ഫാറ്റി ലിവർ രോ​ഗം ; ശരീരം മുൻകൂട്ടി കാണിക്കുന്ന എട്ട് ലക്ഷണങ്ങൾ

10 ഇന്ത്യക്കാരിൽ 4 പേർക്കും ഫാറ്റി ലിവർ രോ​ഗം ബാധിച്ചിട്ടുണ്ടെന്ന് ലാൻസെറ്റ് പഠനം. കഴിഞ്ഞ മാസം ദി ലാൻസെറ്റ് റീജിയണൽ ഹെൽത്ത്–സൗത്ത് ഈസ്റ്റ് ഏഷ്യയിൽ പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്. . 

ഫാറ്റി ലിവർ രോ​ഗം ; ശരീരം മുൻകൂട്ടി കാണിക്കുന്ന എട്ട് ലക്ഷണങ്ങൾ

10 ഇന്ത്യക്കാരിൽ 4 പേർക്കും ഫാറ്റി ലിവർ രോ​ഗം ബാധിച്ചിട്ടുണ്ടെന്ന് ലാൻസെറ്റ് പഠനം. കഴിഞ്ഞ മാസം ദി ലാൻസെറ്റ് റീജിയണൽ ഹെൽത്ത്–സൗത്ത് ഈസ്റ്റ് ഏഷ്യയിൽ പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്. പരിശോധനയ്ക്ക് വിധേയമാക്കിയ 7,764 മുതിർന്നവരിൽ 39 ശതമാനം പേർക്കും നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD) ഉണ്ടെന്ന് കണ്ടെത്തി. ഇതിനെ മെറ്റബോളിക് ഡിസ്ഫംഗ്ഷൻ-അസോസിയേറ്റഡ് സ്റ്റീറ്റോട്ടിക് ലിവർ ഡിസീസ് (MASLD) എന്നും അറിയപ്പെടുന്നു.

മദ്യം വളരെ കുറച്ച് മാത്രം കഴിക്കുന്നവരിലോ മദ്യം കഴിക്കാത്തവരിലോ കരളിൽ അധിക കൊഴുപ്പ് അടിഞ്ഞുകൂടുമ്പോഴാണ് NAFLD വികസിക്കുന്നത്.

മദ്യം വളരെ കുറച്ച് മാത്രം കഴിക്കുന്നവരിലോ മദ്യം കഴിക്കാത്തവരിലോ കരളിൽ അധിക കൊഴുപ്പ് അടിഞ്ഞുകൂടുമ്പോഴാണ് NAFLD വികസിക്കുന്നത്. കരളിന്റെ ഭാരത്തിന്റെ 5-10 ശതമാനത്തിൽ കൂടുതൽ കൊഴുപ്പ് ഉണ്ടാകുമ്പോൾ, അതിനെ സ്റ്റീറ്റോസിസ് എന്ന് തരംതിരിക്കുന്നു, ഇത് ഫാറ്റി ലിവർ രോഗത്തിന്റെ ആദ്യ ഘട്ടമാണ്.

ആഗോളതലത്തിൽ നാലിൽ ഒരാൾക്ക് NAFLD ബാധിക്കുന്നതായി ​ഗവേഷകർ പറയുന്നു

ആഗോളതലത്തിൽ നാലിൽ ഒരാൾക്ക് NAFLD ബാധിക്കുന്നതായി ​ഗവേഷകർ പറയുന്നു. വിസെറൽ പൊണ്ണത്തടി, ടൈപ്പ് 2 പ്രമേഹം എന്നിവ ഫാറ്റി ലിവർ രോ​ഗത്തിനുള്ള സാധ്യത കൂട്ടുന്നു. കരൾ കോശങ്ങളിൽ അധിക കൊഴുപ്പ് അടിഞ്ഞുകൂടുന്ന ഒരു അവസ്ഥയാണ് ഫാറ്റി ലിവർ. ചികിത്സിച്ചില്ലെങ്കിൽ വീക്കം, സിറോസിസ്, എന്നിവയിലേക്ക് നയിച്ചേക്കാം. ഇത് പ്രാഥമികമായി പൊണ്ണത്തടി, ടൈപ്പ് 2 പ്രമേഹം, ഉയർന്ന കൊളസ്ട്രോൾ, മെറ്റബോളിക് സിൻഡ്രോം, അല്ലെങ്കിൽ അമിതമായ മദ്യപാനം എന്നിവയുമായി ബന്ധപ്പെട്ടിരിക്കുന്നു.

