Health Tips : ഭക്ഷണത്തിന് ശേഷം 10 മിനിറ്റ് നേരം നടത്തം ശീലമാക്കൂ, ​​ആരോ​ഗ്യഗുണങ്ങൾ അറിയാം

പ്രഭാതഭക്ഷണം, ഉച്ചഭക്ഷണം, അത്താഴം അല്ലെങ്കിൽ ലഘുഭക്ഷണം എന്നിവയ്ക്ക് ശേഷം 10 മിനിറ്റ് നടക്കുന്നത് രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാൻ സഹായിക്കുമെന്ന് ലെെഫ് സ്റ്റെെൽ കോച്ച് ലൂക്ക് കൗട്ടീഞ്ഞോ പറയുന്നു. walking after food 

ദിവസവും നടക്കുന്നത് നിരവധി രോ​ഗങ്ങളെയാണ് അകറ്റി നിർത്തുന്നത്. ഭക്ഷണത്തിന് ശേഷം 10 മിനിറ്റ് നടത്തം ശീലമാക്കുന്നത് മൊത്തത്തിലുള്ള ആരോ​ഗ്യത്തിന് ഫലപ്രദമാണെന്ന് പഠനങ്ങൾ പറയുന്നു. പ്രഭാതഭക്ഷണം, ഉച്ചഭക്ഷണം, അത്താഴം അല്ലെങ്കിൽ ലഘുഭക്ഷണം എന്നിവയ്ക്ക് ശേഷം 10 മിനിറ്റ് നടക്കുന്നത് രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാൻ സഹായിക്കുമെന്ന് ലെെഫ് സ്റ്റെെൽ കോച്ച് ലൂക്ക് കൗട്ടീഞ്ഞോ പറയുന്നു.

നേരിയ പ്രവർത്തനം പേശികളെ രക്തപ്രവാഹത്തിൽ നിന്ന് ഗ്ലൂക്കോസ് ആഗിരണം ചെയ്യാൻ പ്രാപ്തമാക്കുന്നു. ബ്ലഡ് ഷു​ഗർ കൂടാതെ നോക്കുകയും ആരോഗ്യകരമായ ഇൻസുലിൻ പ്രതികരണത്തെ പിന്തുണയ്ക്കുകയും ചെയ്യുന്നു. കാലക്രമേണ, ഇത് ടൈപ്പ് 2 പ്രമേഹം പോലുള്ള ഉപാപചയ അവസ്ഥകളുടെ സാധ്യത കുറയ്ക്കും.

ആരോഗ്യകരമായ ഭാരം നിലനിർത്തുന്നതിനപ്പുറം ഉപാപചയ ആരോഗ്യം പ്രധാനമാണ് എന്ന് അദ്ദേഹം കൂട്ടിച്ചേർക്കുന്നു. ഇത് ഹോർമോണുകൾ, പേശികളുടെ അളവ്, ചർമ്മത്തിന്റെയും മുടിയുടെയും ആരോഗ്യം, മൊത്തത്തിലുള്ള ഊർജ്ജ നില എന്നിവയെ സ്വാധീനിക്കുന്നു. ഭക്ഷണത്തിനു ശേഷമുള്ള നടത്തം രക്തചംക്രമണം മെച്ചപ്പെടുത്തുന്നു.

രക്തത്തിലെ പഞ്ചസാര നിയന്ത്രിക്കുന്നതിനൊപ്പം നടത്തം ദഹനത്തെ പ്രോത്സാഹിപ്പിക്കുന്നു. ഈ ചലനം കുടൽ സങ്കോചങ്ങളെ ഉത്തേജിപ്പിക്കുകയും, ദഹനനാളത്തിലൂടെ ഭക്ഷണം കാര്യക്ഷമമായി നീങ്ങാൻ സഹായിക്കുകയും, ഭക്ഷണത്തിനു ശേഷമുള്ള വയറു വീർക്കലോ അസ്വസ്ഥതയോ കുറയ്ക്കുകയും ചെയ്യുന്നു. വ്യായാമക്കുറവ് ദഹനത്തെ മന്ദഗതിയിലാക്കുകയും ആസിഡ് റിഫ്ലക്സ് കൂടുതൽ വഷളാക്കുകയും ചെയ്യുന്നു.

ഭക്ഷണത്തിനു ശേഷം ചെറിയ രീതിയിലുള്ള നടത്തം ശരീരഭാരം നിയന്ത്രിക്കുന്നതിനുള്ള ഒരു പ്രധാന വഴിയാണ്. പതിവ് ഭക്ഷണത്തിനു ശേഷമുള്ള നടത്തം, ദിവസം മുഴുവൻ കലോറി എളുപ്പത്തിൽ കത്തിച്ച് കളയാൻ സഹായിക്കുന്നു.