ലക്ഷണങ്ങളൊന്നും പ്രകടമാകാതെയും 'ഫാറ്റി ലിവർ' ഉണ്ടാകാം; കരളിന്‍റെ ആരോഗ്യം സംരക്ഷിക്കാൻ ചെയ്യേണ്ടത്

Published : Nov 17, 2026, 11:49 AM IST
Why Are More Indians Getting Non Alcoholic Fatty Liver Disease

Synopsis

വളരെയധികം കലോറി ഉപഭോഗം, പ്രമേഹം, ഉയർന്ന കൊളസ്ട്രോൾ, മദ്യപാനം തുടങ്ങിയവ മൂലമാണ് പലപ്പോഴും കരളിൽ കൊഴുപ്പ് അടിയുന്നത്.

കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥയാണ് ഫാറ്റി ലിവര്‍ രോഗം എന്ന് പറയുന്നത്. വളരെയധികം കലോറി ഉപഭോഗം, പ്രമേഹം, ഉയർന്ന കൊളസ്ട്രോൾ, മദ്യപാനം തുടങ്ങിയവ മൂലമാണ് പലപ്പോഴും കരളിൽ കൊഴുപ്പ് അടിയുന്നത്. പലരിലും ഫാറ്റി ലിവർ രോഗലക്ഷണങ്ങളില്ലാത്തതിനാൽ ആദ്യഘട്ടത്തിൽ തിരിച്ചറിയപ്പെടാതെ പോകുന്നു.

രോഗം പുരോഗമിക്കുമ്പോൾ, ചർമ്മത്തില്‍ മഞ്ഞനിറം ഉണ്ടാകാം. കരളിന്‍റെ പ്രവര്‍ത്തനം താറുമാറാകുമ്പോള്‍, ബിലിറൂബിന്‍ അമിതമായി ചര്‍മ്മത്തിന് താഴെ അടിഞ്ഞു കൂടും. അതുപോലെ അടിവയറ്റിലെ വീക്കം, വീര്‍ത്ത വയര്‍, വയര്‍ വേദന, മനംമറിച്ചില്‍, രക്തസ്രാവം‍ എന്നിവയാണ് ചിലരെ ബാധിക്കുന്ന ലക്ഷണങ്ങള്‍. ലക്ഷണങ്ങളൊന്നും പ്രകടമാക്കാതെതന്നെ ഫാറ്റി ലിവർ ഉണ്ടാകുന്നത് വളരെ സാധാരണമാണ്.

ഫാറ്റി ലിവറിനെ തടയാനും കരളിന്‍റെ ആരോഗ്യം സംരക്ഷിക്കാനും ചെയ്യേണ്ട കാര്യങ്ങള്‍ എന്തൊക്കെയാണെന്ന് നോക്കാം.

1. ശരീരഭാരം കുറയ്ക്കുക

അമിതമായ ശരീരഭാരം ഫാറ്റി ലിവര്‍ രോഗ സാധ്യത കൂട്ടും. അതിനാല്‍ ശരീരഭാരം നിയന്ത്രിക്കുക.

2. വ്യായാമം ചെയ്യുക

വ്യായാമമില്ലായ്മ കരളിന്‍റെ ആരോഗ്യത്തെ മോശമായി ബാധിക്കാം. അതിനാല്‍ പതിവായി വ്യായാമം ചെയ്യുക.

3. ആരോഗ്യകരമായ ഭക്ഷണക്രമം

ആരോഗ്യകരമായ ഭക്ഷണക്രമം പിന്തുടരുക. ഫൈബര്‍ അടങ്ങിയ ഭക്ഷണങ്ങള്‍, പഴങ്ങള്‍, പച്ചക്കറികള്‍, മുഴുധാന്യങ്ങള്‍ തുടങ്ങിയവ ഡയറ്റില്‍ ഉള്‍പ്പെടുത്തുക. സംസ്കരിച്ച ഭക്ഷണങ്ങളും ജങ്ക് ഫുഡും കൊഴുപ്പ് അടങ്ങിയ ഭക്ഷണങ്ങളും പരമാവധി ഒഴിവാക്കുക.

4. മദ്യപാനം

മദ്യപാനം പൂര്‍ണമായും ഒഴിവാക്കുന്നത് കരളിന്‍റെ ആരോഗ്യത്തിന് നല്ലതാണ്.

ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.

PREV

ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam

 

Read more Articles on
click me!

Recommended Stories

ശരീരത്തിൽ ഇരുമ്പിന്റെ അളവ് കൂട്ടാൻ കഴിക്കേണ്ട 7 ഭക്ഷണങ്ങൾ
ലോകമെമ്പാടുമുള്ള ക്യാൻസർ കേസുകളിൽ ഏകദേശം 40 ശതമാനവും തടയാവുന്നവയാണെന്ന് ലോകാരോഗ്യ സംഘടന