ശമ്പളം മുഴുവൻ ഭക്ഷണത്തിന് ചെലവാകുന്നോ? പണം ലാഭിക്കാൻ ഈ ടിപ്സുകൾ പരീക്ഷിക്കൂ

കിട്ടുന്ന ശമ്പളത്തിന്റെ വലിയൊരു ഭാഗവും ഭക്ഷണത്തിനായി ചിലവാകുന്നു എന്നത് പലരുടെയും പരാതിയാണ്. നിങ്ങൾക്കും ഇതേ പ്രശ്നമുണ്ടോ? എങ്കിൽ പാചകത്തിലും സാധനങ്ങൾ വാങ്ങുന്ന രീതിയിലും ചില മാറ്റങ്ങൾ വരുത്തിയാൽ മതി. 

കൃത്യമായ പ്ലാനിംഗ്

പാചകം ചെയ്യുന്നതിന് മുമ്പ് കൃത്യമായ പ്ലാനിംഗ് വേണം. ഷോപ്പിംഗിന് പോകുന്നതിന് മുൻപ് ഒരു ലിസ്റ്റ് തയ്യാറാക്കുന്നത് വളരെ നല്ലതാണ്. ആവശ്യമുള്ള സാധനങ്ങൾ ഒരു നോട്ട്ബുക്കിൽ കുറിച്ചുവെക്കാം. ഇത് അനാവശ്യമായി സാധനങ്ങൾ വാങ്ങി പണം കളയുന്നത് ഒഴിവാക്കാൻ സഹായിക്കും. ആവശ്യമുള്ളത് മാത്രം വാങ്ങാൻ എപ്പോഴും ശ്രദ്ധിക്കുക.

വലിയ ബില്ല് ഒഴിവാക്കാം

വലിയ ബില്ല് ഒഴിവാക്കാൻ സീസണലായി ലഭിക്കുന്ന പഴങ്ങളിലും പച്ചക്കറികളിലും ശ്രദ്ധ കേന്ദ്രീകരിക്കുക. അതായത്, ഓരോ കാലത്തും സുലഭമായി കിട്ടുന്നവ തിരഞ്ഞെടുക്കുക. ഉദാഹരണത്തിന്, വേനൽക്കാലം മാമ്പഴത്തിന്റെ സീസണാണ്. ഈ സമയത്ത് മാതളമോ മറ്റ് ഫലങ്ങളോ വാങ്ങുന്നതിന് പകരം മാമ്പഴം വാങ്ങാം. ഇത് പണം ലാഭിക്കാൻ സഹായിക്കും.

സാധനങ്ങൾ ഒരുമിച്ച് വാങ്ങാം

ദിവസവും പലചരക്ക് സാധനങ്ങൾ വാങ്ങുന്നതിന് പകരം, ഒന്നിച്ചായി വാങ്ങുന്നത് നല്ലതാണ്. ഒരാഴ്ചത്തേക്ക് ആവശ്യമായ സാധനങ്ങൾ ഒരുമിച്ച് വാങ്ങുക. ഇത് നിങ്ങളുടെ പ്ലാനിംഗ് മെച്ചപ്പെടുത്തുന്നതിനൊപ്പം ബജറ്റിനും ഗുണം ചെയ്യും. സാധനങ്ങൾ ബൾക്കായി വാങ്ങുന്നത് വഴി പണം ലാഭിക്കാം.

ആരോഗ്യത്തിനും ബജറ്റിനും ഗുണം

ഓൺലൈൻ ഗ്രോസറി ആപ്പുകളാണ് മികച്ചതെന്ന് നിങ്ങൾക്ക് തോന്നാം. എന്നാൽ പലപ്പോഴും പ്രാദേശിക പലചരക്ക് കടകളിൽ വില കുറവായിരിക്കും. മാത്രമല്ല, ഇവിടങ്ങളിൽ നിന്ന് ലഭിക്കുന്ന സാധനങ്ങൾ കൂടുതൽ ഫ്രഷും ആയിരിക്കും. ഇത് നിങ്ങളുടെ ആരോഗ്യത്തിനും ബജറ്റിനും ഒരുപോലെ ഗുണകരമാണ്.

വീട്ടിൽ തന്നെ പാചകം ചെയ്യാം

സാധനങ്ങൾ വാങ്ങുന്നതിനൊപ്പം അവ ശരിയായി ഉപയോഗിക്കാനും പഠിക്കണം. പുറത്തുനിന്ന് ഭക്ഷണം കഴിക്കാൻ തോന്നുമ്പോഴെല്ലാം, ഓർഡർ ചെയ്യുന്നതിന് പകരം വീട്ടിൽ തന്നെ പാചകം ചെയ്യാൻ ശ്രമിക്കുക. ഇത് നിങ്ങളുടെ ആരോഗ്യത്തിനും ബജറ്റിനും ഒരുപോലെ നല്ലതാണ്.

ടെൻഷൻ ഒഴിവാക്കാം

ദിവസവും മൂന്നുനേരം ഭക്ഷണം പാകം ചെയ്യാൻ സമയം കിട്ടുന്നില്ലെങ്കിൽ, 'ബാച്ച് കുക്കിംഗ്' ഒരു മികച്ച വഴിയാണ്. ഇത് നിങ്ങളുടെ സമയം ലാഭിക്കുകയും മാനസിക സമ്മർദ്ദം കുറയ്ക്കുകയും ചെയ്യും. ഒന്നിലധികം ദിവസത്തേക്ക് വേണ്ട ഭക്ഷണം ഒരുമിച്ച് പാകം ചെയ്യുന്നതിലൂടെ ദിവസവുമുള്ള പാചകത്തിന്റെ ടെൻഷൻ ഒഴിവാക്കാം.

ലളിതമായ പാചകക്കുറിപ്പുകൾ

വില കുറഞ്ഞതും എന്നാൽ ആരോഗ്യകരവുമായ ഭക്ഷണങ്ങൾ തിരഞ്ഞെടുക്കുക, മിച്ചം വരുന്ന ഭക്ഷണം വീണ്ടും ഉപയോഗിക്കുക, ലളിതമായ പാചകക്കുറിപ്പുകൾ പരീക്ഷിക്കുക തുടങ്ങിയ ശീലങ്ങളും പണം ലാഭിക്കാൻ സഹായിക്കും. ഈ നുറുങ്ങുകൾ പിന്തുടരുന്നതിലൂടെ, നിങ്ങൾക്ക് പണം ലാഭിക്കാൻ മാത്രമല്ല, ആരോഗ്യകരമായ ഒരു ജീവിതശൈലി നിലനിർത്താനും സാധിക്കും.