വായു മലിനീകരണം ആരോഗ്യത്തെ ഗുരുതരമായി ബാധിക്കുന്നു. ഇത് ശ്വാസകോശങ്ങൾക്കും വൃക്കകൾക്കും ഹൃദയത്തിനും തലച്ചോറിനും കേടുവരുത്തുന്നു. ഈ കേടുപാടുകൾ കുറയ്ക്കാനും മലിനീകരണത്തിനെതിരെ നമ്മെ കൂടുതൽ സജ്ജരാക്കുന്നതിന് പ്രതിരോധശേഷി വർദ്ധിപ്പിക്കാനും സഹായിക്കുന്ന ഭക്ഷണങ്ങളുണ്ട്.
ദില്ലിയിൽ വായു മലിനീകരണം രൂക്ഷമാകുന്നു. വായു മലിനീകരണം നമ്മുടെ ആരോഗ്യത്തെ ഗുരുതരമായി ബാധിക്കുന്നു. ഇത് നമ്മുടെ ശ്വാസകോശങ്ങൾക്കും വൃക്കകൾക്കും ഹൃദയത്തിനും തലച്ചോറിനും പോലും കേടുവരുത്തുന്നു. വായു മലിനീകരണം രൂക്ഷമായതിനെ തുടർന്ന് രാവിലെയും വൈകുന്നേരവും പുറത്തിറങ്ങുന്നത് ആരോഗ്യത്തിന് ഹാനികരമായി തുടരുന്നു.
കുറഞ്ഞ പ്രതിരോധശേഷിയുള്ള ആളുകൾ, കുട്ടികൾ, പ്രായമായവർ, മറ്റുള്ളവർ പോലും വിഷ വായു മൂലമുണ്ടാകുന്ന ആരോഗ്യപ്രശ്നങ്ങൾക്ക് ഇരയാകുന്നു. എക്യുഐ (എയർ ക്വാളിറ്റി ഇൻഡക്സ്) പുരോഗതിയുടെ ലക്ഷണമൊന്നും കാണിക്കാത്തതിനാലും വായു ഗുരുതരമായ വിഭാഗത്തിൽ തുടരുന്നതിനാലും നിരവധി ആളുകൾക്ക് ശ്വാസകോശ സംബന്ധമായ പ്രശ്‌നങ്ങളും കണ്ണുകളിലും തൊണ്ടയിലും വേദനയും അനുഭവപ്പെടുന്നു.
ഉയർന്ന അളവിലുള്ള വായു മലിനീകരണവുമായി സമ്പർക്കം പുലർത്തുന്നത് വിവിധ ആരോഗ്യ പ്രത്യാഘാതങ്ങൾക്ക് കാരണമാകുമെന്ന് ലോകാരോഗ്യ സംഘടന പറയുന്നു. ഇത് ശ്വാസകോശ സംബന്ധമായ അണുബാധകൾ, ഹൃദ്രോഗം, ശ്വാസകോശ അർബുദം എന്നിവയ്ക്കുള്ള സാധ്യത വർദ്ധിപ്പിക്കുന്നു. വായു മലിനീകരണത്തിന് ഹ്രസ്വവും ദീർഘകാലവുമായ സമ്പർക്കം ആരോഗ്യപരമായ പ്രത്യാഘാതങ്ങളുമായി ബന്ധപ്പെട്ടിരിക്കുന്നു. കൂടുതൽ ഗുരുതരമായ പ്രത്യാഘാതങ്ങൾ ഇതിനകം രോഗബാധിതരായ ആളുകളെ ബാധിക്കുന്നു.
വായു മലിനീകരണം ഹൃദയാഘാത സാധ്യത വർദ്ധിപ്പിക്കുന്നുവോ?
വായു മലിനീകരണം ആരോഗ്യത്തെ ഗുരുതരമായി ബാധിക്കുന്നു. ഇത് ശ്വാസകോശങ്ങൾക്കും വൃക്കകൾക്കും ഹൃദയത്തിനും തലച്ചോറിനും കേടുവരുത്തുന്നു. ഈ കേടുപാടുകൾ കുറയ്ക്കാനും മലിനീകരണത്തിനെതിരെ നമ്മെ കൂടുതൽ സജ്ജരാക്കുന്നതിന് പ്രതിരോധശേഷി വർദ്ധിപ്പിക്കാനും സഹായിക്കുന്ന ഭക്ഷണങ്ങളുണ്ട്.
' വായു മലിനീകരണം കുറയ്ക്കാൻ സർക്കാരും ഞങ്ങളും പൗരന്മാരും ഞങ്ങളുടെ കഴിവിന്റെ പരമാവധി ശ്രമിക്കുമ്പോൾ നിങ്ങളുടെ ശരീരത്തിലെ വിഷാംശം ഇല്ലാതാക്കാനും എക്യൂഐ വർദ്ധിക്കുന്നത് വഴിയുള്ള കേടുപാടുകൾ തടയാനും സഹായിക്കുന്ന ചില ഭക്ഷണങ്ങൾ ഇവിടെയുണ്ട്...' - പോഷകാഹാര വിദഗ്ധയായ പൂജ മഖിജ പറയുന്നു. ഏതൊക്കെയാണ് ആ ഭക്ഷണങ്ങളെന്നതാണ് താഴേ പറയുന്നത്...
