Monkey Buffet Festival: രണ്ട് ടണ്‍ ഭക്ഷണം കൊണ്ട് തായ്‍ലന്‍ഡിലൊരു കുരങ്ങൂട്ട്

1980-കളുടെ അവസാനം മുതൽ തായ്‍ലാന്‍ഡിലെ ലോപ്ബുരി പ്രവിശ്യയുടെ തലസ്ഥാനമായ ലോപ്ബുരിയിലെ 800 വർഷം പഴക്കമുള്ള പ്ര പ്രാംഗ് സം യോദ് ക്ഷേത്രത്തില്‍ (Pra Prang Sam Yod temple) കുരങ്ങൂട്ട് നടത്തുന്നു. നഗരത്തിലെ ഏതാണ്ട് ആയിരത്തോളം കുരങ്ങുകള്‍ക്ക് വേണ്ടിയാണ് ഭക്ഷ്യമേള സംഘടിപ്പിച്ചത്. ഉത്സവത്തിനെത്തി ചേര്‍ന്ന കുരുങ്ങുകള്‍ക്ക് തെക്കുകിഴക്കൻ ഏഷ്യയിലുടനീളം പ്രചാരത്തിലുള്ള ഉഷ്ണമേഖലാ പഴമായ ദുരിയാനോട് (durian) പ്രത്യേക താത്പര്യമുണ്ടെന്ന് സംഘാടകൻ യോങ്യുത് കിത്വാനനുസോണ്ട് പറയുന്നു.   

കഴിഞ്ഞ വര്‍ഷം കൊവിഡ് വ്യാപനമായിരുന്നതിനാല്‍ ഉത്സവത്തിന് ആളുകള്‍ വളരെ കുറവായിരുന്നു. എന്നാല്‍ ഇത്തവണ കൂടുതല്‍ കാണികളെത്തി ചേര്‍ന്നു 

നൂറിലേറെ പേര്‍ കുരങ്ങൂട്ട് കാണാനെത്തിയിരുന്നു. വിദേശ സഞ്ചാരികളും ഇക്കൂട്ടത്തിലുണ്ടായിരുന്നു. കാഴ്ചക്കാരോട് തട്ടിക്കയറാനും, തൊപ്പി മോഷ്ടിക്കാനും, നീളമുള്ള മുടി ചവയ്ക്കാനും, ഇടയ്ക്കിടെ കടി കൊടുക്കാനും, കവിളുള്ള കുരങ്ങന്മാർക്ക് താൽപ്പര്യമുണ്ടായിരുന്നു. 

പല തായ് ആളുകളും കുരങ്ങുകളെ ഭാഗ്യത്തിന്‍റെയും സമൃദ്ധിയുടെയും പ്രതീകമായി കാണുന്നു. പരമ്പരാഗതമായി, മങ്കി ബുഫെ ഫെസ്റ്റിവൽ ആരംഭിക്കുന്നത് മനുഷ്യർ കുരങ്ങന്മാരുടെ വേഷം ധരിച്ച് നൃത്തം ചെയ്യുന്ന ഉദ്ഘാടന ചടങ്ങോടെയാണ്. 

തുടർന്ന് ഭക്ഷണസാധനങ്ങൾ തുറന്ന് വയ്ക്കും. അതില്‍ ചീരയിലയും പൈനാപ്പിൾ കഷണങ്ങളും മുതൽ തണ്ണിമത്തൻ വരെയുള്ള ഫലമൂലാധികളുണ്ടാകും. 

ഇത്തവണ, ചില കുരങ്ങുകൾ പ്ലാസ്റ്റിക്ക് കുപ്പികളില്‍ നിന്ന വെള്ളവും ജ്യൂസും കുടിക്കുന്നതും കാണാമായിരുന്നെന്ന് സഞ്ചാരികളും പറയുന്നു. 

തായ്‍ലന്‍റിലെ മങ്കി ബുഫെ ഫെസ്റ്റിവലിൽ ഓരോ വർഷവും രണ്ട് ടൺ ഭക്ഷണമാണ് കുരങ്ങുകൾ കഴിക്കുന്നത്. കുഞ്ഞുക്കുട്ടി മുതല്‍ പ്രായമുള്ള കുരങ്ങുകള്‍ വരെ തങ്ങളുടെ പങ്കെടുക്കാനായി ഈ ദിവസം കൃത്യമായി ക്ഷേത്രത്തിലെത്തുന്നു.