'ലൗ ജിഹാദ്' ആരോപണം; പരസ്യം പിൻവലിച്ച് തനിഷ്ക്, എന്തുകൊണ്ട് ഇന്ത്യയെ ബഹിഷ്കരിച്ചില്ലെന്ന് തരൂര്‍
First Published Oct 13, 2020, 8:24 PM ISTഹിന്ദു മുസ്ലിം ഐക്യം പറഞ്ഞുള്ള തങ്ങളുടെ പരസ്യം വിമര്‍ശനത്തെ തുടര്‍ന്ന് ജ്വല്ലറി ബ്രാൻഡായ തനിഷ്ക് പിന്‍വലിച്ചിരിക്കുകയാണ്. 'ലൗ ജിഹാദ്' എന്ന വിമർശനവും ട്രോളുകളും ശക്തമായതോടെയാണ് തനിഷ്ക് പരസ്യം പിന്‍വലിച്ചത്. ഉത്സവകാലത്തിന്റെ മുന്നോടിയായി കമ്പനി തങ്ങളുടെ പുതിയ കളക്ഷൻ ഏകത്വയ്ക്ക് വേണ്ടി പുറത്തിറക്കിയ പരസ്യത്തിനെതിരെയാണ് ആക്രമണമുണ്ടായാത്. 45 സെക്കന്റ് മാത്രം ദൈർഘ്യമുള്ള പരസ്യത്തില്‍ പോലും വര്‍ഗ്ഗീയതയും അസഹിഷ്ണുതയും കാട്ടുന്നവരെ വിമര്‍ശിച്ച് കോണ്‍ഗ്രസ് എംപി ശശി തരൂരും രംഗത്ത് വന്നു. എന്നാല്‍ പരസ്യം ലൗ ജിഹാദ് മാത്രമല്ല, സെക്സിസവും പ്രചരിപ്പിക്കുന്നുവെന്നായിരുന്നു ബോളിവുഡ് താരം കങ്കണ റണൌട്ടിന്‍റെ പ്രതികരണം. വിവാദം ഇങ്ങനെ...