തിരികെ ബ്രിട്ടനിലെത്തണം; വിചാരണയ്ക്കും തയ്യാറെന്ന് മുന് ഐഎസ് വധു ഷമീമ ബീഗം
First Published Nov 22, 2021, 4:15 PM IST2015 ല്, 15 വയസ്സുള്ള സ്കൂള് വിദ്യാര്ത്ഥിനിയായിരിക്കെ ഇംഗ്ലണ്ടിലെ ഈസ്റ്റ് ലണ്ടനിലെ വസതിയില് നിന്ന് ഐഎസ്ഐഎസ് ആശയങ്ങളില് ആകൃഷ്ടയായി സിറിയയിലേക്ക് പോയതായിരുന്നു ഷമീമ. ഐസ്ഐസ് കാലയളവിന് ശേഷം, അതായത് ആറ് വര്ഷങ്ങള്ക്ക് ശേഷം പിറന്ന രാജ്യത്തേക്ക് തിരികെയെത്താനുള്ള തയ്യാറെടുപ്പിലാണ് ഷമീമ. അതിനായി ബ്രിട്ടനില് വിചാരണ നേരിടാനും തയ്യാറാണെന്ന് ഷമീമ അറിയിച്ചു. എന്നാല്, ഇന്ന് 22 വയസ്സുള്ള ഷമീമ താന്, തീവ്രവാദ ഗ്രൂപ്പിൽ ചേരാൻ സിറിയയിലേക്ക് പലായനം ചെയ്തപ്പോൾ ഒരിക്കല് പോലും മാതൃരാജ്യമായ ബ്രിട്ടനെ വെറുത്തിരുന്നില്ലന്നും ആണയിടുന്നു. കോടതിയിൽ തനിക്കെതിരെയുള്ള ആരോപണങ്ങൾക്കെതിരെ പോരാടുമെന്നും ബ്രിട്ടനിലേക്ക് തിരികെ പ്രവേശിക്കുന്നതിനായി കാത്തിരിക്കുകയാണെന്നും ഷമീമ ബീഗം പറയുന്നു.