ ജെൽ ചേർക്കുക. ഈ പായ്ക്ക് നിങ്ങളുടെ ചർമ്മത്തിന് ജലാംശം നൽകുന്നു. ഈ പാക്ക് 15 മിനിട്ട് മുഖത്തിടുക. മുഖത്തെ ചുളിവുകൾ മാറാൻ മികച്ചൊരു പാക്കാണിത്.
രണ്ട് ടീസ്പൂണ്‍ തക്കാളി നീരിലേയ്ക്ക് ഒരു ടീസ്പൂൺ ഒലീവെണ്ണ ചേർത്ത് നന്നായി മിക്സ് ചെയ്ത ശേഷം മുഖത്തും കഴുത്തിലുമൊക്കെ നന്നായി തേച്ച് പിടിപ്പിക്കുക. 20 മിനിറ്റിന് ശേഷം ചെറുചൂടുവെള്ളത്തിൽ കഴുകാം. മുഖത്തെ കരുവാളിപ്പ് അകറ്റാനും ചർമ്മം മോയ്സ്ചറൈസ് ചെയ്യാനും ഇത് സഹായിക്കും.
ഒരു ടീസ്പൂൺ തക്കാളി നീരിൽ ഒരു സ്പൂൺ കറ്റാര്‍വാഴ ജെല്‍ ചേര്‍ക്കാം. ശേഷം ഇത് മുഖത്തും കൺതടങ്ങളിലും പുരട്ടാം. 15 മിനുട്ടിന് ശേഷം കഴുകി കളയാം. ഇങ്ങനെ ചെയ്യുന്നത് കണ്ണിന് ചുറ്റുമുള്ള കറുപ്പകറ്റാനും സഹായിക്കും.