ഉയര്‍ന്ന രക്തസമ്മര്‍ദ്ദത്തെ കുറയ്ക്കാന്‍ വീട്ടില്‍ ചെയ്യേണ്ട കാര്യങ്ങള്‍

പലപ്പോഴും ജീവിതരീതിയില്‍ വന്ന മാറ്റങ്ങള്‍ കൊണ്ടാണ് രക്തസമ്മര്‍ദ്ദം ഉയരുന്നത്.  അമിതമായ ഉപ്പിന്‍റെ ഉപയോഗം, അമിത വണ്ണം, മാനസിക സമ്മർദ്ദം, പുകവലി, മദ്യപാനം തുടങ്ങിയവൊക്കെ രക്തസമ്മർദ്ദം വർധിപ്പിക്കാം. 

ഉയര്‍ന്ന രക്തസമ്മര്‍ദ്ദം ഹൃദയാരോഗ്യത്തെ മോശമായി ബാധിക്കാമെന്ന് നമ്മുക്ക് അറിയാം. പലപ്പോഴും ജീവിതരീതിയില്‍ വന്ന മാറ്റങ്ങള്‍ കൊണ്ടാണ് രക്തസമ്മര്‍ദ്ദം ഉയരുന്നത്.  അമിതമായ ഉപ്പിന്‍റെ ഉപയോഗം, അമിത വണ്ണം, മാനസിക സമ്മർദ്ദം, പുകവലി, മദ്യപാനം തുടങ്ങിയവൊക്കെ രക്തസമ്മർദ്ദം വർധിപ്പിക്കാം. 

രക്തസമ്മർദ്ദം നിയന്ത്രിക്കാൻ വീട്ടില്‍ ചെയ്യേണ്ട കാര്യങ്ങള്‍ എന്തൊക്കെയാണെന്ന് നോക്കാം.

1. പൊട്ടാസ്യം അടങ്ങിയ ഭക്ഷണങ്ങള്‍

പൊട്ടാസ്യം അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുന്നത് ഉയര്‍ന്ന രക്തസമ്മര്‍ദ്ദം അഥവാ ഹൈപ്പര്‍ടെന്‍ഷന്‍ നിയന്ത്രിക്കാന്‍ സഹായിക്കും. ഇതിനായി വാഴപ്പഴം, ചീര, അവക്കാഡോ തുടങ്ങിയ വ ഡയറ്റില്‍ ഉള്‍പ്പെടുത്താം.  അതുപോലെ വെളുത്തുള്ളി, ചെമ്പരത്തി ചായ തുടങ്ങിയവ ഡയറ്റില്‍ ഉള്‍പ്പെടുത്തുന്നത് ബിപി കുറയ്ക്കാന്‍ സഹായിക്കും. 

2.  ഉപ്പ് കുറയ്ക്കുക

അമിതമായി ഉപ്പ് കഴിക്കുന്നത് രക്തസമ്മര്‍ദ്ദം കൂടാന്‍ കാരണമാകും. അതിനാല്‍ രക്തസമ്മർദ്ദമുള്ളവർ ഉപ്പ് അധികം കഴിക്കരുത്. ഉപ്പിന്റെ ഉപയോഗം ദിനംപ്രതി ആറ് ഗ്രാമിൽ താഴെ ആയിരിക്കുവാന്‍ ശ്രദ്ധിക്കുക.

3. ഈ ഭക്ഷണങ്ങള്‍ ഒഴിവാക്കുക

എണ്ണയിൽ വറുത്ത വസ്തുക്കൾ, റെഡ് മീറ്റ്, ബേക്കറി സാധനങ്ങൾ, മായം കലർന്ന വസ്തുക്കൾ, അച്ചാറുകൾ തുടങ്ങിയവയുടെ ഉപയോഗം കുറച്ച്, പഴങ്ങളും പച്ചക്കറികളും കൂടുതലുള്ള ആഹാരം ശീലമാക്കുക.

4. വെള്ളം ധാരാളം കുടിക്കുക 

വെള്ളം ധാരാളം കുടിക്കുന്നത് ഉയര്‍ന്ന രക്തസമ്മര്‍ദ്ദത്തെ നിയന്ത്രിക്കാനും ശരീരത്തിന്‍റെ മൊത്തം ആരോഗ്യം സംരക്ഷിത്താനും സഹായിക്കും. 

5. ശരീരഭാരം കൂടാതെയും നോക്കുക

ശരീരഭാരം കൂടുന്നത് പലപ്പോഴും രക്തസമ്മർദ്ദം വർധിപ്പിക്കുന്നതിന് കാരണമാകാം. അതിനാല്‍ ശരീരഭാരം കുറയ്ക്കുക. 

6. വ്യായാമം ചെയ്യുക

ദിവസവും 30 മിനിറ്റ് വ്യായാമം ചെയ്യുന്നത് ഉയര്‍ന്ന രക്തസമ്മര്‍ദ്ദത്തെ നിയന്ത്രിക്കാന്‍ സഹായിക്കും. 

7. പുകവലിയും മദ്യപാനവും ഒഴിവാക്കുക 

പുകവലിക്കുന്നതിലൂടെയും മദ്യപിക്കുന്നതിലൂടെയും രക്തസമ്മർദ്ദം ഉയരാം. അതിനാല്‍ പുകവലിയും മദ്യപാനവും പരമാവധി കുറയ്ക്കുക. 

8. സ്‌ട്രെസ് കുറയ്ക്കുക

സ്‌ട്രെസ് മൂലവും രക്തസമ്മര്‍ദ്ദം ഉയരാം. അതിനാല്‍ യോഗ, ധ്യാനം തുടങ്ങിയ വഴികളിലൂടെ സ്ട്രെസ് കുറയ്ക്കാന്‍ നോക്കുക.