സാംസങ്ങിന്റെ ഞെട്ടിക്കുന്ന പ്രഖ്യാപനം! ഈ ജനപ്രിയ മോഡൽ ഫോണിന് ഇനി സോഫ്റ്റ്‌വെയർ അപ്ഡേറ്റുകൾ ലഭിക്കില്ല

സാംസങ് ഗാലക്‌സി എസ് 21 സീരീസ് ഫോണുകൾക്കുള്ള സോഫ്റ്റ്‌വെയർ അപ്‌ഡേറ്റുകൾ ഔദ്യോഗികമായി അവസാനിപ്പിച്ചു. സുരക്ഷാ കാരണങ്ങളാൽ ഉപയോക്താക്കൾ പുതിയ ഫോണിലേക്ക് മാറാൻ കമ്പനി പരോക്ഷമായി നിർദ്ദേശിക്കുന്നുണ്ട്.

ജനപ്രിയമായ പ്രീമിയം സ്മാർട്ട്ഫോൺ

സാംസങ് തങ്ങളുടെ ജനപ്രിയ പ്രീമിയം സ്മാർട്ട്ഫോൺ സീരീസുകളിലൊന്നിന്റെ സോഫ്റ്റ്‌വെയർ പിന്തുണ ഔദ്യോഗികമായി അവസാനിപ്പിച്ചു. 2021-ൽ ആൻഡ്രോയിഡ് 11-നൊപ്പം പുറത്തിറങ്ങിയ 'ഗാലക്‌സി എസ് 21 സീരീസ്' സ്മാർട്ട്‌ഫോണുകൾക്ക് ഇനി സോഫ്റ്റ്‌വെയർ അപ്‌ഡേറ്റുകളോ സുരക്ഷാ പാച്ചുകളോ ലഭിക്കില്ലെന്ന് കമ്പനി അറിയിച്ചു. ഈ തീരുമാനം സാംസങ് ഉപയോക്താക്കൾക്കിടയിൽ വലിയ ഞെട്ടലുണ്ടാക്കിയിട്ടുണ്ട്.  

ഔദ്യോഗിക അറിയിപ്പ്

സാംസങ് അതിന്റെ ത്രൈമാസ അപ്‌ഡേറ്റ് ലിസ്റ്റിൽ നിന്ന് ഗാലക്‌സി എസ് 21 സീരീസിനെ നീക്കം ചെയ്തു. പിന്തുണ പൂർണ്ണമായും പിൻവലിച്ചതിനാൽ, ഈ ഫോണുകൾക്ക് പുതിയ ഓപ്പറേറ്റിംഗ് സിസ്റ്റം അപ്‌ഡേറ്റുകൾ ഇനി ലഭിക്കില്ല. ഇത് ഔദ്യോഗിക സോഫ്റ്റ്‌വെയർ പിന്തുണയുടെ അവസാനമാണ് സൂചിപ്പിക്കുന്നത്.

സുരക്ഷാ വീഴ്ചകൾക്ക് സാധ്യത

സോഫ്റ്റ്‌വെയർ, സുരക്ഷാ അപ്‌ഡേറ്റുകൾ നിർത്തലാക്കുന്നതോടെ, ഗാലക്‌സി എസ് 21 ഉപയോക്താക്കളുടെ ഫോണുകൾ സൈബർ ആക്രമണങ്ങൾക്ക് ഇരയാകാനുള്ള സാധ്യത കൂടുതലാണ്. ഹാക്കർമാരിൽ നിന്ന് വ്യക്തിഗത വിവരങ്ങൾ സംരക്ഷിക്കുന്നത് ബുദ്ധിമുട്ടായേക്കാം. ബാങ്കിംഗ് ഇടപാടുകൾ നടത്തുന്നവരെ ഇത് പ്രതികൂലമായി ബാധിച്ചേക്കാൻ സാധ്യത കൂടുതലാണ്.

ഉപയോക്താക്കൾ എന്തുചെയ്യണം?

സുരക്ഷാ ഭീഷണികൾ ഒഴിവാക്കാൻ, ഉപയോക്താക്കൾ പുതിയ സ്മാർട്ട്‌ഫോണുകളിലേക്ക് മാറുന്നതാണ് നല്ലതെന്ന് സാംസങ് പരോക്ഷമായി നിർദ്ദേശിക്കുന്നു. പുതിയ ഫ്ലാഗ്ഷിപ്പ് ഫോണുകൾക്ക് 7 വർഷം വരെ സുരക്ഷാ അപ്‌ഡേറ്റുകൾ നൽകുന്നുണ്ട്. അതിനാൽ, പഴയ മോഡലിൽ തുടരുന്നതിനേക്കാൾ പുതിയതിലേക്ക് മാറുന്നത് സുരക്ഷിതമാണ്.

ഉടൻ വരുന്നു ഗാലക്‌സി S26

ഉപയോക്താക്കൾക്ക് അപ്‌ഗ്രേഡ് ചെയ്യുന്നതിനായി, സാംസങ് അടുത്ത തലമുറ 'ഗാലക്‌സി എസ് 26 സീരീസ്' സ്മാർട്ട്‌ഫോണുകൾ ഈ മാസം അവസാനം അവതരിപ്പിക്കുമെന്ന് പ്രതീക്ഷിക്കുന്നു. ഇതിനായുള്ള 'ഗാലക്‌സി അൺപാക്ക്ഡ്' ഇവന്റ് ഫെബ്രുവരി അവസാനത്തോടെ നടന്നേക്കാം. അല്ലെങ്കിൽ, ഗാലക്‌സി എസ് 25 സീരീസ് വാങ്ങുന്നതും നല്ലൊരു ഓപ്ഷനാണ്.