ഫാറ്റി ലിവർ രോഗമുള്ളവരാണോ? എങ്കിൽ ഇവ ഡയറ്റില് ഉള്പ്പെടുത്തൂ
Synopsis
ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, മധുരം ധാരാളം അടങ്ങിയ ഭക്ഷണങ്ങള് തുടങ്ങിയവ ഡയറ്റില് നിന്നും പരമാവധി ഒഴിവാക്കുക.
കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥ ആണ് ഫാറ്റി ലിവര് രോഗം. ഫാറ്റി ലിവര് രോഗത്തെ തടയാന് ഭക്ഷണക്രമത്തില് പ്രത്യേകം ശ്രദ്ധ വേണം. ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, മധുരം ധാരാളം അടങ്ങിയ ഭക്ഷണങ്ങള് തുടങ്ങിയവ ഡയറ്റില് നിന്നും പരമാവധി ഒഴിവാക്കുക.
ഫാറ്റി ലിവര് രോഗത്തെ നിയന്ത്രിക്കാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
1. മഞ്ഞള്
ആന്റി ഓക്സിഡന്റ്, ആന്റി ഇന്ഫ്ലമേറ്ററി ഗുണങ്ങള് അടങ്ങിയ മഞ്ഞള് ഡയറ്റില് ഉള്പ്പെടുത്തുന്നത് ഫാറ്റി ലിവര് രോഗത്തെ നിയന്ത്രിക്കാന് സഹായിക്കും. മഞ്ഞളിലെ കുര്ക്കുമിന് കരളിന്റെ ആരോഗ്യം സംരക്ഷിക്കാനും സഹായിക്കും.
2. വെളുത്തുള്ളി
ആന്റി ഇന്ഫ്ലമേറ്ററി ഗുണങ്ങളുള്ള വെളുത്തുള്ളി ഡയറ്റില് ഉള്പ്പെടുത്തുന്നത് ഫാറ്റി ലിവര് രോഗത്തെ നിയന്ത്രിക്കാന് സഹായിക്കും.
3. ഇഞ്ചി
ആന്റി ഇന്ഫ്ലമേറ്ററി ഗുണങ്ങള് അടങ്ങിയ ഇഞ്ചിയും ഫാറ്റി ലിവര് രോഗത്തെ നിയന്ത്രിക്കാനും കരളിന്റെ ആരോഗ്യം സംരക്ഷിക്കാനും സഹായിക്കും.
4. നെല്ലിക്ക
വിറ്റാമിന് സി, ആന്റി ഓക്സിഡന്റുകള് തുടങ്ങിയവ അടങ്ങിയ നെല്ലിക്ക ഡയറ്റില് ഉള്പ്പെടുത്തുന്നതും കരളിന്റെ ആരോഗ്യത്തിന് നല്ലതാണ്.
5. സൂര്യകാന്തി വിത്തുകള്
വിറ്റാമിന് ഇ ധാരാളം അടങ്ങിയ സൂര്യകാന്തി വിത്തുകള് കഴിക്കുന്നതും ഫാറ്റി ലിവര് രോഗത്തെ നിയന്ത്രിക്കാനും കരളിന്റെ ആരോഗ്യം സംരക്ഷിക്കാനും സഹായിക്കും.
6. വാള്നട്സ്
ഒമേഗ 3 ഫാറ്റി ആസിഡ് അടങ്ങിയ വാള്നട്സ് കഴിക്കുന്നത് ഫാറ്റി ലിവര് രോഗത്തെ നിയന്ത്രിക്കാനും കരളിന്റെ ആരോഗ്യം മെച്ചപ്പെടുത്താനും സഹായിക്കും.
7. ഫാറ്റി ഫിഷ്
ഒമേഗ 3 ഫാറ്റി ആസിഡ് അടങ്ങിയ സാല്മണ് പോലെയുള്ള ഫാറ്റി ഫിഷ് ഡയറ്റില് ഉള്പ്പെടുത്തുന്നതും കരളിന്റെ ആരോഗ്യത്തിന് നല്ലതാണ്.
8. കോഫി
ആന്റി ഓക്സിഡന്റുകള് അടങ്ങിയ കോഫി കുടിക്കുന്നതും നോണ് ആല്ക്കഹോളിക് ഫാറ്റി ലിവര് രോഗത്തെ നിയന്ത്രിക്കാന് സഹായിച്ചേക്കാം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുന്നതാകും നിങ്ങളുടെ ആരോഗ്യത്തിന് നല്ലത്.
Also read: വയറിലെ കൊഴുപ്പിനെ പുറംതള്ളാന് ചെയ്യേണ്ട ഏഴ് കാര്യങ്ങള്
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam