ഒരാൾ ജീവിതത്തിൽ എത്ര തവണ പ്രണയിക്കും? തീവ്രമായി പ്രണയിക്കുന്നത് വെറും രണ്ട് തവണ മാത്രമെന്ന് പഠനം പറയുന്നു

ശരാശരി രണ്ട് തവണ മാത്രമാണ് ആളുകൾ തീവ്രമായി പ്രണയത്തിലാകുന്നതെന്ന് പഠനം പറയുന്നു. 18-നും 99-നും ഇടയിൽ പ്രായമുള്ള 10,036 അമേരിക്കക്കാരിലാണ് സർവേ നടത്തിയത്. 30% പേർ രണ്ട് തവണയും 14% പേർ ഒരിക്കലും പ്രണയിച്ചിട്ടില്ലെന്നാണ് കണക്കുകൾ.

Image Credit : Getty

പ്രണയത്തെക്കുറിച്ച് പഠനം പറയുന്നത്

ആളുകൾ എപ്പോഴും പ്രണയത്തെക്കുറിച്ച് സംസാരിക്കുമെങ്കിലും, തീവ്രമായ പ്രണയം മിക്കവർക്കും ഒന്നോ രണ്ടോ തവണ മാത്രമേ സംഭവിക്കൂ എന്ന് പഠനങ്ങൾ പറയുന്നു.

Image Credit : Getty

പ്രായമായവരിലും തീവ്ര പ്രണയമുണ്ട്

സ്വവർഗാനുരാഗികൾ, ഭിന്നലിംഗക്കാർ, ബൈസെക്ഷ്വൽ ആളുകൾ എന്നിവർക്കിടയിൽ പ്രണയാനുഭവങ്ങളിൽ കാര്യമായ വ്യത്യാസമില്ല. ചെറുപ്പക്കാരേക്കാൾ പ്രായമായവർ അല്പം കൂടുതൽ പ്രണയാനുഭവങ്ങൾ റിപ്പോർട്ട് ചെയ്തിട്ടുണ്ട്. ഇത് പ്രായം കൂടുന്നത് കൊണ്ട് പ്രണയം ഇല്ലാതാകുന്നില്ലെന്ന് വ്യക്തമാക്കുന്നു.

Image Credit : Getty

തീവ്ര പ്രണയവും സൗഹൃദ പ്രണയവും

ബന്ധങ്ങളിൽ നിരന്തരമായ ആവേശം നിലനിർത്താൻ പലരും സമ്മർദ്ദം അനുഭവിക്കുന്നു. എന്നാൽ തീവ്രമായ പ്രണയം പലപ്പോഴും കുറച്ചുകാലമേ നീണ്ടുനിൽക്കൂ. ജീവിത സാഹചര്യങ്ങൾ മാറുമ്പോൾ, ഉത്തരവാദിത്തങ്ങൾ കൂടുമ്പോൾ ഈ വികാരങ്ങൾക്ക് മാറ്റം വരും. വിശ്വാസം, ആശ്വാസം, തമാശകൾ, ദൈനംദിന പിന്തുണ എന്നിവയിൽ കെട്ടിപ്പടുക്കുന്ന സൗഹൃദപരമായ പ്രണയമാണ് (companionate love) ദീർഘകാലം നിലനിൽക്കുന്നത്. ഇതാണ് ബന്ധങ്ങളെ ശക്തമാക്കുന്നതെന്നും വിദഗ്ദ്ധർ പറയുന്നു.

Image Credit : Getty

ഡേറ്റിംഗ് ആപ്പുകളും സോഷ്യൽ മീഡിയയും

ഡേറ്റിംഗ് ആപ്പുകളുടെയും സോഷ്യൽ മീഡിയയുടെയും ഈ കാലത്ത് പ്രണയത്തെക്കുറിച്ചുള്ള പ്രതീക്ഷകൾ വളരെ കൂടുതലാണ്. മറ്റുള്ളവരുടെ പ്രണയത്തിലെ ആഘോഷങ്ങളും മികച്ച നിമിഷങ്ങളും കാണുമ്പോൾ സ്വന്തം ജീവിതം നിരാശാജനകമായി തോന്നാം. തീവ്രമായ പ്രണയം വളരെ അപൂർവമാണെന്ന് ഈ കണ്ടെത്തലുകൾ ഓർമ്മിപ്പിക്കുന്നു.

Image Credit : Getty

ദീർഘകാല പ്രണയമല്ല

ഈ കണ്ടെത്തലുകൾ ഇന്ത്യയുൾപ്പെടെയുള്ള മറ്റ് രാജ്യങ്ങളിലെ ഡേറ്റിംഗ് സംസ്കാരവുമായും ബന്ധപ്പെട്ടിരിക്കുന്നു. കുടുംബങ്ങൾ വഴി പങ്കാളിയെ കണ്ടെത്തിയാലും, ബംബിൾ (Bumble) പോലുള്ള ഡേറ്റിംഗ് ആപ്പുകൾ വഴി പരിചയപ്പെട്ടാലും, ആദ്യകാഴ്ചയിലെ തീവ്രമായ ആകർഷണം എല്ലായ്പ്പോഴും ദീർഘകാല പ്രണയമായി മാറണമെന്നില്ല.

Image Credit : Getty

ഇതാണ് സത്യം

തീവ്രമായ ആവേശത്തിന് പിന്നാലെ പോകുന്നതിന് പകരം വിശ്വാസം, സൗഹൃദം, ഒരേ മൂല്യങ്ങൾ എന്നിവയിൽ അധിഷ്ഠിതമായ ബന്ധങ്ങൾ കെട്ടിപ്പടുക്കാനാണ് വിദഗ്ദ്ധർ നിർദ്ദേശിക്കുന്നത്. ശരാശരി, ആളുകൾ ജീവിതത്തിൽ ഏകദേശം രണ്ട് തവണ തീവ്രമായി പ്രണയത്തിലാകുന്നു. എന്നാൽ ദീർഘകാലത്തേക്ക് ആ പ്രണയം നിലനിർത്തുന്നതിനാണ് കൂടുതൽ പ്രാധാന്യം.