അലുമിനിയം ഫോയിൽ ഉപയോഗിച്ച് ചെയ്യാൻ പാടില്ലാത്ത 5 കാര്യങ്ങൾ

അടുക്കളയിൽ കൂടുതൽ ഉപയോഗമുള്ള വസ്തുവാണ് അലുമിനിയം ഫോയിൽ. ഉപയോഗിക്കാനും വൃത്തിയാക്കാനും ഇത് എളുപ്പമാണ്. എന്നാൽ ദിവസവും ഇത് ഉപയോഗിക്കുന്നത് ആരോഗ്യത്തിന് നല്ലതല്ല. ചില ഭക്ഷണ സാധനങ്ങളും പാചക രീതികളും അലുമിനിയം ഫോയിലിൽ സുരക്ഷിതമല്ല. 

അസിഡിറ്റിയുള്ള ഭക്ഷണങ്ങൾ

തക്കാളി, സിട്രസ് പഴങ്ങൾ, വിനാഗിരി തുടങ്ങിയവ അലുമിനിയം ഫോയിലിൽ വയ്ക്കുന്നത് സുരക്ഷിതമല്ല. കാരണം ഇതിൽ പ്രതിപ്രവർത്തനം ഉണ്ടാവാനുള്ള സാധ്യത വളരെ കൂടുതലാണ്. ഇത് ഭക്ഷണം കേടുവരാൻ കാരണമാകുന്നു.

ബാക്കിവന്ന ഭക്ഷണങ്ങൾ

ബാക്കിവന്ന ഭക്ഷണങ്ങൾ അലുമിനിയം ഫോയിലിൽ സൂക്ഷിക്കാൻ കഴിയുമെങ്കിലും കൂടുതൽ ദിവസം ഇതിൽ സൂക്ഷിക്കുന്നത് സുരക്ഷിതമല്ല. അധിക ദിവസം സൂക്ഷിക്കുമ്പോൾ ഇതിൽ അണുക്കൾ ഉണ്ടാവാൻ സാധ്യത കൂടുതലാണ്.

ബേക്കിംഗ് ചെയ്യരുത്

അലുമിനിയം ഫോയിലിൽ എളുപ്പം ചൂട് ആഗിരണം ചെയ്യുന്നു. അതിനാൽ തന്നെ ബേക്കിംഗ് ചെയ്യുമ്പോൾ ഇത് ഉപയോഗിക്കാൻ പാടില്ല.

മൈക്രോവേവ് ചെയ്യരുത്

അലുമിനിയം ഫോയിൽ ഒരിക്കലും മൈക്രോവേവ് ചെയ്യാൻ പാടില്ല. അമിതമായി ചൂടേൽക്കുമ്പോൾ ഇതിൽ സ്പാർക്ക് ഉണ്ടാവാനും ഭക്ഷണവും ഉപകരണവും കേടുവരാനും കാരണമാകുന്നു.

അമിതമായ ചൂട്

അലുമിനിയം ഫോയിൽ ഉപയോഗിച്ച് അമിതമായ ചൂടിൽ ഭക്ഷണ സാധനങ്ങൾ ചൂടാക്കാൻ പാടില്ല. ഇത് ഭക്ഷണം കേടുവരാൻ കാരണമാകുന്നു. ഇത്തരം ഭക്ഷണങ്ങൾ കഴിക്കുന്നത് ആരോഗ്യത്തിനും നല്ലതല്ല.