ബ്രൊക്കോളി...
ബ്രോക്കോളിയും കോളിഫ്‌ളവർ, കാബേജ് തുടങ്ങിയ പച്ചക്കറികളിൽ സൾഫോറഫെയ്ൻ എന്ന പദാർത്ഥം അടങ്ങിയിട്ടുണ്ട്. ഇത് ശരീരത്തിൽ നിന്ന് ബെൻസീൻ ഇല്ലാതാക്കാൻ സഹായിക്കുന്നു, ബെൻസീൻ ഏറ്റവും ഉയർന്ന വായു മലിനീകരണമാണ്. കൂടാതെ, വിറ്റാമിൻ സി, ബീറ്റാ കരോട്ടിൻ പ്രവർത്തനം എന്നിവയാൽ സമ്പന്നമായ അവ പ്രതിരോധശേഷി വർദ്ധിപ്പിക്കാൻ സഹായിക്കുന്നു.
ഫ്ളാക്സ് സീഡ്...
ഫ്ളാക്സ് സീഡിൽ ഫൈറ്റോ ഈസ്ട്രജൻ സംയുക്തങ്ങളും ഒമേഗ-3 അടങ്ങിയിട്ടുണ്ട്. ഇത് ആസ്ത്മ രോഗികളിലെ അലർജി പ്രതിപ്രവർത്തനങ്ങൾ കുറയ്ക്കാൻ സഹായിക്കുമെന്നും നിരവധി പഠനങ്ങൾ കാണിക്കുന്നു. ദിവസവും ഫ്ളാക്സ് സീഡ് ചേർത്ത വെള്ളം കുടിക്കുന്നത് പ്രതിരോധശേഷി കൂട്ടാനും സഹായിക്കും.
വായു മലിനീകരണത്തിൽ നിന്ന് കണ്ണുകളെ സംരക്ഷിക്കാൻ ചെയ്യേണ്ടത്...
നെല്ലിക്ക...
വിറ്റാമിൻ സി സമ്പുഷ്ടമായ നെല്ലിക്ക സെല്ലുലാർ കേടുപാടുകൾ തടയുകയും പരിസ്ഥിതി വിഷവസ്തുക്കളെ തടയുകയും ചെയ്യുന്നു. എല്ലാ ദിവസവും നെല്ലിക്ക ജ്യൂസ് കുടിക്കുന്നത് പ്രതിരോധശേഷി കൂട്ടുന്നതിന് സഹായിക്കും.
മഞ്ഞൾ...
കുർകുമിൻ എന്ന സംയുക്തം മഞ്ഞളിൽ അടങ്ങിയിട്ടുണ്ട്. പാലിലോ വെള്ളത്തിലോ മഞ്ഞൾ ചേർത്ത് കുടിക്കുന്നതിന് പകരം 500 മില്ലിഗ്രാം കുർക്കുമിൻ സപ്ലിമെന്റ് കഴിക്കാൻ പൂജ മഖിജ പറയുന്നു. ആൻറി-ഇൻഫ്ലമേറ്ററി ഇഫക്റ്റിനും ശ്വാസകോശത്തിലെ അണുബാധ തടയുന്നതിനും ഉയർന്ന ഡോസ് ആവശ്യമാണ്.
ഇഞ്ചി...
അസുഖം വന്നതിന് ശേഷം പലരും ഉപയോഗിക്കുന്ന മറ്റൊരു ഭക്ഷണണാണ് ഇഞ്ചി. ഇഞ്ചി വീക്കം കുറയ്ക്കാൻ സഹായിക്കും, ഇത് തൊണ്ടവേദനയും കോശജ്വലന രോഗങ്ങളും കുറയ്ക്കാൻ സഹായിക്കും. ഇഞ്ചിക്ക് വിട്ടുമാറാത്ത വേദനയും കൊളസ്ട്രോൾ കുറയ്ക്കുന്ന ഗുണങ്ങളും അടങ്ങിയിട്ടുണ്ട്. മാത്രമല്ല രോഗപ്രതിരോധശേഷി കൂട്ടുന്നതിന് ഇഞ്ചി സഹായകമാണ്.
കുരുമുളക്...
ശക്തമായ ആന്റിഓക്‌സിഡന്റുകൾ, ആന്റി-മൈക്രോബയൽ ഗുണങ്ങൾ എന്നിവ കുരുമുളകിൽ അടങ്ങിയിരിക്കുന്നു, ഇത് അണുബാധകളെ അകറ്റുകയും മാനസികാവസ്ഥ വർദ്ധിപ്പിക്കുകയും ഉറക്കം മെച്ചപ്പെടുത്തുകയും ക്യാൻസർ തടയുകയും ചെയ്യുന്നു.