ക്ഷീണവും ബലഹീനതയും ഫാറ്റി ലിവർ രോ​ഗത്തിന്റെ ലക്ഷണമാണ്

ക്ഷീണവും ബലഹീനതയും ഫാറ്റി ലിവർ രോ​ഗത്തിന്റെ ലക്ഷണമാണ്. മതിയായ വിശ്രമം നൽകിയിട്ടും തുടർച്ചയായി ക്ഷീണവും ബലഹീനതയും അനുഭവപ്പെടുന്നത് കരൾ പ്രശ്‌നങ്ങളെ സൂചിപ്പിക്കുന്നു. ഊർജ്ജ ഉപാപചയത്തിൽ കരൾ ഒരു പ്രധാന പങ്ക് വഹിക്കുന്നു.

വയറിന്റെ വലതുഭാഗത്ത് വേദനയും വീക്കവും ഉണ്ടാകുന്നത് ഫാറ്റി ലിവർ രോഗത്തെ സൂചിപ്പിക്കുന്നു

വയറിന്റെ വലതുഭാഗത്ത് വേദനയും വീക്കവും ഉണ്ടാകുന്നത് ഫാറ്റി ലിവർ രോഗത്തെ സൂചിപ്പിക്കുന്നു. കരളിൽ കൊഴുപ്പ് അടിഞ്ഞുകൂടുന്നതിനാലാണ് ഇത് സാധാരണയായി സംഭവിക്കുന്നത്. ഇത് വേദനയ്ക്കും അസ്വസ്ഥതയ്ക്കും കാരണമാകും.

കരൾ പ്രവർത്തനരഹിതമായ വ്യക്തികളിൽ ഇൻസുലിൻ പ്രതിരോധം സാധാരണയായി കാണപ്പെടുന്നു.

രക്തത്തിലെ പഞ്ചസാരയുടെ അളവ് സാധാരണയായി പ്രമേഹത്തിന്റെ ആരംഭത്തെ സൂചിപ്പിക്കുന്നു. എന്നിരുന്നാലും, ഫാറ്റി ലിവറുമായി ബന്ധപ്പെട്ട രോ​ഗങ്ങളുടെ ലക്ഷണം കൂടിയാണ്. കരൾ പ്രവർത്തനരഹിതമായ വ്യക്തികളിൽ ഇൻസുലിൻ പ്രതിരോധം സാധാരണയായി കാണപ്പെടുന്നു.

ചർമ്മത്തിൽ മഞ്ഞ നിറം കാണുന്നതാണ് മറ്റൊരു ലക്ഷണം.

ചർമ്മത്തിൽ മഞ്ഞ നിറം കാണുന്നതാണ് മറ്റൊരു ലക്ഷണം. മഞ്ഞപ്പിത്തം എന്നത് ഉയർന്ന അളവിലുള്ള ബിലിറൂബിൻ മൂലമുണ്ടാകുന്ന ചർമ്മത്തിന്റെയും കണ്ണുകളുടെയും മഞ്ഞനിറമാണ്. ഇത് സാധാരണയായി കരളിന്റെ പ്രവർത്തന വൈകല്യം, പിത്തരസം നാളത്തിലെ തടസ്സം അല്ലെങ്കിൽ ത്വരിതപ്പെടുത്തിയ ചുവന്ന രക്താണുക്കളുടെ തകർച്ചയെ സൂചിപ്പിക്കുന്നു.

മൂത്രത്തിന്റെയും മലത്തിന്റെയും നിറവ്യത്യാസമാണ് അടുത്ത ലക്ഷണം എന്ന് പറയുന്നത്

മൂത്രത്തിന്റെയും മലത്തിന്റെയും നിറവ്യത്യാസമാണ് അടുത്ത ലക്ഷണം എന്ന് പറയുന്നത്. മൂത്രത്തിന്റെയും മലത്തിന്റെയും നിറവ്യത്യാസം കരളിന്റെ പ്രവർത്തനത്തെ തകരാറിലാക്കാം. ബിലിറൂബിൻ അധികമാകുന്നതിന്റെ ഫലമായി ഇരുണ്ട മൂത്രം ഉണ്ടാകാം.