Health Tips: രാവിലെ ക്ഷീണമാണോ? ബ്രേക്ക്ഫാസ്റ്റില് ഉള്പ്പെടുത്താം ഈ ആറ് ഭക്ഷണങ്ങള്...
Synopsis
ഭക്ഷണത്തിലൂടെ കൃത്യമായ ഊര്ജം ലഭിച്ചില്ലെങ്കില് ക്ഷീണം തോന്നാം. ഭക്ഷണക്രമത്തില് ആവശ്യമുള്ള പോഷകങ്ങള് ഇല്ലാത്തതാണ് ഇത്തരം ക്ഷീണത്തിന് കാരണം. ഒരു ദിവസം മുഴുവന് ഉന്മേഷവും ഊര്ജ്ജവും നിലനിര്ത്തണമെങ്കില് പ്രഭാത ഭക്ഷണം നിര്ബന്ധമായും കഴിക്കണം. അതിനാല് പ്രഭാത ഭക്ഷണത്തിന് പ്രോട്ടീന് അടങ്ങിയ ഭക്ഷണങ്ങള് ഉള്പ്പെടുത്തുക.
രാവിലെ എഴുന്നേറ്റപ്പോള് മുതല് ക്ഷീണമാണോ? ജീവിതത്തില് ക്ഷീണം അനുഭവിക്കാത്തവരായി ആരുമുണ്ടാകില്ല. പല രോഗങ്ങളുടെയും പൊതുവായ ലക്ഷണമായി ക്ഷീണം കാണാറുണ്ട്. പല കാരണങ്ങള് കൊണ്ടും ഇത്തരത്തിലുള്ള ക്ഷീണം ഉണ്ടാകാം. രാവിലെയുള്ള ക്ഷീണം ചിലപ്പോള് ഉറക്കം ശരിയാകാത്തതു കൊണ്ടോ, അല്ലെങ്കില് രാത്രി നന്നായി ഭക്ഷണം കഴിക്കാത്തതു കൊണ്ടോ ആകാം.
ഭക്ഷണത്തിലൂടെ കൃത്യമായ ഊര്ജം ലഭിച്ചില്ലെങ്കില് ക്ഷീണം തോന്നാം. ഭക്ഷണക്രമത്തില് ആവശ്യമുള്ള പോഷകങ്ങള് ഇല്ലാത്തതാണ് ഇത്തരം ക്ഷീണത്തിന് കാരണം. ഒരു ദിവസം മുഴുവന് ഉന്മേഷവും ഊര്ജ്ജവും നിലനിര്ത്തണമെങ്കില് പ്രഭാത ഭക്ഷണം നിര്ബന്ധമായും കഴിക്കണം. അതിനാല് പ്രഭാത ഭക്ഷണത്തിന് പ്രോട്ടീന് അടങ്ങിയ ഭക്ഷണങ്ങള് ഉള്പ്പെടുത്തുക.
അത്തരത്തില് ക്ഷീണം അകറ്റാന് പ്രാതലിന് ഡയറ്റില് ഉള്പ്പെടുത്തേണ്ട ഭക്ഷണങ്ങള് എന്തൊക്കെയാണെന്ന് നോക്കാം.
ഒന്ന്...
മുട്ടയാണ് ആദ്യമായി ഈ പട്ടികയില് ഉള്പ്പെടുന്നത്. പ്രോട്ടീനുകളുടെ കലവറയാണ് മുട്ട. കൂടാതെ ആരോഗ്യകരമായ കൊഴുപ്പും ഇരുമ്പ്, കൊളീന്, വിറ്റാമിന് ഡി, വിറ്റാമിന് ബി-12 എന്നിവയും മുട്ടയില് അടങ്ങിയിട്ടുണ്ട്. അതിനാല് രാവിലെ മുട്ട കഴിക്കുന്നത് ഉന്മേഷവും ഊര്ജ്ജവും നിലനിര്ത്താന് സഹായിക്കും.
രണ്ട്...
