' കുരുക്കഴിച്ച്, ശ്വാസം വിട്ട് കൊച്ചി '; സന്തോഷ സമയമെന്ന് പൊതുമരാമത്ത് മന്ത്രി ജി സുധാകരന്
First Published Jan 9, 2021, 4:00 PM ISTഅടുത്തകാലത്തായി കേരളമേറെ കേട്ടത് കൊച്ചിയിലെ പാലങ്ങളെക്കുറിച്ചാണ്. പണിയുന്നു പൊളിക്കുന്നു. വീണ്ടും പണിയുന്നു. പണിത ചിലത് നാട്ടുകാര് കേറി തുറക്കുന്നു. കേസ്, അറസ്റ്റ്, ജയില്, ട്രോള്... ആകെ ബഹളം. ദേ, എല്ലാറ്റിനും പുറകേ രണ്ട് പാലങ്ങള് ഒരുമിച്ച് ഉദ്ഘാടനം ചെയ്ത് സംസ്ഥാന സര്ക്കാരും. ജനസംഖ്യാ വര്ദ്ധനവും വാഹനപ്പെരുപ്പവും കൊച്ചിയെ വീര്പ്പ് മുട്ടിക്കാന് തുടങ്ങിയിട്ട് കാലമേറെയായി. അതിനനുപാതികമായി അടിസ്ഥാന സൌകര്യ വികസനത്തിന് പക്ഷേ മാറി വന്ന സര്ക്കാറുകള്ക്ക് കഴിഞ്ഞില്ല. ഒടുവില് തെക്കന് എറണാകുളത്തിന് ആശ്വാസമായി രണ്ട് പാലങ്ങള് ഇന്ന് ഉദ്ഘാടനം ചെയ്തു. വൈറ്റില മേല്പ്പാലവും കുണ്ടന്നൂര് മേല്പ്പാലവും. ഇന്ന് രാവിലെ ഒമ്പതരയ്ക്ക് വൈറ്റില മേല്പ്പാലവും 11 മണിക്ക് കുണ്ടന്നൂര് മേല്പ്പാലവുമാണ് ഓണ്ലൈനായി മുഖ്യമന്ത്രി പിണറായി വിജയന് ഉദ്ഘാടനം ചെയ്തത്. പലാരിവട്ടം മേല്പ്പാലത്തിന്റെ ചിത്രങ്ങള് പകര്ത്തിയത് ഏഷ്യാനെറ്റ് ന്യൂസ് ക്യാമറാമാന് ഷെഫീഖ് മുഹമ്മദ്, കുണ്ടന്നൂര്പാലത്തിന്റെ ചിത്രങ്ങള് പകര്ത്തിയത് ഏഷ്യാനെറ്റ് ന്യൂസ് ക്യാമറാമാന് ബൈജു വി മാത്യു.