സ്നേഹയുടെ സ്കൂള്‍ താന്‍ തന്നെ പോയി നന്നാക്കുമെന്ന് മന്ത്രി തോമസ് ഐസക്
First Published Jan 15, 2021, 3:35 PM ISTജീര്‍ണ്ണാവസ്ഥയിലുള്ള കുഴല്‍മന്ദം ജിഎച്ച് സ്കൂള്‍ താന്‍ നേരിട്ട് പോയി നന്നാക്കുമെന്ന് ധനമന്ത്രി തോമസ് ഐസക്. 2020-21 വര്‍ഷത്തെ കേരളത്തിന്‍റെ ബജറ്റ് അവതരണത്തിന് മുമ്പ് തോമസ് ഐസക് പാലക്കാട് കുഴല്‍മന്ദം ജിഎച്ച്എസിലെ ഏട്ടാം ക്ലാസ് വിദ്യാര്‍ത്ഥിനി സ്നേഹ കണ്ണന്‍റെ കവിത ചൊല്ലിക്കൊണ്ടായിരുന്നു ആരംഭിച്ചത്. ബജറ്റവതരണം കഴിഞ്ഞ് മാധ്യമപ്രവര്‍ത്തകരെ കണ്ടപ്പോള്‍. സ്നേഹയുടെ സ്കൂളിന്‍റെ അവസ്ഥയെ കുറിച്ച് മാധ്യമപ്രവര്‍ത്തകര്‍ മന്ത്രിയെ അറിയിച്ചു. അപ്പോളാണ് താന്‍ തന്നെ നേരിട്ട് പോയി സ്നേഹയുടെ സ്കൂള്‍ നന്നാക്കുമെന്ന് ധനകാര്യമന്ത്രി അറിയിച്ചത്. സ്നേഹ കണ്ണന്‍ പഠിക്കുന്ന ജി എച്ച് എസ് കുഴല്‍മന്ദം സ്കൂളിന്‍റെ ചിത്രങ്ങള്‍ പകര്‍ത്തിയത് ഏഷ്യാനെറ്റ് ക്യാമറാമാന്‍ ഷിജു അലക്സ്. റിപ്പോര്‍ട്ടര്‍ അഞ്ജു രാജ്.
ബജറ്റവതരണത്തില്‍ ഇടം നേടിയ സ്നേഹ കണ്ണന്‍ പഠിക്കുന്ന ജി എച്ച് എസ് കുഴല്‍മന്ദം സ്കൂളിന്‍റെ അവസ്ഥ.
സ്നേഹയുടെ സ്കൂളിനെ കുറിച്ചറിഞ്ഞ ധനമന്ത്രി തോമസ് ഐസകിന്‍റെ പ്രതികരണം.