Male Infertility : ഇലക്‌ട്രോണിക് ഉപകരണങ്ങളുടെ അമിതോപയോഗം പുരുഷന്മാരുടെ പ്രത്യുത്പാദന ശേഷിയെ ബാധിക്കുമോ?

പുരുഷ വന്ധ്യതയുടെ ഉയർന്ന നിരക്കിന് പിന്നിലെ കാരണങ്ങൾ മനസിലാക്കുകയും ആ അടിസ്ഥാന കാരണങ്ങളെ ചികിത്സിക്കുകയും ചെയ്യേണ്ടത് കാലഘട്ടത്തിന്റെ ആവശ്യമാണ്. മൊബൈൽ ഫോണുകൾ, ലാപ്‌ടോപ്പുകൾ, കമ്പ്യൂട്ടറുകൾ, മൈക്രോവേവ് ഓവനുകൾ, ടെലിവിഷനുകൾ, വൈഫൈ, ഫോൺ ടവറുകൾ എന്നിവയിൽ നിന്നുള്ള വികിരണം പുറന്തള്ളുന്നത് വൃഷണങ്ങളെ ബാധിക്കുന്നു. 

പുരുഷന്മാർക്കിടയിൽ വന്ധ്യത പ്രശ്നം കൂടി വരികയാണ്. ബീജവുമായി ബന്ധപ്പെട്ട പ്രശ്​നങ്ങളാണ്​ പുരുഷ വന്ധ്യതക്കിടയാക്കുന്ന നിർണായക ഘടകം. ഇതിന്​ പല കാരണങ്ങളുണ്ട്​. വൃഷണത്തിലെ അണുബാധ, വൃഷണ കാൻസർ, വൃഷണത്തിന്​ അമിതമായി ചൂടേൽക്കുക തുടങ്ങി നിരവധി ഘടകങ്ങൾ ബീജവുമായി ബന്ധപ്പെട്ട പ്രശ്​നങ്ങൾക്കിടയാക്കുന്നുണ്ട്.

മൊബൈൽ ഫോണുകൾ, ലാപ്‌ടോപ്പുകൾ അല്ലെങ്കിൽ മറ്റ് ഇലക്ട്രോണിക് ഉപകരണങ്ങൾ പുരുഷന്മാരിൽ വന്ധ്യതയ്ക്ക് കാരണമാകുമോ എന്ന് കണ്ടെത്താനുള്ള പഠനങ്ങൾ നടന്ന് വരികയാണ്. മൊബൈൽ ഫോൺ ഉപയോഗമോ വൈദ്യുതകാന്തിക വികിരണമോ ബീജ ചലനത്തെ പ്രതികൂലമായി ബാധിക്കുമെന്ന് മിക്ക പഠനങ്ങളും ചൂണ്ടിക്കാട്ടുന്നു. 

ബീജത്തിന്റെ ചലനശേഷിയെയാണ് ബീജത്തിന്റെ ‘മോട്ടിലിറ്റി’ സൂചിപ്പിക്കുന്നത്. ബീജത്തിന്റെ ചലനശേഷി കുറവാണെങ്കിൽ ഇത് വന്ധ്യതയിലേക്ക് നയിക്കുന്നു. ഇന്ത്യയിൽ 23 ശതമാനം പുരുഷന്മാരും വന്ധ്യത പ്രശ്നം അനുഭവിക്കുന്നതായി ഏഷ്യൻ ജേണൽ ഓഫ് ഫാർമസ്യൂട്ടിക്കൽ ആൻഡ് ക്ലിനിക്കൽ റിസർച്ചിൽ പ്രസിദ്ധീകരിച്ച പഠനത്തിൽ പറയുന്നു. 