നേന്ത്രപ്പഴം ആണ് രണ്ടാമതായി ഈ പട്ടികയില് ഉള്പ്പെടുന്നത്. പൊട്ടാസ്യം, പ്രോട്ടീന്, ഫൈബര് എന്നിവ അടങ്ങിയ ഒരു ഊര്ജ്ജദായകമായ ഭക്ഷണമാണ് പഴം. സൂക്രോസ്, ഫ്രക്ടോസ്, ഗ്ലൂക്കോസ് എന്നീ പ്രകൃതിദത്ത പഞ്ചസാരകളും പഴത്തില് അടങ്ങിയിരിക്കുന്നു. ഊര്ജ്ജത്തിന്റെ തോത് ഉയര്ത്താന് സഹായിക്കുന്ന കാര്ബോഹൈഡ്രേറ്റ്സും പഴത്തില് ധാരാളമുണ്ട്. അതിനാല് രാവിലെ നേന്ത്രപ്പഴം പതിവായി ഡയറ്റില് ഉള്പ്പെടുത്തുന്നത് ക്ഷീണമകറ്റാന് സഹായിക്കും.
മൂന്ന്...
ഓട്മീല് ആണ് അടുത്തതായി ഈ പട്ടികയില് ഉള്പ്പെടുന്നത്. കലോറി വളരെ കുറഞ്ഞ ഇവയില് ഫൈബര് ധാരാളം അടങ്ങിയിട്ടുണ്ട്. ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. ശരീരത്തിനാവശ്യമായ എല്ലാ പോഷകങ്ങളും ഓട്മീലില് അടങ്ങിയിരിക്കുന്നു. കൊളസ്ട്രോളിനെ കുറയ്ക്കാനും ഓട്മീല് സഹായിക്കും.
നാല്...
ഈന്തപ്പഴം ആണ് നാലാമതായി ഈ പട്ടികയില് ഉള്പ്പെടുന്നത്. ദിവസവും രണ്ടോ മൂന്നോ ഈന്തപ്പഴം കഴിച്ചാല് ശരീരത്തിന്റെ ഊര്ജ്ജനില നിലനിര്ത്താന് സഹായിക്കുമെന്നാണ് പഠനങ്ങള് പോലും പറയുന്നത്. പാന്റോത്തെനിക് ആസിഡ്, ഫോളേറ്റ്, നിയാസിന് പോലുള്ള ബി വിറ്റാമിനുകള് ധാരാളം അടങ്ങിയ ഈന്തപ്പഴം ഭക്ഷണത്തെ ഊര്ജ്ജമാക്കി പരിവര്ത്തനം ചെയ്യുന്ന പ്രക്രിയ വേഗത്തിലാക്കുന്നു. അതിനാല് ബ്രേക്ക്ഫാസ്റ്റിനൊപ്പം രണ്ട് ഈന്തപ്പഴം കൂടി കഴിക്കാം.
അഞ്ച്...
നട്സാണ് അടുത്തതായി ഈ പട്ടികയില് ഉള്പ്പെടുന്നത്. പ്രോട്ടീനും മഗ്നീഷ്യവും അയേണും വിറ്റാമിന് ഇ, സി, സിങ്ക്, ഒമേഗ 3 ഫാറ്റി ആസിഡ് തുടങ്ങിയവയൊക്കെ അടങ്ങിയ ഇവ രാവിലെ കഴിക്കുന്നതും ശരീരത്തിന് വേണ്ട ഊര്ജം ലഭിക്കാന് സഹായിക്കും.
ആറ്...
ബെറി പഴങ്ങളാണ് അവസാനമായി ഈ പട്ടികയില് ഉള്പ്പെടുന്നത്. ബ്ലൂബെറി, സ്ട്രോബെറി, ബ്ലാക്ക്ബെറി, റാസ്ബെറി തുടങ്ങിയവയില് അടങ്ങിയിരിക്കുന്ന വിറ്റാമിന് സി, ആന്റി ഓക്സിഡന്റുകള് എന്നിവ എന്ര്ജി നല്കാന് സഹായിക്കും. ഫൈബറും ആന്റിഓക്സിഡന്റുകളും ധാരാളം അടങ്ങിയ ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കുകയും ചെയ്യും. കലോറി കുറവായതിനാല് ഇവ വണ്ണം കുറയ്ക്കാന് ആഗ്രഹിക്കുന്നവര്ക്കും കഴിക്കാവുന്നതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: വിറ്റാമിന് 'എ'യുടെ അഭാവം; ഡയറ്റില് ഉള്പ്പെടുത്താം ഈ എട്ട് ഭക്ഷണങ്ങള്...