മോദിക്ക് പകരക്കാരനായി വി മുരളീധരൻ നൈജീരിയയിൽ; അബുജയിലെത്തിയ മന്ത്രിക്ക് ഉജ്ജ്വല സ്വീകരണം
First Published Jun 13, 2019, 1:39 PM ISTപ്രധാനമന്ത്രി നരേന്ദ്ര മോദിയെ പ്രതിനിധീകരിച്ച് "ഡെമോക്രസി ഡേ" ആഘോഷങ്ങളിൽ പങ്കെടുക്കാനാൻ കേന്ദ്രമന്ത്രി വി മുരളീധരൻ നൈജീരിയയിൽ. നൈജീരിയയുടെ തലസ്ഥാനമായ അബുജയിലെത്തിയ വി മുരളീധരന് ഊഷ്മള വരവേൽപ്പാണ് ലഭിച്ചത്. രാഷ്ട്രത്തലവന്മാർക്ക് നൽകാറുള്ള ഗാർഡ് ഓഫ് ഓണര് നൽകിയാണ് വിമാനത്താവളത്തിൽ വി മുരളീധരന് സ്വീകരണം ഒരുക്കിയത്.
"ഡെമോക്രസി ഡേ" ആഘോഷങ്ങളിൽ പങ്കെടുക്കാനെത്തുന്ന ആഫ്രിക്കയിലെ നേതാക്കളുമായി വി മുരളീധരൻ കൂടിക്കാഴ്ച നടത്തുന്നുണ്ട്.
അബൂജ, ലാഗോസ് എന്നിവിടങ്ങളിലെ ഇന്ത്യൻ സമൂഹത്തിലെ അംഗങ്ങളുമായും പ്രത്യേക കൂടിക്കാഴ്ചയുണ്ട്. ഇന്ത്യയും നൈജീരിയയുമായി പരമ്പരാഗതമായി സൗഹാർദ്ദപരമായ ബന്ധമാണ് നിലനിർത്തി വരുന്നതെന്നും ഈ സന്ദർശനം ഇന്ത്യയും നൈജീരിയയും തമ്മിലുള്ള ദൃഢവും ഊഷ്മളവുമായ ബന്ധങ്ങളെ പ്രതിഫലിപ്പിക്കുന്നതാണെന്നും കേന്ദ്ര മന്ത്രി വി മുരളീധരൻ ഫേസ്ബുക്കിൽ കുറിച്ചു.