പുരുഷ വന്ധ്യതയുടെ ഉയർന്ന നിരക്കിന് പിന്നിലെ കാരണങ്ങൾ മനസിലാക്കുകയും ആ അടിസ്ഥാന കാരണങ്ങളെ ചികിത്സിക്കുകയും ചെയ്യേണ്ടത് കാലഘട്ടത്തിന്റെ ആവശ്യമാണ്. മൊബൈൽ ഫോണുകൾ, ലാപ്‌ടോപ്പുകൾ, കമ്പ്യൂട്ടറുകൾ, മൈക്രോവേവ് ഓവനുകൾ, ടെലിവിഷനുകൾ, വൈഫൈ, ഫോൺ ടവറുകൾ എന്നിവയിൽ നിന്നുള്ള വികിരണം പുറന്തള്ളുന്നത് വൃഷണങ്ങളെ ബാധിക്കുന്നു. ഇത് ബീജങ്ങളുടെ എണ്ണം, രൂപഘടന, ചലനശേഷി എന്നിവയെ ബാധിക്കാമെന്ന് നോയിഡയിലെ നോവ സൗത്ത് എന്റ് ഐവിഎഫ് ആന്റ് ഫെർട്ടിലിറ്റിയിലെ കൺസൾട്ടന്റ് ആന്റ് ഫെർട്ടിലിറ്റി സ്പെഷ്യലിസ്റ്റായ ഡോ പരുൾ ഗുപ്ത ഖന്ന പറയുന്നു.

പുരുഷന്മാരിൽ സെൽ ഫോൺ ഉപയോഗം അമിതമായാൽ ബീജത്തിന്റെ ആരോ​ഗ്യത്തെ ബാധിക്കാം; പഠനം

ബീജത്തിന്റെ ഗുണനിലവാരം സംരക്ഷിക്കാൻ പുരുഷന്മാർ സെൽഫോൺ ഉപയോഗം പരിമിതപ്പെടുത്തണമെന്ന് പഠനം.സെൽ ഫോണുകൾ പുറപ്പെടുവിക്കുന്ന റേഡിയോ ഫ്രീക്വൻസി വൈദ്യുതകാന്തിക തരംഗങ്ങൾ (ആർഎഫ്-ഇഎംഡബ്ല്യു) ബീജത്തിന്റെ ഗുണനിലവാരം കുറയ്‌ക്കുന്നതായി പഠനത്തിൽ കണ്ടെത്തി. 

പുരുഷന്മാരിൽ സെൽ ഫോൺ ഉപയോഗം അമിതമായാൽ ബീജത്തിന്റെ അളവ്, ചലനശേഷിയെ എന്നിവയെ ബാധിക്കാമെന്ന് കഴിഞ്ഞ നവംബറിൽ 'എൻവയോൺമെന്റൽ റിസർച്ചിൽ' (Environmental Research) പ്രസിദ്ധീകരിച്ച പഠനത്തിൽ പറയുന്നു.

'പുരുഷന്മാർ അവരുടെ ബീജത്തിന്റെ ഗുണനിലവാരം സംരക്ഷിക്കാൻ മൊബൈൽ ഫോൺ ഉപയോഗം കുറയ്ക്കാൻ ശ്രമിക്കണം...' - പുസാൻ നാഷണൽ യൂണിവേഴ്സിറ്റിയിലെ ഗവേഷകനും അസിസ്റ്റന്റ് പ്രൊഫസറുമായ യുൻ ഹാക്ക് കിം പറഞ്ഞു. സെൽ ഫോണുകൾ RF-EMW പുറന്തള്ളുന്നു. ഇത് മനുഷ്യ ശരീരത്തിന് ആഗിരണം ചെയ്യാൻ കഴിയും. ഇത് തലച്ചോറിലും ഹൃദയത്തിലും പ്രത്യുൽപാദന പ്രവർത്തനത്തിലും പ്രതികൂല പാർശ്വഫലങ്ങൾ ഉണ്ടാക്കുമെന്ന് മുൻ ഗവേഷണങ്ങൾ തെളിയിച്ചിട്ടുണ്ട്. 

സെൽ ഫോണുകളുടെയും ബീജത്തിന്റെ ഗുണനിലവാരത്തിന്റെയും ഫലങ്ങളെക്കുറിച്ച് നിരവധി പഠനങ്ങൾ നടന്നു വരുന്നു. ദക്ഷിണ കൊറിയൻ ഗവേഷകർ ഈ പഠനങ്ങളെ സമന്വയിപ്പിച്ച് ഒരു സമഗ്രമായ അവലോകനം നടത്തി. സെൽ ഫോണുകളിൽ നിന്നുള്ള EMW മനുഷ്യന്റെ ബീജത്തിന്റെ ഗുണനിലവാരത്തെ ബാധിക്കുന്നുവെന്ന് ​ഗവേഷകർ പറയുന്നു.