കേസും റെയ്ഡുമായി കര്ഷകരെ പൂട്ടാന് കേന്ദ്രസര്ക്കാര്; വെടിയുണ്ടകള് ഉതിര്ത്താലും പിന്മാറില്ലെന്ന് കര്ഷകര്
Published : Jan 29, 2021, 12:48 PM IST
65 ദിവസമായി വിവാദ കാര്ഷിക നിയമങ്ങള്ക്കെതിരെ ദില്ലി അതിര്ത്തികളില് സമരം ചെയ്യുന്ന കര്ഷകര്ക്കെതിരെ ശക്തമായ നടപടികളുമായി കേന്ദ്രസര്ക്കാര് മുന്നോട്ട് പോവുകയാണ്. കഴിഞ്ഞ ദിവസം അര്ദ്ധരാത്രിയില് ഗാസിപ്പൂരിലെത്തിയ ജില്ലാ മജിസ്ട്രേറ്റ് അടക്കമുള്ള വന് പൊലീസ് സന്നാഹം കര്ഷകരോട് സ്ഥലം ഒഴിയണമെന്ന് ആവശ്യപ്പെട്ടു. പിന്നാലെ വൈദ്യുതി ബന്ധവും വിച്ഛേദിച്ചു. എന്നാല് കര്ഷകര് ശക്തമായി പിന്മാറില്ലെന്ന് പറഞ്ഞതോടെ പൊലീസ് സന്നാഹം തിരിച്ച് പോയി. പകല് പൊതുവേ സമരസ്ഥലം ശാന്തമായിരുന്നെങ്കിലും ഇന്നലെ അര്ദ്ധരാത്രിയില് ജില്ലാ മജിസ്ട്രേറ്റും വന് പൊലീസ് സന്നാഹവും സമരസ്ഥലത്തെത്തി കര്ഷകരോട് തിരിച്ച് പോകാന് ആവശ്യപ്പെട്ടു. തുടര്ന്ന് സമരപന്തലില് നോട്ടീസ് പതിച്ചു. എന്നാല്, സര്ക്കാര് നടപടിക്കെതിരെ സമരപന്തലിന് ചുറ്റുമിരുന്ന് പ്രതിഷേധിക്കാന് സമരനേതാവായ രാഗേഷ് ടിക്കായത്ത് ആവശ്യപ്പെട്ടതോടെ ഇന്നലെ രാത്രിയില് തന്നെ ഹരിയാനയില് നിന്നും ഉത്തര്പ്രദേശില് നിന്നും നിരവധി കര്ഷകര് സമരപന്തലിലെത്തി ചേര്ന്നു. തങ്ങള്ക്ക് നേരെ വെടിയുണ്ടകളുതിര്ത്താലും വിവാദമായ കാര്ഷിക നിയമങ്ങള് പിന്വലിക്കാതെ തിരിച്ച് വീടുകളിലേക്ക് പോകില്ലെന്ന് രാഗേഷ് ടിക്കായത്ത് പറഞ്ഞു. ഇതോടെ ജില്ലാ മജിസ്ട്രേറ്റും പൊലീസ് സന്നാഹവും തിരിച്ച് പോയി. എങ്കിലും, സമരക്കാര്ക്കെതരെ ശക്തമായ നടപടികളുമായി മുന്നോട് പോകുമെന്ന തന്നെയാണ് കേന്ദ്രസര്ക്കാറിന്റെ നടപടികള് കാണിക്കുന്നത്. സമരസ്ഥലത്ത് നിന്നുള്ള ചിത്രങ്ങള് പകര്ത്തിയത് ഏഷ്യാനെറ്റ് ന്യൂസ് ക്യമാരാമാന്മാരായ ഷിജോ ജോര്ജ്, അനന്തുപ്രഭ.
128
റിപ്പബ്ലിക് ദിന റാലിയോടനുബന്ധിച്ച് കര്ഷകര് നടത്തിയ ട്രാക്ടര് മാര്ച്ചില് ഒരു സംഘം കര്ഷകര് ചെങ്കോട്ടയിലെത്തി സിഖ് മതത്തിന്റെ പതാക ഉയര്ത്തിയത് വിവാദമായിരുന്നു. പലരും ഈ പ്രവര്ത്തിയ തള്ളിപ്പറഞ്ഞു. ഇതോടെ കര്ഷകര്ക്കെതിരെ ഒരവസരം തുറന്ന് കിട്ടിയ കേന്ദ്രസര്ക്കാര് നടപടികള് ശക്തമാക്കി.
റിപ്പബ്ലിക് ദിന റാലിയോടനുബന്ധിച്ച് കര്ഷകര് നടത്തിയ ട്രാക്ടര് മാര്ച്ചില് ഒരു സംഘം കര്ഷകര് ചെങ്കോട്ടയിലെത്തി സിഖ് മതത്തിന്റെ പതാക ഉയര്ത്തിയത് വിവാദമായിരുന്നു. പലരും ഈ പ്രവര്ത്തിയ തള്ളിപ്പറഞ്ഞു. ഇതോടെ കര്ഷകര്ക്കെതിരെ ഒരവസരം തുറന്ന് കിട്ടിയ കേന്ദ്രസര്ക്കാര് നടപടികള് ശക്തമാക്കി.
click me!