കുട്ടികളും മുതിർന്നവരും കണ്ണിൽ സൂക്ഷ്മകണികകൾ പ്രവേശിച്ചാലും കണ്ണ് തിരുമ്മുന്നത് ഒഴിവാക്കുകയും വെള്ളം ഉപയോഗിച്ച് കണ്ണുകൾ നന്നായി കഴുകുകയും വേണമെന്ന് ഡോ. മഹിപാൽ സിംഗ് പറയുന്നു.
വായു മലിനീകരണം ഒരു പ്രധാന ആശങ്കയായി മാറിയിരിക്കുന്നു. ഡൽഹിയിലും പരിസര പ്രദേശങ്ങളിലും ഹാനികരമായ വായു മലിനീകരണത്തിന്റെ തോത് വീണ്ടും വർദ്ധിച്ചുകൊണ്ടിരിക്കുകയാണ്. അത് കൊണ്ട് തന്നെ ശരീരത്തിലെ ഏറ്റവും സെൻസിറ്റീവും പ്രധാനപ്പെട്ടതുമായ അവയവങ്ങളിലൊന്നായ കണ്ണുകൾക്ക് അസുഖങ്ങൾ ഉണ്ടാകാനുള്ള സാധ്യതയുണ്ട്.
വായു മലിനീകരണം ശ്വാസകോശത്തെ മാത്രമല്ല കണ്ണുകളെയും ഗുരുതരമായി ബാധിക്കുമെന്ന് മുമ്പ് നടത്തിയ പഠനങ്ങൾ ചൂണ്ടിക്കാട്ടുന്നു. ഇൻഡോർ വായു മലിനീകരണവും ഗ്ലോക്കോമ, തിമിരം, പ്രായവുമായി ബന്ധപ്പെട്ട മാക്യുലർ ഡീജനറേഷൻ (എഎംഡി) എന്നിവയുൾപ്പെടെ നിരവധി നേത്രരോഗങ്ങളുമായി ബന്ധപ്പെട്ടിരിക്കുന്നു.
മധ്യവയസ്‌കരെ അപേക്ഷിച്ച് ശിശുക്കളും പ്രായമായവരും വളരെ സെൻസിറ്റീവും അതിലോലവുമുള്ളവരായതിനാൽ വീടിനകത്തും പുറത്തുമുള്ള വായു മലിനീകരണം ഏറ്റവും കൂടുതൽ ബാധിക്കുന്നു. ' വായു മലിനീകരണവുമായി ദീർഘനേരം സമ്പർക്കം പുലർത്തുന്നത് കണ്ണുകൾക്ക് ചുവപ്പ്, ചൊറിച്ചിൽ, വരണ്ട കണ്ണുകൾ, ചില സന്ദർഭങ്ങളിൽ കണ്ണുകളുടെ വീക്കം തുടങ്ങിയ ബുദ്ധിമുട്ടുകൾക്ക് കാരണമാകും...' - സെന്റർ ഫോർ സൈറ്റ് ചെയർമാനും മാനേജിംഗ് ഡയറക്ടറുമായ പ്രൊഫ. ഡോ. മഹിപാൽ സിംഗ് സച്ച്‌ദേവ് പറയുന്നു.
നവംബർ, ഡിസംബർ മാസങ്ങളിൽ കാർബൺ മോണോക്സൈഡ്, നൈട്രജൻ ഡയോക്സൈഡ്, പരുക്കൻ പൊടിപടലങ്ങൾ എന്നിവയുൾപ്പെടെയുള്ള അപകടകരമായ വാതകങ്ങൾ അടങ്ങിയ മോശം വായുവിന്റെ ഗുണനിലവാരം കാരണം കണ്ണുകൾക്ക് ചുവപ്പ്, വെള്ളം, വ്യത്യസ്ത നേത്ര അലർജികൾ എന്നിവയുള്ള കേസുകളുടെ എണ്ണം വർദ്ധിച്ചതായാണ് റിപ്പോർട്ടുകൾ. കണ്ണിന്റെ വീക്കം,ചുവന്ന കണ്ണുകൾ, കണ്ണുകളിൽ ചൊറിച്ചിൽ, നിലവിൽ പലരിലും കണ്ടുവരുന്ന വായു മലിനീകരണം മൂലമുണ്ടാകുന്ന പ്രശ്നങ്ങളാണ്.
മോശം കൊളസ്ട്രോൾ കുറയ്ക്കാൻ സഹായിക്കുന്ന അഞ്ച് പഴങ്ങൾ
കുട്ടികളും മുതിർന്നവരും കണ്ണിൽ സൂക്ഷ്മകണികകൾ പ്രവേശിച്ചാലും കണ്ണ് തിരുമ്മുന്നത് ഒഴിവാക്കുകയും വെള്ളം ഉപയോഗിച്ച് കണ്ണുകൾ നന്നായി കഴുകുകയും വേണമെന്ന് ഡോ. മഹിപാൽ സിംഗ് പറയുന്നു.
പുറത്ത് ധാരാളം പുകമഞ്ഞ് ഉള്ളപ്പോൾ പ്രത്യേകിച്ച് രാവിലെയും വൈകുന്നേരവും പുറത്തിറങ്ങുന്നത് നിയന്ത്രിക്കാൻ ശ്രമിക്കുക. പുറത്തുപോകുന്ന മുതിർന്നവർ സംരക്ഷണത്തിനായി സൺഗ്ലാസ് ധരിക്കാൻ വിദഗ്ധർ നിർദ്ദേശിക്കുന്നു. മുഖംമൂടികൾ നമ്മുടെ ശ്വാസകോശത്തിന് സമാനമായി പ്രവർത്തിക്കുമ്പോൾ കണ്ണട നമ്മുടെ കണ്ണുകൾക്ക് വേണ്ടി പ്രവർത്തിക്കുന്നു.
ഒരു ദിവസം 2-3 തവണ ഡോക്ടർ നിർദ്ദേശിച്ച ഐ ഡ്രോപ്സ് മരുന്ന് ഉപയോഗിച്ച് കണ്ണുകൾ ലൂബ്രിക്കേറ്റ് ചെയ്യുക, ഇത് കണ്ണുകളുടെ പേശികളെ വിശ്രമിക്കാൻ സഹായിക്കും. ശിശുക്കളും പ്രായമായവരും ധാരാളം വെള്ളം കുടിക്കുക. കാരണം വെള്ളം കഴിക്കുന്നത് ശരീരത്തിനും കണ്ണിനും നല്ലതാണ്. ഇത് നിങ്ങളെ ജലാംശം നിലനിർത്തുക മാത്രമല്ല, ശരീരത്തിൽ നിന്ന് ദോഷകരമായ വിഷവസ്തുക്കളെയും മാലിന്യങ്ങളെയും പുറന്തള്ളുകയും ചെയ്യുന്നു.
രക്തത്തിലെ പഞ്ചസാരയുടെ അളവ് കൂടുന്നതിന് പിന്നിലെ ആറ് കാരണങ്ങൾ