നേരിയ കൊവിഡ് 19 അണുബാധ പോലും ഹൃദയാരോഗ്യത്തെ ദോഷകരമായി ബാധിക്കാമെന്ന് ​പഠനം

കൊവിഡ് 19 രോഗനിർണയം നടത്തിയ വ്യക്തികളിൽ അണുബാധയ്ക്ക് രണ്ടോ മൂന്നോ മാസങ്ങൾക്ക് ശേഷം ധമനിയുടെയും സെൻട്രൽ കാർഡിയോവാസ്കുലർ പ്രവർത്തനത്തെയും രോഗം ബാധിച്ചതായി കണ്ടെത്തിയതായി ഗവേഷകർ പറഞ്ഞു.

ചെറിയ കൊവിഡ് അണുബാധ പോലും ഹൃദയാരോഗ്യത്തെ ദോഷകരമായി ബാധിക്കുമെന്ന് പഠനം. ജേണൽ ഓഫ് ക്ലിനിക്കൽ മെഡിസിനിൽ പഠനം പ്രസിദ്ധീകരിച്ചു. കൊവിഡ് 19 രോഗനിർണയം നടത്തിയ വ്യക്തികളിൽ അണുബാധയ്ക്ക് രണ്ടോ മൂന്നോ മാസങ്ങൾക്ക് ശേഷം ധമനിയുടെയും സെൻട്രൽ കാർഡിയോവാസ്കുലർ പ്രവർത്തനത്തെയും രോഗം ബാധിച്ചതായി കണ്ടെത്തിയതായി ഗവേഷകർ പറഞ്ഞു.

പാർശ്വഫലങ്ങളിൽ കഠിനവും കൂടുതൽ പ്രവർത്തനരഹിതവുമായ ധമനികൾ ഉണ്ടാകാമെന്നും ഇത് ഹൃദയ സംബന്ധമായ അസുഖങ്ങളുടെ വികാസത്തിലേക്ക് നയിച്ചേക്കാമെന്നും ​ഗവേഷകർ പറയുന്നു.

'കൊവിഡ് 19 അണുബാധയ്ക്ക് ശേഷം രക്തക്കുഴലുകളുടെ ആരോഗ്യം കൂടുതൽ വഷളായതായി പഠനത്തിൽ കണ്ടെത്തി...' - യുകെയിലെ പോർട്ട്‌സ്മൗത്ത് സർവകലാശാലയിലെ പഠന സഹ-എഴുത്തുകാരിയായ മരിയ പെരിസിയോ പറഞ്ഞു.

സാധാരണയായി, അണുബാധയ്ക്ക് ശേഷമുള്ള സമയത്തിനനുസരിച്ച് വീക്കം കുറയുമെന്നും എല്ലാ ശാരീരിക പ്രവർത്തനങ്ങളും സാധാരണ നിലയിലോ ആരോഗ്യകരമായ നിലയിലോ തിരികെ പോകുമെന്നാണ് ഞങ്ങൾ കരുതുന്നതെന്ന് മരിയ പെരിസിയോ പറഞ്ഞു.

ക്രൊയേഷ്യയിലെ യൂണിവേഴ്സിറ്റി ഓഫ് സ്പ്ലിറ്റ് സ്കൂൾ ഓഫ് മെഡിസിനിൽ 2019 ഒക്ടോബറിനും 2022 ഏപ്രിലിനും ഇടയിൽ പഠനത്തിൽ പങ്കെടുത്ത 32 പേരെ നിരീക്ഷിച്ചു.

മിക്കവരും 40 വയസ്സിന് താഴെയുള്ളവരും ആരോഗ്യമുള്ളവരുമായിരുന്നു. ഗ്രൂപ്പിലെ 9 ശതമാനം പേർക്ക് മാത്രമേ ഉയർന്ന രക്തസമ്മർദ്ദം ഉണ്ടായിരുന്നുള്ളൂ. ആർക്കും ഉയർന്ന കൊളസ്ട്രോൾ ഉണ്ടായിരുന്നില്ല. രണ്ട് പേർ പ്രമേഹരോഗികളും 78 ശതമാനം പേർ പുകവലിക്കാത്തവരുമാണ്. 

'ലോകമെമ്പാടുമുള്ള കൊവിഡ് 19 ബാധിച്ച ആളുകളുടെ എണ്ണം കണക്കിലെടുക്കുമ്പോൾ, രോഗത്തിന്റെ നേരിയ രൂപത്തിലുള്ള യുവാക്കളിൽ അണുബാധ ഹൃദയാരോഗ്യത്തെ ദോഷകരമായി ബാധിക്കുമെന്ന വസ്തുത സൂക്ഷ്മ നിരീക്ഷണം ആവശ്യമാണ്...' - സ്പ്ലിറ്റ് സർവകലാശാലയിലെ പ്രൊഫസർ അന ജെറോൻസിക് പറഞ്ഞു.  ഈ പഠനം ചെറുതാണെങ്കിലും കൊവിഡ് 19 അണുബാധയുടെ ഫലമായി ഭാവിയിൽ ഹൃദയ സംബന്ധമായ അസുഖങ്ങൾ പിടിപെടാനുള്ള സാധ്യത വർദ്ധിക്കുമെന്നും ഗവേഷകർ പറഞ്ഞു.